1 ᓂᐱᓐᓄᑦ ᓂᓪᓕᐊᕗᖓ ᐊᑕᓂᕐᒧᑦ; ᓂᐱᓐᓄᑦ ᕿᓄᕗᖓ ᐊᑕᓂᕐᒧᑦ.
ᔧᐹᔾᓕ ᐃᓴᕆᐊᓕᒥᐅᑦ ᒎᑎᖓᓄᑦ ᑐᒃᓯᐊᓚᐅᕐᐳᖅ ᐅᖃᕐᓗᓂ, “ᓮᒻᒪᕐᑎᓚᐅᓐᖓ ᓄᓇᖁᑎᒪᓗ ᑭᒡᓕᖓ ᐊᖏᒡᓕᒋᐊᕐᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ ᐅᕙᓐᓃᖁᓪᓗᒋᑦ, ᐃᓕᖕᓄᑦ ᓴᐳᑎᔭᐅᓯᒪᖁᓪᓗᖓ ᐊᑦᑕᕐᓇᕐᑐᓂᑦ ᓱᓇᑐᐃᓐᓇᓄᑦ ᐋᓐᓂᕐᑕᐅᖁᓇᖓ!” ᒎᑎᐅᓪᓗ ᑐᓂᓚᐅᕐᐹ ᐱᔪᒪᔭᖓᓂᒃ.
ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ; ᕾᓵᓚᐅᕆᑦ ᐅᕙᓐᓄᑦ! ᓂᐱᒐ ᑐᓴᓚᐅᕈᒃ, ᑐᒃᓯᐊᕐᕕᒋᓕᑐᐊᕈᒃᑭᑦ.
ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.
ᐊᑕᓃᖅ ᐃᓕᖕᓄᑦ ᓂᓪᓕᐊᓚᐅᕐᐳᖓ; ᐊᑕᓂᕐᒧᓪᓗ ᕿᓄᓚᐅᕐᐳᖓ.
ᐃᓄᒃ ᓮᒻᒪᕐᑎᑕᐅᕗᖅ ᑕᒻᒪᓂᖏᓐᓂᑦ ᐃᓱᒪᒋᔪᓐᓃᕐᕕᐅᔪᖅ, ᐊᔪᕐᓂᖏᓪᓗ ᐅᓕᒃᑕᐅᔪᑦ.
ᒎᑏ, ᓴᐳᑎᓚᐅᓐᖓ, ᐊᑎᕐᓄᑦ, ᐅᓇᑕᕈᑎᓗᖓᓗ ᓴᓐᖏᔫᓂᕐᓄᑦ.
ᓂᑲᒋᓚᐅᓐᖓ ᒎᑏ, ᓂᑲᒋᓚᐅᓐᖓ! ᑕᕐᓂᕐᒪ ᕿᒫᕕᒋᖕᒪᑎᑦ; ᐃᓴᕈᕐᐱᑦ ᑕᕐᕋᓕᓂᖏᒃᑕ ᐊᑖᓂ ᕿᒫᓯᒪᔪᒪᕗᖓ, ᑕᒪᒃᑯᐊ ᖃᓄᐃᓐᓇᕐᑐᑦ ᐊᓂᒍᓚᐅᖏᓐᓂᖏᓐᓂ.
ᓄᓇ ᓇᔪᕆᐊᖓ ᐱᐅᒋᔭᐅᖏᓐᓂᕐᓴᐅᓚᐅᕐᐳᖅ; ᑍᒤᒻᒪᑦ ᓄᓇᖃᖏᑦᑐᑎᑐᑦ ᓇᓂᑐᐃᓐᓈᖃᑦᑕᓚᐅᕐᐳᑦ ᓱᓇᖃᔪᐃᑦᑐᒥ ᖃᖅᑲᓂᓗ, ᕾᕈᓱᖕᓂᓗ ᓄᓇᐅᓪᓗ ᖁᖕᓈᖏᓐᓂ ᐃᓂᖃᖃᑦᑕᓚᐅᕐᐳᑦ.
ᕾᕈᓱᖕᒧᐊᓚᐅᕐᐳᕐᓗ ᓰᐱᖃᐅᑎᒥᒃ ᐊᑎᓕᐅᑉ ᐊᖅᑯᑖᑕ ᓴᓂᐊᓃᑦᑐᒧᑦ, ᑕᕝᕙᓂ ᕾᕈᓱᒃᑕᖃᕐᒪᑦ; ᑕᕝᕗᖓᓗ ᓴᐅᓕ ᐃᑎᕐᐳᖅ ᐊᓇᕆᐊᕐᑐᕐᓗᓂ. ᑍᕕᑎᓕ ᐃᓚᖏᓪᓗ ᐃᔨᕐᓯᒪᓚᐅᕐᐳᑦ ᐃᓗᐊᓂ, ᕾᕈᓲᑉ ᕿᓐᖑᐊᓃᑦᓱᑎᒃ.
ᑍᕕᑎᐅᓪᓗ ᐃᓄᖁᑎᖏᑦ ᐅᖃᕐᐳᑦ, “ᐅᓪᓗᖅ ᑕᕝᕙ ᐊᑕᓂᐅᑉ ᕾᑎᑉᐹ ᐅᖃᓚᐅᕐᑕᖓ ᐃᓕᖕᓄᑦ, ‘ᑕᑯᒋᑦ ᐊᑭᕋᑎᑦ ᐃᓕᖕᓄᑦ ᑐᓂᔪᒫᕐᐸᒃᑲ, ᐃᓱᒪᕐᓲᑎᒋᔪᒫᕐᐸᑎᓪᓗ ᖃᓄᐃᓕᐅᕈᒪᑐᐊᕈᕕᒋᑦ.’” ᑕᕝᕙ ᑍᕕᑎ ᒪᑭᑉᐳᖅ ᑎᕐᓕᐊᕐᓗᒍ ᐲᕐᓯᕗᖅ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ.
