ᐃᓐᖏᕈᑎᑦ 137:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙᓂ ᐊᐅᓪᓚᕈᑦᔨᔨᒋᓯᒪᔭᕗᑦ ᐅᕙᑦᑎᓐᓂᒃ ᐃᓐᖏᖁᔨᓚᐅᕐᐳᑦ, ᐅᖁᒤᒃᓴᕐᑎᑦᓯᔨᒋᔭᕗᑦ ᐃᓐᖏᓗᒃᑖᖁᔨᓚᐅᕐᐳᑦ, ᐅᖃᕐᓗᑎᒃ, “ᐃᓐᖏᕐᕕᒋᓚᐅᕐᑎᒍᑦ ᓮᐅᓂᒥᒃ ᐅᖃᐅᓯᖃᕐᑐᒥᒃ.”

ᐃᓐᖏᕈᑎᑦ 137:3 Iomraidhean Croise

ᑯᕉᓂᑲ ᓯᕗᓪᓖᑦ 15:27

ᑍᕕᑎ ᐊᓐᓄᕌᕐᓯᒪᓚᐅᕐᐳᖅ ᐅᓕᖕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ, ᓕᕔᑎᓕᒫᓪᓗ ᐊᑭᕋᕐᑐᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ ᑍᒤᑦᑐᓂᒃ ᐊᑐᓚᐅᕆᕗᑦ, ᐃᓐᖏᕐᑏᓪᓗ, ᓂᑦᔭᐅᓯᔭᕐᓂᕐᒧᓪᓗ ᐊᖓᔪᖅᑳᖓᑦ ᓯᓇᓁᐊ; ᑍᕕᑎᓗ ᓴᒡᕕᖕᒥᐅᑕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᐊᑐᓚᐅᕆᕗᖅ.

ᑯᕉᓂᑲ ᓯᕗᓪᓖᑦ 16:7

ᑖᑦᓱᒪᓂ ᐅᓪᓗᒥ ᑍᕕᑎ ᓯᕗᓪᓕᕐᐹᒥᒃ ᖁᔭᓕᑦᔪᑎᒥᒃ ᐊᑕᓂᕐᒧᑦ ᑎᓕᓯᓚᐅᕐᐳᖅ ᐃᓐᖏᖁᔨᓪᓗᓂ ᐊᓴᐸᒥᒃ ᐃᓚᖏᓐᓂᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 4:2

ᐱᖃᑎᒋᔭᓂ ᓴᒥᐊᕆᐊᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᓵᖓᓂ ᐅᖃᓚᐅᕐᐳᖅ, “ᖃᓄᕐᖏᒃᑯᐊ ᔫᑎᕐᓗᐊᓗᐃᑦ ᐱᓇᓱᓕᕐᑐᑦ? ᐃᒃᑯᐊ ᓴᓇᒋᐊᓪᓚᒐᓱᒃᑐᑦ ᐃᒡᓗᒐᓴᖕᓃᒃ? ᐃᒃᑯᐊ ᑐᓂᕐᕈᓯᖃᑦᑕᕐᓂᕐᒥᒍᑦ ᐱᔭᕇᕐᓂᐊᕋᓱᒋᔫᑦ ᓴᓇᔭᒥᖕᓂᒃ ᐅᓪᓗᒥᒃ ᐊᑕᐅᓯᕐᒥᒃ? ᐅᔭᕋᖕᓂᒃ ᓴᓇᔪᓐᓇᕐᐹᑦ ᓱᕋᒃᑎᕐᓯᒪᔪᓂᒃ ᐃᑯᐊᓪᓚᒃᓯᒪᔪᓂᒡᓗ ᖃᓕᕇᕌᓗᖕᓂᒃ?”

ᐃᓐᖏᕈᑎᑦ 65:1

ᒎᑏ, ᓂᕐᑐᕐᑕᐅᓂᐅᑉ ᐅᑕᖅᑭᕚᑎᑦ ᓮᐅᓂᒥ; ᐃᓕᖕᓄᓪᓗ ᐊᖏᒻᒪᕆᒍᑕᐅᓯᒪᔪᑦ ᐱᓂᐊᕈᑕᐅᔪᒫᕐᐳᑦ.

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᐃᓐᖏᕈᑎᑦ 80:6

ᖁᕕᐊᓱᖏᑦᔪᑕᐅᓕᕐᑎᑉᐸᑦᑎᒍᑦ ᐃᓅᖃᑎᑦᑎᓐᓄᑦ; ᐊᑭᕋᕐᑐᕐᑎᑦᑕᓗ ᒥᑕᐅᑎᒋᓕᕐᐹᑎᒍᑦ.

ᐃᓐᖏᕈᑎᑦ 9:14

ᐅᖃᐅᓯᖃᕈᓐᓇᖁᓪᓗᖓ ᓂᕐᑐᕐᓇᕐᓂᕐᓂᒃ ᓱᓇᒥᒡᓗᒍ, ᓮᐅᓂᐅᑉ ᐸᓂᖏᑕ ᐃᑎᕐᑕᕐᕕᒡᔪᐊᖏᓐᓂ. ᐱᐅᓕᕐᓯᓂᕐᓂᒡᓗ ᐃᖀᕐᑐᕈᑎᖃᕈᒪᕗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:20

ᐃᓐᖏᕐᕕᖃᕐᑐᖅ ᐆᒻᒪᑎᒥᒍᑦ ᐅᖁᒤᒃᓴᕐᑐᒧᑦ ᐊᑦᔨᖃᕐᐳᖅ ᐊᓐᓄᕌᒥᓂᒃ ᐲᕐᓯᔪᒥᒃ ᓯᓚ ᓂᒡᓚᓱᒃᑎᓪᓗᒍ, ᐊᒻᒪᓗ ᕕᓂᒐᒥᒃ ᐃᑭᒧᑦ ᑯᕕᔭᐅᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᓘᑲᓯᐅᑉ ᐊᒡᓚᖏᑦ 21:6

“ᑕᑯᔭᓯ ᑕᒪᒃᑯᐊ, ᐅᓪᓗᓂ ᓇᓪᓕᐅᑎᔪᒫᕐᑐᓂ ᐅᔭᕋᓕᒫᑦᓯᐊᑦ ᐊᑕᐅᓯᕐᒥᒡᓘᓐᓃᑦ ᐃᓂᒋᔭᒥᓂ ᐃᓕᓯᒪᔪᖃᕈᓐᓃᕈᒫᕐᐳᑦ ᐅᕐᕉᑎᑕᐅᔪᒫᕐᒪᑕ.”