ᐃᓐᖏᕈᑎᑦ 141:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 141:2 Iomraidhean Croise

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐄᓱᕋᐅᑉ ᐊᒡᓚᖏᑦ 9:4

ᑕᕝᕙᓂ ᐃᒃᓯᕔᓐᓇᓚᐅᕐᐳᖓ ᕿᒃᓵᒡᓗᖓ ᐅᓐᓄᒃᑯᑦ ᑐᓂᕐᕈᓯᕐᕕᐅᕙᒃᑐᖅ ᑎᑭᓪᓗᒍ, ᐃᓄᐃᓪᓗ ᑲᑎᑉᐸᓪᓕᐊᓕᓚᐅᕐᐳᑦ ᐊᕙᑎᓐᓄᑦ ᓯᕘᕋᔪᑦ ᐃᓴᕆᐊᓕᒥᐅᑦ ᒎᑎᖓᓂᒃ, ᐅᑎᕐᓯᒪᔪᑦ ᐊᔪᕐᑐᓕᓂᖏᑕ ᐅᖃᐅᓯᐅᓯᒪᓂᖏᑦ ᐱᓪᓗᒋᑦ.

ᐃᓐᖏᕈᑎᑦ 134:2

ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!

ᐃᓐᖏᕈᑎᑦ 28:2

ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.

ᐃᓐᖏᕈᑎᑦ 5:3

ᐅᓪᓛᒃᑯᑦ ᓂᐱᒐ ᑐᓴᕐᓂᐊᕐᐸᑦ ᐊᑕᓃᖅ, ᐅᓪᓛᒃᑯᑦ ᐃᓕᖕᓄᑦ ᑐᕌᕐᑐᒥᒃ ᓂᓪᓕᐊᔪᒪᕗᖓ, ᖁᒻᒧᓪᓗ ᑕᑯᓴᕐᓂᐊᕐᐳᖓ.

ᐃᓐᖏᕈᑎᑦ 63:4

ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ.

ᒨᓯᓯ ᐂᑉᐸᖏᑦ 29:39

ᐅᓪᓛᒃᑯᑦ ᓰᐱᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᓯᕐᑐᒃᓴᐅᕗᑎᑦ, ᐂᑉᐸᖓᓕ ᓰᐱᐅᑉ ᓄᕐᕋᖓ ᐅᓐᓄᒃᑯᑦ ᑐᓂᕐᕈᑎᒋᔭᒃᓴᕆᕙᑦ;

ᒨᓯᓯ ᐂᑉᐸᖏᑦ 35:15

ᑐᓂᕐᕈᓯᕐᕕᒃᓮᑦ ᐃᓯᕐᓗᐊᕐᓂᑎᑦᓯᕕᒃᓮᓪᓗ ᓂᐅᒃᓴᖏᓪᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 16:35

ᐃᑯᒪᓗ ᐊᖅᑲᕐᐳᖅ ᐊᑕᓂᕐᒥᑦ ᓄᖑᓪᓗᒋᓪᓗ 250 ᐊᖑᑎᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᑐᓂᕐᕈᓯᕐᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:1

ᑕᕝᕙ ᐲᑦᑐᕉᓯ ᔪᐊᓇᓯᓗ ᑐᒃᓯᐊᕐᕕᒡᔪᐊᒧᐊᓕᕐᐴᒃ ᑐᒃᓯᐊᕐᓇᕐᓯᓕᕐᑎᓪᓗᒍ ᐃᑲᕐᕋᒥ, ᐅᓐᓄᓴᒃᑯᑦ 3ᒨᕐᑎᓪᓗᒍ.

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;