ᐃᓐᖏᕈᑎᑦ 133:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 133:3 Iomraidhean Croise

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 21:4

ᐃᓕᖕᓄᑦ ᐃᓅᓯᕐᒥᒃ ᕿᓄᖕᒪᑦ, ᑕᕝᕙ ᑐᓂᓯᕕᒋᓚᐅᕐᐸᑦ ᐅᓪᓗᓂᒃ ᐅᓄᕐᑐᓂᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 21:5

ᓂᕐᑐᐃᑦᔪᑎᖃᕐᔪᐊᕐᐳᖅ ᐱᐅᓕᒃᓯᓂᕐᓂᒃ; ᐅᐱᒋᔭᐅᓂᖅ ᐊᖓᔪᖅᑳᕐᔪᐊᑐᓪᓗ ᑕᑯᓐᓈᕐᑕᐅᓂᖅ, ᐃᓕᕙᑎᑦ ᑖᑦᓱᒧᖓ.

ᐃᓐᖏᕈᑎᑦ 42:8

ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᒨᓯᓯ ᐱᖓᔪᖏᑦ 25:21

ᓮᒻᒪᕐᑎᓐᓂᐊᕐᐸᑦᓯ ᐊᕐᕌᒍᑦ ᐱᖓᓲᔪᕐᑐᖓᓂ, ᓄᓇ ᐱᕈᕐᑎᑉᐸᒃᑕᒥᓂᑦ ᐊᖏᖅᑭᔭᒻᒪᕆᐊᓗᐊᓂᒃ ᐱᕈᕐᑎᑦᓯᓂᐊᕐᐳᖅ ᐊᕐᕌᒍᓄᑦ ᐱᖓᓱᓄᑦ ᓈᒻᒪᒃᑐᓂᒃ.

ᒤᑲᐅᑉ ᐊᒡᓚᖏᑦ 5:7

ᔧᑰᑉ ᑭᖑᕚᖏᑕ ᐊᒥᐊᒃᑯᖏᑦ ᐃᓅᖃᑎᒋᒡᔪᐊᑦ ᐊᑯᕐᖓᓐᓃᑦᓱᒫᕐᐳᑦ, ᐊᑕᓂᕐᒥᑦ ᐱᔪᒧᑦ ᓮᒻᒪᕐᑎᑦᓯᔪᒫᕐᐳᑦ ᐅᓪᓛᒥ ᓄᓇᒥ ᖃᐅᓯᕐᑎᑦᓯᔪᑎᑐᑦ, ᓯᓚᓗᒃᑐᑎᑐᓪᓗ ᐃᕕᖕᓄᑦ, ᐅᑕᖅᑭᓂᐊᓐᖏᓚᑦ ᐃᓄᖕᒥᒃ, ᐃᓄᓕᒫᓂᒡᓘᓐᓃᑦ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 5:29

ᐃᓗᕕᕐᒥᑦ ᐊᓂᓗᑎᒃ, ᐱᐅᔪᒥᒃ ᐃᓅᓯᖃᓚᐅᕐᑐᑦ, ᒪᑭᑦᓱᒫᕐᐳᑦ ᐃᓅᓂᐊᓕᕐᓗᑎᒃ, ᐱᐅᖏᑦᑐᒥᒡᓕ ᐃᓅᓯᖃᓚᐅᕐᑐᑦ, ᒪᑭᑦᓱᒫᕐᐳᑦ ᐃᖅᑲᑐᕐᑕᐅᓂᐊᓕᕐᓗᑎᒃ.”

ᔪᐊᓇᓯᐅᑉ ᐊᒡᓚᖏᑦ 6:68

ᓮᒨᓂ ᐲᑦᑐᕉᓯᐅᑉ ᑭᐅᕚ, “ᐊᑕᓃᖅ, ᑭᓇᒥᒡᓕ ᒪᓕᒐᒃᓴᖃᕐᓂᐊᕋᑦᑖ? ᐅᖃᐅᓯᖃᕈᓐᓇᕐᑐᑐᑎᓪᓗᑎᑦ ᐃᓅᓯᖃᕐᓇᕐᑐᓂᒃ ᐃᓱᖃᖏᑦᑐᒧᑦ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᒨᓯᓯ ᑕᓪᓕᒪᖏᑦ 28:8

“ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᐱᓇᓱᐊᕐᓂᑦᓯᓐᓂ ᓯᕐᓗᐊᖁᑎᓯᓗ ᓂᐊᖂᔭᒃᓴᓂᒃ ᑕᑕᑎᓐᓂᐊᕐᐰᑦ, ᓮᒻᒪᕐᑎᓐᓂᐊᕐᐹᓯ ᓄᓇᒋᔭᑦᓯᓐᓂ ᓄᓇᖃᕐᑎᓪᓗᓯ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:48

ᑕᒪᓐᓇ ᓄᓇ ᐊᕈᐃᕆᒥᑦ ᓄᓇᒥᑦ ᐱᒋᐊᕐᓯᒪᓚᐅᕐᐳᖅ, ᐋᕐᓄᓂᐅᑉ ᑰᖓᑕ ᑭᒡᓕᖓᓄᑦ ᑎᑭᓯᒪᓪᓗᓂ, ᑕᑉᐸᐅᖓᓕᒫᖅ ᓮᕆᐅᓂᐅᑉ ᖃᖅᑲᖓᓄᑦ ᑎᑭᓪᓗᒍ, ᑍᔭᐅᔪᒧᑦ ᕼᐊᕐᒪᓂᐅᑉ ᖃᖅᑲᖓᓂᒃ.

ᔮᓱᐊᑉ ᐊᒡᓚᖏᑦ 13:11

ᒋᓕᐊᑎᒥᐅᓪᓗ, ᒋᓱᕅᒥᐅᓪᓗ ᒫᑲᑍᑎᒥᐅᓪᓗ ᓄᓇᖏᑦ, ᖃᖅᑲᕐᓗ ᕼᐊᕐᒪᓕᒫᖅ, ᐹᓴᓂᒥᐅᓕᒫᓪᓗ ᓴᓕᑲᒧᑦ ᑎᑭᐅᒪᓪᓗᒍ.

ᔪᐊᓇᓯ ᓯᕗᓪᓖᑦ 2:25

ᑕᒪᓐᓇ ᑕᕝᕙ ᑐᓂᓂᐊᕐᓂᕋᕐᓯᒪᔭᖓ ᐅᕙᑦᑎᓐᓄᑦ ᐃᓅᓯᖅ ᓄᖑᓱᐃᑦᑐᖅ.

ᔪᐊᓇᓯ ᓯᕗᓪᓖᑦ 5:11

ᓇᓗᓁᕐᓯᓂᕐᓗ ᐃᒤᑦᑑᕗᖅ, ᒎᑎᐅᑉ ᑐᓂᓯᕕᒋᖕᒪᑎᒍᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ, ᐃᓅᓯᕐᓗ ᑕᒪᓐᓇ ᒎᑎᐅᑉ ᐃᕐᓂᖓᓃᑉᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.