ᐃᓐᖏᕈᑎᑦ 136:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᖅᑭᕐᒥᒃ ᐅᓪᓗᕆᐊᓂᒡᓗ ᓴᓇᓚᐅᕐᑐᖅ ᐊᐅᓚᑦᓯᖁᓪᓗᒋᑦ ᐅᓐᓄᐊᒥ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 136:9 Iomraidhean Croise

ᒨᓯᓯ ᓯᕗᓪᓖᑦ 1:16

ᒎᑎᓗ ᒪᕐᕉᖕᓂᒃ ᖃᐅᒪᑎᑦᓯᓂᕐᐹᖕᓂᒃ ᐱᓐᖑᕐᑎᑦᓯᕗᖅ, ᖃᐅᒪᓂᕐᓴᖅ ᐊᐅᓚᑦᓯᖁᓪᓗᒍ ᐅᓪᓗᒃᑯᑦ, ᖃᐅᒪᖏᓐᓂᕐᓴᕐᓗ ᐊᐅᓚᑦᓯᖁᓪᓗᒍ ᐅᓐᓄᐊᒃᑯᑦ; ᐅᓪᓗᕆᐊᓪᓗᑦᑕᐅᖅ ᐱᓐᖑᕐᑎᑉᐰᑦ.

ᔫᐱᐅᑉ ᐊᒡᓚᖏᑦ 31:26

ᓯᕿᓂᐅᑉ ᖃᐅᒪᑦᓯᐊᕐᓂᖓᓂᒃ ᑲᒪᓇᓱᐊᓚᐅᕐᓯᒪᓐᓂᕈᒪ, ᑕᖅᑭᐅᓪᓘᓐᓃᑦ ᐃᓗᐃᑦᑑᑦᓯᐊᕐᓂᖓᓄ ᑕᑯᒥᓇᕐᓂᖓᓄᓪᓗ.

ᐃᓐᖏᕈᑎᑦ 74:16

ᐅᓪᓗᖅ ᐱᒋᕙᑦ, ᐅᓐᓄᐊᕐᓗᑦᑕᐅᖅ ᐱᒋᒋᕙᑦ; ᑕᖅᑭᖅ ᓯᕿᓂᕐᓗ ᐸᕐᓇᒃᓯᒪᕙᑎᑦ ᐃᓂᑖᕐᑎᓪᓗᒋᒃ.

ᐃᓐᖏᕈᑎᑦ 8:3

ᕿᓔᑦ ᐃᓱᒪᒋᓕᕌᖓᒃᑭᑦ, ᐊᒡᒐᖕᓄᑦ ᓴᓇᓚᐅᕐᑕᑎᑦ, ᑕᖅᑭᖅ ᐅᓪᓗᕆᐊᓪᓗ ᐃᓂᖏᓐᓄᑦ ᐃᓕᓚᐅᕐᑕᑎᑦ,

ᐃᓐᖏᕈᑎᑦ 8:4

ᐃᓄᒃ ᓱᓇᐅᖕᒪᑦ ᐃᖅᑲᐅᒪᕕᐅᒃ? ᓱᖕᒪᓪᓗ ᐃᓅᑉ ᐃᕐᓂᖓ ᑕᑯᔭᕐᑐᕐᐱᐅᒃ?

ᔨᕆᒤᐊᐅᑉ ᐊᒡᓚᖏᑦ 31:35

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᕿᓂᕐᒥᒃ ᖃᐅᒪᑎᑦᓯᔪᖅ ᐅᓪᓘᑎᓪᓗᒍ, ᐅᓐᓄᐊᒃᑯᓪᓗ ᑕᖅᑭᖃᕐᑎᑦᓯᔪᖅ ᐅᓪᓗᕆᐊᖃᕐᑎᑦᓯᓪᓗᓂᓗ, ᐃᒪᕐᐱᖕᓂᒃ ᒪᓕᒡᔪᐊᖃᕐᑎᑦᓯᔪᖅ; ᑖᓐᓇᐅᕗᖅ ᐊᑎᖃᕐᑐᖅ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.