2 ᐱᔩᑦ ᐃᖅᑲᕐᑐᕐᓂᐊᕐᓇᒍ; ᓵᖕᓂ ᐃᓄᐃᑦ ᐃᓅᔪᑦ ᐸᓯᔭᒃᓴᐅᖏᑦᑐᖃᖏᒻᒪᑕ.
“ᐃᓄᖁᑎᑎᑦ ᐊᔪᕐᑐᓕᒃᐸᑕ ᐃᓕᖕᓄᑦ ᐃᓄᒃᑕᖃᖏᒻᒪᑦ ᐊᔪᕐᑐᓕᓱᐃᑦᑐᒥᒃ, ᓂᓐᖓᒡᕕᒋᓯᒪᒍᕕᒋᑦ, ᓴᓚᒋᔭᐅᑎᒃᑯᕕᒋᓪᓗ ᐊᑭᕋᖏᓐᓄᑦ, ᐊᐅᓪᓚᕈᑦᔭᐅᑎᒃᑯᕕᒋᓪᓗ ᑎᒍᔭᐅᓗᑎᒃ ᐊᑭᕋᒥ ᓄᓇᖓᓄᑦ, ᖃᓂᑦᑐᒧᑦ ᐅᖓᓯᒃᑐᒧᓪᓘᓐᓃᑦ;
ᒎᑏ, ᓱᖕᒪᑦ ᑍᒤᑦᑐᒥᒃ ᑕᑯᓐᓇᕋᓱᐊᕐᐱᑦ? ᓵᖕᓄᐊᕐᑎᑉᐱᐅᒃ ᐃᖅᑲᕐᑐᕈᒪᓪᓗᒎ?
ᐃᓄᒃ ᓇᓪᓕᐊᑦ ᐊᔪᕐᓂᖃᖏᑦᓯᐊᕈᓐᓇᕐᐸ? ᐅᕝᕙᓗ ᐊᕐᓇᒥᑦ ᐃᕐᓂᐊᖑᓯᒪᔪᖅ ᖃᓄᖅ ᐃᓱᐊᕐᑑᔪᓐᓇᕐᐸ?
ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?
‘ᒎᑎᐅᑉ ᓵᖓᓂ ᐃᓄᑐᐃᓐᓇᕐᒥᒃ ᓇᓛᒎᕐᑐᖃᕈᓐᓇᕐᐹ? ᐃᓄᒃ ᐃᑦᔪᕐᓁᓐᓂᕐᓴᐅᔪᓐᓇᕐᐹ ᐱᓐᖑᕐᑎᑎᖓᑕ ᓵᖓᓂ?
ᐊᑕᓃᖅ, ᐊᔪᕐᑐᓕᓂᑦᑎᓐᓂᒃ ᑎᑎᕋᕐᓯᒪᒐᔭᕈᕕᑦ, ᐊᑕᓃᖅ, ᑭᓈ ᓇᖏᕈᓐᓇᕋᔭᕐᐹ?
ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”
ᐃᓄᖕᒥᒃ ᐃᓱᐊᕐᑐᒥᒃ ᓄᓇᒥ ᐱᑕᖃᖏᒻᒪᑦ ᐱᐅᔪᒥᒃ ᐱᓂᐊᕐᓂᖃᕐᑐᒥᒃ ᐊᔪᕐᑐᓕᖏᑦᑐᒥᒡᓗ.
ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.
ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.
ᐊᔪᕐᑐᓕᓚᐅᕐᓯᒪᖏᓐᓂᕋᕈᑦᑕᓕ, ᑕᕝᕙ ᒎᑎ ᓴᒡᓗᑐᓂᕋᕐᐸᕗᑦ, ᐅᖃᐅᓯᖓᓗ ᐃᓗᑦᑎᓐᓃᓐᖏᓚᖅ.
