ᐃᓐᖏᕈᑎᑦ 136:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᖅ ᖁᔭᒋᓯᐅᒃ, ᑖᓐᓇ ᐱᐅᔫᖕᒪᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 136:1 Iomraidhean Croise

ᑯᕉᓂᑲ ᓯᕗᓪᓖᑦ 16:34

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ!

ᑯᕉᓂᑲ ᓯᕗᓪᓖᑦ 16:41

ᐃᓚᖃᕐᓗᑎᒃ ᕼᐃᒪᓐᒥᒃ ᔨᑐᑕᓐᒥᒡᓗ ᐊᓯᖏᓐᓂᒡᓗ ᓂᕈᐊᕐᑕᐅᓯᒪᔪᓂᒃ, ᑎᓕᔭᐅᓯᒪᔪᑦ ᐊᑎᖏᑎᒍᑦ ᖁᔭᓕᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 20:21

ᐃᓄᐃᑦ ᐅᖃᐅᑎᔭᕇᕋᒥᒋᑦ, ᑎᓕᓯᕗᖅ ᐊᑕᓂᕐᒧᑦ ᐃᓐᖏᕐᓂᐊᕐᑐᓂᒃ ᓂᕐᑐᐃᔪᒃᓴᓂᒡᓗ ᑖᑦᓱᒪ ᐃᓂᖁᓇᕐᓂᖓᑕ ᐃᑦᔪᕐᓁᓐᓂᖓᓂᒃ, ᑖᒃᑯᐊ ᐅᓇᑕᕐᑐᒃᓮᑦ ᓯᕗᓂᐊᓃᑉᐳᑦ ᐅᖃᕐᓗᑎᒃ: “ᐊᑕᓂᖅ ᖁᔭᒋᔭᐅᓕ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᐃᓱᖃᖏᑦᑑᖕᒧᑦ.”

ᑯᕉᓂᑲ ᐂᑉᐸᖏᑦ 7:3

ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᑕᑯᒐᒥᒃ ᐃᑯᒪᒥᒃ ᐊᖅᑲᕐᑐᒥᒃ ᐊᑕᓂᐅᓪᓗ ᓂᕐᑐᕐᓇᕐᓂᖓᑕ ᑐᒃᓯᐊᕐᕕᒡᔪᐊᕐᒧᐊᕐᓂᖓᓂᒃ, ᐹᒻᒪᒃᐳᑦ ᑮᓇᑎᑦ ᓄᓇᒧᑦ ᕿᑯᕐᒧᑦ ᐊᒃᑐᕐᓗᒋᑦ, ᑐᒃᓯᐊᕐᐳᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒥᒃ ᐅᖃᕐᓗᑎᒃ: “ᑖᓐᓇ ᐱᐅᔫᕗᖅ, ᓇᒡᓕᖕᓂᖓᓗ ᓱᖁᓯᔪᐃᑦᑐᖅ ᕿᓄᐃᑦᑑᕗᖅ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 3:11

ᐃᓐᖏᓚᐅᕐᐳᑦ ᐊᑕᓂᕐᒥᒃ ᓂᕐᑐᐃᓪᓗᑎᒃ, ᓇᓪᓕᒃᑭᑕᕐᓗᑎᒃ ᐅᑎᕐᑕᕐᓂᖓᓂᒃ: “ᐊᑕᓂᖅ ᐱᐅᔫᕗᖅ, ᓇᒡᓕᖕᓂᖓᓗ ᐃᓴᕆᐊᓕᒧᑦ ᐃᓱᖃᖏᑦᑑᕗᖅ.” ᐱᕕᓕᒫᒥᖕᓄᑦ ᐃᓄᓕᒫᑦ ᕾᒐᓛᓚᐅᕐᐳᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐱᑦᔪᑎᖃᕐᓗᑎᒃ ᑐᒃᓯᐊᕐᕕᐅᑉ ᑐᓐᖓᕕᖓᑕ ᐱᒋᐊᕐᑕᐅᓂᖓᓂᒃ.

ᐃᓐᖏᕈᑎᑦ 100:5

ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 105:1

ᐊᑕᓂᖅ ᖁᔭᒋᓯᐅᒃ! ᐊᑎᖓ ᑐᒃᓯᐊᕐᕕᒋᓗᒍ; ᐱᓂᐊᕐᓂᕆᓯᒪᔭᖏᑦ ᐅᖃᐅᓯᐅᓕᑦ ᐃᓄᖕᓄᑦ!

ᐃᓐᖏᕈᑎᑦ 106:1

ᐊᑕᓂᖅ ᓂᕐᑐᕐᓯᐅᒃ! ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 107:1

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ: ᓇᒡᓕᖕᓂᖓᓗ ᐃᓱᖃᖏᑦᑐᒧᑦ ᑐᕌᖓᓪᓗᓂ.

ᐃᓐᖏᕈᑎᑦ 118:1

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᓱᖁᓯᔪᐃᑦᑑᓪᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 119:68

ᐱᐅᔫᒐᕕᑦ, ᐱᑦᓯᐊᕐᓗᑎᓪᓗ; ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᓘᑲᓯᐅᑉ ᐊᒡᓚᖏᑦ 1:50

ᓂᑲᒍᓱᒃᐳᖅ ᓯᕘᕋᒋᔨᒥᓄᑦ, ᑭᖑᕚᕇᓂᑦ ᑭᖑᕚᕇᓄᑦ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.