ᐃᓐᖏᕈᑎᑦ 139:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᖃᐅᔨᒪᕙᕐᒪ ᐃᒃᓯᕙᑎᓪᓗᖓ ᓇᖏᕐᑎᓪᓗᖓᓗ; ᐃᓱᒪᒋᔭᒃᑲ ᖃᐅᔨᒪᕙᑎᑦ ᐅᖓᓯᒋᔭᓐᓂᑦ.

ᐃᓐᖏᕈᑎᑦ 139:2 Iomraidhean Croise

ᒨᓯᓯ ᓯᕗᓪᓖᑦ 16:13

ᐂᒡᒐᐅᓪᓗ ᐊᑕᓂᖅ ᐅᖃᕐᕕᒋᔨᓂ ᐊᑎᖃᕐᑎᑉᐹ, “ᒎᑏ ᑕᑯᓐᓇᕐᐳᑎᑦ”; ᐅᖃᓚᐅᕋᒥ, “ᒎᑎᒥᒃ ᑕᑯᓪᓚᕆᒃᐳᖓ ᑐᖁᓇᖓᓗ ᑕᑯᓚᐅᕐᓗᒍ?”

ᐊᑕᓃᑦ ᐂᑉᐸᖏᑦ 19:27

“ᖃᐅᔨᒪᕙᒋᑦ ᐃᒃᓯᕚᕐᑎᓪᓗᑎᑦ ᐊᓂᑎᓪᓗᑎᑦ ᐃᑎᕐᑎᓪᓗᑎᓪᓗ, ᓂᓐᖓᐅᒪᓂᕆᔧᓪᓗ ᐅᕙᓐᓄᑦ.

ᐊᑕᓃᑦ ᐂᑉᐸᖏᑦ 6:12

ᐊᖓᔪᖅᑳᖁᑎᖓᑦᑕ ᐃᓚᖓᑦ ᑭᐅᕗᖅ, “ᓇᓪᓕᑦᑎᓐᓂᐅᖏᑦᑐᖅ, ᐊᑕᓂᕋ ᐊᖓᔪᖅᑳᕐᔪᐊᖅ! ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᓔᓴ ᐅᓂᒃᑲᐅᑦᔨᖃᑦᑕᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᓯᓂᒃᕕᖃᕐᕕᖕᓂ ᐅᖃᕐᑕᑎᑦ ᐊᒡᓛᑦ ᖃᐅᔨᒪᖃᑦᑕᕐᐰᑦ.”

ᐃᓐᖏᕈᑎᑦ 44:22

ᐱᑦᔪᑎᒋᓪᓗᑎᑦ ᐅᓪᓗᖅ ᓈᓪᓗᒍ ᑐᖁᑕᐅᕗᒍᑦ. ᓰᐱᑎᑐᑦ ᐱᔭᐅᕗᒍᑦ ᑐᖁᑕᐅᔭᕐᑐᕐᑐᑎᑐᑦ.

ᐃᓐᖏᕈᑎᑦ 56:8

ᕿᒫᖃᑦᑕᕐᓂᕐᒪ ᖃᑦᓯᐅᓂᖏᓐᓂᒃ ᖃᐅᔨᒪᕗᑎᑦ; ᖁᕝᕕᒃᑲ ᐊᓕᒍᖁᑎᖕᓄᑦ ᐴᒃᑭᑦ; ᐊᒡᓚᖁᑎᖕᓂ ᑎᑎᕋᕐᓯᒪᓐᖏᓛᑦ?

ᐃᓐᖏᕈᑎᑦ 94:11

ᐊᑕᓂᖅ ᐃᓄᐃᑦ ᐃᓱᒪᖏᓐᓂᒃ ᖃᐅᔨᒪᕗᖅ, ᖃᐅᔨᒪᕔᓪᓗ ᐱᑦᔪᑎᒋᓇᓱᐊᕐᑕᖏᑦ ᓱᒃᓴᐅᖏᒻᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:3

ᐊᑕᓂᖅ ᑕᐅᑐᒃᐳᖅ ᓇᓃᑦᑐᓕᒫᓂᒃ, ᑕᒪᕐᒥᒃ ᑕᐅᑐᖕᒪᒋᑦ ᐱᐅᖏᑦᑐᑦ ᐱᐅᔪᓪᓗ.

