ᐃᓐᖏᕈᑎᑦ 132:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑐᓂᕐᕈᓯᕐᑎᑦᓯᔨᖁᑎᑎᑦ ᐊᓐᓄᕌᕐᓯᒪᓚᐅᕐᓕ ᓇᓛᒎᕐᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᖕᓂᕐᒧᑦ ᕾᒐᓛᓗᑎᒃ.

ᐃᓐᖏᕈᑎᑦ 132:9 Iomraidhean Croise

ᑯᕉᓂᑲ ᐂᑉᐸᖏᑦ 6:41

ᒫᓐᓇᓗ, ᒪᑭᓕᕆᑦ ᐊᑕᓃᖅ ᒎᑏ, ᐃᓂᖕᓄᐊᓕᕆᑦ ᑕᕾᕐᓯᕐᕕᖕᓄᑦ, ᐃᕝᕕᑦ ᐃᒃᓯᕐᕕᖁᑏᓪᓗ ᓲᖑᔫᑦᔪᑏᑦ. ᑐᓂᕐᕈᓯᕐᑎᑦᓯᔨᖁᑎᑎᑦ, ᐊᑕᓃᖅ ᒎᑏ, ᐊᓐᓄᕌᕐᑎᓚᐅᒃᑭᑦ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᒃᑎᒃᑭᑦ ᐱᐅᔫᓂᕐᓄᑦ.

ᔫᐱᐅᑉ ᐊᒡᓚᖏᑦ 29:14

ᐱᑦᓯᐊᕐᓂᕐᒥᒃ ᐱᓂᐊᕐᓂᖃᓚᐅᕐᐳᖓ, ᐱᐅᓯᕆᓪᓗᒍᓗ; ᐊᑦᔨᒌᒃᑎᑦᓯᓂᖅ ᐊᓐᓄᕌᑎᑐᑦ ᐊᑐᓚᐅᕐᐸᕋ ᓇᓴᕆᓪᓗᒍᓗ.

ᐃᓐᖏᕈᑎᑦ 104:1

ᑕᕐᓃᒃ, ᐊᑕᓂᖅ ᓂᕐᑐᕈᒃ! ᐊᑕᓃᖅ ᒎᑎᒐ ᐊᖏᔪᕐᔪᐊᖑᕗᑎᑦ; ᐊᓐᓄᕌᕐᓯᒪᕗᑎᑦ ᐅᐱᓐᓇᕐᓂᕐᒥᒃ ᐊᖓᔪᖅᑳᕐᔪᐊᖑᓂᕐᒥᒡᓗ,

ᐃᓐᖏᕈᑎᑦ 132:16

ᑐᓂᕐᕈᓯᕐᑎᑦᓯᔨᖏᑦ ᐊᓐᓄᕌᕐᑎᓐᓂᐊᕐᐸᒃᑲ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᖏᓪᓗ ᖁᕕᐊᓱᖕᓂᕐᒧᑦ ᕾᒐᓛᕐᓂᐊᕐᐳᑦ.

ᐃᓐᖏᕈᑎᑦ 149:5

ᐃᑦᔪᕐᓁᑦᑐᑦ ᓂᕐᑐᕐᓇᕐᓂᖅ ᖁᕕᐊᓲᑎᒋᔭᒃᓴᕆᕚᑦ; ᖁᕕᐊᓱᖕᓂᕐᒧᑦ ᐃᓐᖏᕐᑐᒃᓴᐅᕗᑦ ᓯᓂᒡᕕᖕᒥᖕᓃᓪᓗᑎᒃ.

ᐃᓐᖏᕈᑎᑦ 47:1

ᐊᒡᒐᓯ ᐸᑎᒃᑕᕐᓕᑦ, ᐃᓄᓕᒫᖑᔪᓯ! ᓂᐱᖅᑯᕐᑐᓗᓯ ᓂᓪᓕᐊᒋᑦᓯ ᒎᑎᒧᑦ ᐃᓐᖏᕐᓗᓯ ᖁᕕᐊᓱᖕᓂᕐᒧᑦ!

ᐃᓐᖏᕈᑎᑦ 68:3

ᐃᓱᐊᕐᑐᓪᓕ ᖁᕕᐊᓱᒡᓕᑦ; ᐊᓕᐊᓁᒍᓱᒡᓕᑦ ᒎᑎᐅᑉ ᓵᖓᓂ; ᐃᓛᒃ, ᐊᒃᓱᐊᓗᒃ ᐊᓕᐊᓁᒍᓱᒻᒪᕆᒡᓕᑦ.

ᐃᓐᖏᕈᑎᑦ 70:4

ᐃᓕᖕᓂᒡᓕ ᕿᓂᕐᑐᑦ ᑕᒪᕐᒥᒃ ᖁᕕᐊᓱᒡᓕᑦ ᐊᓕᐊᓁᒍᓲᑎᖃᕐᓗᑎᒡᓗ ᐃᓕᖕᓂᒃ; ᐱᐅᓕᒃᓯᓂᕐᓂᒡᓗ ᖁᕕᐊᒋᔭᖃᕐᑐᑦ ᑍᒪᓐᖓᑦ ᐅᖃᖃᑦᑕᕐᓕᑦ, “ᒎᑎ ᐊᖏᔪᕐᔪᐊᖑᕗᖅ!”

ᐃᓐᖏᕈᑎᑦ 93:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 65:14

ᑕᑯᒋᑦᓯ, ᐱᔨᒃᑲ ᐃᓐᖏᕈᒫᕐᐳᑦ ᐆᒻᒪᑎᒥᒍᑦ ᖁᕕᐊᓱᖕᓂᕐᒧᑦ, ᐃᓕᑦᓯᓕ ᕿᐊᔪᒫᕐᐳᓯ ᐆᒻᒪᑎᑦᓯᒍᑦ ᐋᓐᓂᐊᕐᓂᕐᒧᑦ, ᕿᐊᓗᓯᓗ ᐆᒻᒪᑎᑦᓯᒍᑦ ᓯᖁᒥᓯᒪᓂᕐᒧᑦ.

ᔨᐸᓁᐊᐅᑉ ᐊᒡᓚᖏᑦ 3:14

ᐃᓐᖏᕆᑦ, ᓮᐅᓂᐅᑉ ᐸᓂᖓ! ᕾᒐᓛᕆᑦ ᐃᓴᕆᐊᓖ! ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᕐᑐᕐᓗᑎᑦ, ᔨᕉᓴᓕᐅᑉ ᐸᓂᖓ!

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 5:31

ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ. ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ! ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.