ᐃᓐᖏᕈᑎᑦ 140:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓃᖅ, ᐊᑕᓂᕋ, ᓴᐳᑦᔨᔨᒐ ᓲᖑᔪᕐᔪᐊᖑᔪᖅ, ᓂᐊᖁᕋ ᐅᓕᒃᓯᒪᓚᐅᕐᐸᑦ ᐅᓇᑕᕐᓂᐅᑉ ᓇᓪᓕᐅᓐᓂᖓᓂ.

ᐃᓐᖏᕈᑎᑦ 140:7 Iomraidhean Croise

ᓴᒧᐃᓕ ᐂᑉᐸᖏᑦ 8:14

ᐅᓇᑕᕐᑐᒃᓴᖁᑎᒥᓂᒡᓗ ᐃᓂᑖᕐᑎᑦᓯᓚᐅᕐᐳᖅ ᐄᑐᒥᓕᒫᒥ; ᐃᓄᓕᒫᖏᓪᓗ ᐱᔨᑖᕆᓚᐅᕐᐰᑦ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᓐᖓᑐᐊᕌᖓᑦ.

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᐃᓐᖏᕈᑎᑦ 144:10

ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ, ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.

ᐃᓐᖏᕈᑎᑦ 18:35

ᓴᐴᓗᑕᕐᒥᒃ ᑐᓂᓯᕕᒋᒋᕙᕐᒪ, ᐱᐅᓕᔭᐅᓂᐅᑉ ᓴᐴᓗᑕᖓᓂᒃ; ᐊᒡᒐᖕᓄᓪᓗ ᑕᓕᕐᐱᖕᓄᑦ, ᒪᑭᑕᑎᑉᐸᕐᒪ, ᐱᑦᓯᐊᕐᓂᕕᓪᓗ ᓂᑲᒍᓱᒃᑑᑉ ᐊᔪᖏᑦᑐᕐᔪᐊᓐᖑᕐᑎᑉᐹᖓ.

ᐃᓐᖏᕈᑎᑦ 27:1

ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?

ᐃᓐᖏᕈᑎᑦ 31:15

ᐱᕕᒃᓴᒃᑲ ᐊᒡᒐᖕᓃᑉᐳᑦ; ᓴᐳᑎᓚᐅᓐᖓ ᐊᑭᕋᕐᑐᕐᑎᓐᓂᑦ ᐅᕙᓐᓂᒡᓗ ᓵᓚᖃᕋᓱᐊᕐᑐᓂᑦ.

ᐃᓐᖏᕈᑎᑦ 59:17

ᓴᓐᖏᔫᑦᔪᑎᒋᕙᒋᑦ, ᐃᓐᖏᕈᒪᕗᖓ ᓂᕐᑐᕐᓗᑎᑦ, ᒎᑎ ᐃᕝᕕᑦ ᓴᐳᑦᔨᔨᒋᒐᒃᑭᑦ, ᒎᑎ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᖅ.

ᐃᓐᖏᕈᑎᑦ 62:2

ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.

ᐃᓐᖏᕈᑎᑦ 62:7

ᒎᑎᒥᑦ ᐱᐅᓕᔭᐅᓂᕋ ᐱᓐᓇᕐᓇᕐᑎᑕᐅᓂᕋᓗ ᐱᖕᒪᑎᒃ; ᕾᕐᑐᕆᕙᕋ ᐊᔪᖏᑦᑐᕐᔪᐊᖅ, ᕿᒫᕕᒋᔭᕋ ᒎᑎ.

ᐃᓐᖏᕈᑎᑦ 89:26

ᑖᑦᓱᒪ ᓂᓪᓕᐊᕕᒋᔪᒫᕐᐹᖓ, ‘ᐊᑖᑕᒋᕙᒋᑦ, ᒎᑎᒋᕙᒋᑦ, ᐱᐅᓕᔭᐅᓂᕐᒪᓗ ᕾᕐᑐᕆᕚᑎᑦ.’

ᐃᓐᖏᕈᑎᑦ 95:1

ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ!

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”