ᐂᓮᐊᓯᐅᑉ ᐊᒡᓚᖏᑦ 37:28

ᖃᐅᔨᒪᕙᕋ ᐃᓂᒋᕙᒃᑍᑦ, ᐊᓂᕕᒋᕙᒃᑍᓪᓗ ᐃᑎᕐᕕᒋᕙᒃᑍᓪᓗ, ᐅᕙᓐᓂᒡᓗ ᓂᓐᖓᐅᑦᔨᓯᒪᓪᓗᑎᑦ ᐊᑭᕋᕐᑐᕋᓱᖕᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 11:5

ᐊᑕᓂᐅᓪᓗ ᐊᓂᕐᓂᖓᑕ ᑎᑭᑉᐹᖓ, ᐅᖃᐅᑎᓪᓗᖓᓗ, “ᐃᒫᒃ ᐅᖃᕆᑦ, ᐊᑕᓂᖅ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ; ᐃᓱᒪᒋᔭᑦᓯᓐᓂᒃ ᖃᐅᔨᒪᕗᖓ.

ᐃᓯᑭᐊᓕᐅᑉ ᐊᒡᓚᖏᑦ 38:17

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂᐊᓗᒃ ᐅᖃᕐᑎᒃᑲ ᐅᖃᐅᓯᖃᕐᐸᓚᐅᕐᐳᑦ ᐃᓴᕆᐊᓕᒥᐅᑦ ᐅᓇᑕᕐᑕᐅᔪᒫᕐᓂᖏᓐᓂᒃ; ᑖᒃᑯᐊᖑᓕᕐᐳᓯ ᑕᕝᕙ ᑎᑭᑦᓱᒫᕐᑐᒃᓮᑦ.”

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”

ᒫᑎᐅᓯᐅᑉ ᐊᒡᓚᖏᑦ 9:4

ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ?

ᓘᑲᓯᐅᑉ ᐊᒡᓚᖏᑦ 9:47

ᔩᓱᓯᐅᑉ ᖃᓄᖅ ᐃᓱᒪᖃᕐᒪᖔᑕ ᖃᐅᔨᒐᒥᒋᑦ, ᓱᕈᓯᕐᒥᒃ ᑎᒍᓯᕗᖅ ᓴᓂᒥᓄᑦ ᓇᖏᕐᓯᑎᓪᓗᒍ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 31:21

ᑕᕝᕙ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᑎᓄᓪᓗ ᐅᓄᕐᑐᓄᑦ ᑎᑭᑕᐅᔪᒫᕐᐳᑦ, ᑖᑦᓱᒪ ᐃᓐᖏᕈᓯᐅᑉ ᓵᓐᖓᔪᒫᕐᐰᑦ ᓇᓗᓁᕐᓯᓗᓂ ᑖᒃᑯᓂᖓ ᑖᓐᓇ ᐳᐃᒍᕐᑕᐅᓂᐊᖏᒻᒪᑦ ᑭᖑᕚᖏᑕ ᖃᓂᖏᓐᓂᑦ ᖃᐅᔨᒪᒐᒪ ᖃᓄᐃᓕᐅᕋᓱᐊᕐᑕᖏᑦ ᐋᖅᑭᒃᐸᓪᓕᐊᖕᒪᑕ, ᓱᓕ ᑎᑭᑎᓚᐅᖏᒃᑲᓗᐊᕐᓗᑎᒃ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑐᓂᓂᐊᕐᓂᕋᕐᓗᒍ ᑖᒃᑯᓄᖓ.”