ᐃᓐᖏᕈᑎᑦ 139:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓃᖅ, ᐃᓕᖕᓂᒃ ᐆᒥᓱᒃᑐᑦ ᐆᒥᒋᓐᖏᓚᒃᑳ? ᕿᒃᓵᒍᑎᒋᓐᖏᓚᒃᑲᓘ ᐃᓕᖕᓂᒃ ᐊᑭᕋᕐᑐᕐᑐᑦ?

ᐃᓐᖏᕈᑎᑦ 139:21 Iomraidhean Croise

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᐃᓐᖏᕈᑎᑦ 119:136

ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 119:158

ᓯᓔᕐᕆᒃᓯᔩᑦ ᑕᑯᓐᓇᓕᕋᒃᑭᑦ ᕿᒃᓵᓕᕐᐳᖓ; ᐅᖃᐅᓯᕐᑎᑦ ᓈᓚᖏᒻᒪᒋᑦ.

ᐃᓐᖏᕈᑎᑦ 15:4

ᐱᐅᖏᑦᑐᓕᐅᕐᑎᒥᒡᓗ ᖁᕕᐊᒋᔭᖃᖏᑦᑐᖅ, ᐅᐱᒍᓱᒃᑐᖅ ᒎᑎᒥᒃ ᓯᕘᕋᔪᓂᒃ, ᐊᖏᕈᑎᒥᓂᒃ ᑲᔪᓯᑎᑦᓯᕙᒃᑐᖅ, ᐊᓯᑦᔩᕙᒐᓂᓗ ᐃᒻᒥᓄᑦ ᐋᓐᓂᕐᓇᕋᓗᐊᕐᐸᑦ,

ᐃᓐᖏᕈᑎᑦ 26:5

ᐱᐅᖏᑦᑐᒥᒃ ᐱᓇᓱᐊᕐᑎᑦ ᑲᑎᒪᓂᖏᑦ ᐱᐅᒋᓐᖏᓚᒃᑲ; ᐱᐅᖏᑦᑐᓕᔪᑦ ᐃᒃᓯᕙᖃᑎᒋᓂᐊᓐᖏᓚᒃᑲ.

ᐃᓐᖏᕈᑎᑦ 31:6

ᐆᒥᒋᖃᑦᑕᓯᒪᕙᒃᑲ ᑲᒪᒋᔭᖃᕐᑐᑦ ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ; ᐅᕙᖓᓕ ᐊᑕᓂᕐᒥᒃ ᑕᑎᖃᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 13:17

ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.

ᒫᑯᓯᐅᑉ ᐊᒡᓚᖏᑦ 3:5

ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

ᓘᑲᓯᐅᑉ ᐊᒡᓚᖏᑦ 19:41

ᔨᕉᓴᓕᒻ ᖃᒡᓕᓪᓗᒍ ᑕᑯᓐᓇᓕᕋᒥᐅᒃ ᖁᕝᕕᐅᕈᑎᒋᕚ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:2

ᐱᓂᐊᕐᓂᑎᑦ ᖃᐅᔨᒪᕙᒃᑲ, ᐊᒃᓱᕈᕐᓗᑎᑦ ᐱᓇᓱᐊᕐᓯᒪᓃᑦ ᕿᓄᐃᓵᕐᓯᒪᓃᓪᓗ, ᐱᐅᖏᑦᑐᓕᔪᓂᒡᓗ ᓈᒪᒃᓴᓕᕈᓐᓇᖏᓐᓇᕕᑦ ᐋᐴᓯᑕᓕᐅᓂᕋᕐᑐᓪᓗ ᐋᐴᓯᑕᓕᐅᓇᑎᒃ ᖃᐅᔨᓴᕐᓯᒪᒐᕕᒋᑦ, ᖃᐅᔨᓯᒪᓪᓗᒋᓪᓗ ᓱᓕᖏᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:6

ᐃᒤᑦᑐᒥᒡᓕ ᓱᓕ ᐱᓯᒪᕗᑎᑦ, ᓂᑯᓔᑎᒥᐅᑦ ᐱᓂᐊᕐᓂᖏᑦ ᐆᒥᒋᒐᕕᒋᑦ, ᐅᕙᖓᑦᑕᐅᖅ ᐆᒥᒋᖕᒥᒐᒃᑭᑦ.