ᐃᓐᖏᕈᑎᑦ 139:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᒡᓛᑦ ᑖᕐᑐᕐᔪᐊᖅ ᐃᓕᖕᓄᑦ ᑖᕐᑑᓐᖏᓚᖅ, ᐅᓐᓄᐊᖑᒐᓗᐊᕐᐸᑦ ᐅᓪᓗᑎᑐᑦ ᖃᐅᒪᑎᒋᕗᖅ; ᑖᕐᑐᕐᓗ ᖃᐅᒪᔪᕐᓗ ᐊᑦᔨᒌᒃᐴᒃ ᐃᓕᖕᓄᑦ.

ᐃᓐᖏᕈᑎᑦ 139:12 Iomraidhean Croise

ᔫᐱᐅᑉ ᐊᒡᓚᖏᑦ 26:6

ᑐᖁᖓᔪᑦ ᐃᓂᖓᑦ ᐊᓐᓄᕌᖃᓐᖏᓚᖅ ᒎᑎᐅᑉ ᓵᖓᓂ, ᐊᓯᕈᕐᑕᐅᓂᕐᓗ ᐅᓕᒃᓯᒪᓇᓂ ᑖᑦᓱᒪᓂ.

ᔫᐱᐅᑉ ᐊᒡᓚᖏᑦ 34:22

ᑖᕐᓂᕐᑕᖃᓐᖏᓚᖅ ᑐᖂᓪᓘᓐᓃᑦ ᐃᓂᖓᓂ ᐱᐅᖏᑦᑐᓕᔪᓄᑦ ᐃᔨᕐᕕᐅᔪᓐᓇᕋᔭᕐᑐᒥᒃ.

ᒨᓯᓯ ᐂᑉᐸᖏᑦ 14:20

ᓄᖅᑲᕐᓗᓂᓗ ᐃᓴᕆᐊᓕᒥᐅᑦ ᐄᑦᔨᑉᑎᒥᐅᓪᓗ ᐊᑯᓐᓂᖓᓄᑦ, ᑖᓐᓇᓗ ᓄᕗᔮᓗᒃ ᑖᕐᓯᐅᕐᑎᑦᓯᓕᕐᐳᖅ ᐄᑦᔨᑉᑎᒥᐅᓂᒃ, ᐃᓴᕆᐊᓕᒥᐅᓪᓕ ᖃᐅᒪᔪᕐᓯᐅᕐᑎᑉᐰᑦ, ᑍᒤᓐᓂᖓᓄᓪᓗ ᐅᓇᑕᕐᓂᐊᕐᑑᒐᓗᐊᑦ ᑲᑎᔪᓐᓇᓐᖏᑎᑕᐅᓕᕐᐳᑦ ᐅᓐᓄᐊᓕᒫᖅ.

ᒨᓯᓯ ᐂᑉᐸᖏᑦ 20:21

ᐃᓄᐃᓪᓕ ᓱᓕ ᐅᖓᓯᒃᑐᒥ ᓇᖏᑐᐃᓐᓇᓕᕐᐳᑦ, ᒨᓯᓯᓕ ᑭᓯᒥ ᓄᕗᔮᓗᖕᒧᑦ ᕿᕐᓂᕐᑕᒧᑦ ᒎᑎᐅᑉ ᓇᔪᕐᑕᖓᓄᑦ ᖃᒡᓕᔪᓐᓇᕐᑐᑑᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.