ᐃᓐᖏᕈᑎᑦ 127:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ.

ᐃᓐᖏᕈᑎᑦ 127:3 Iomraidhean Croise

ᒨᓯᓯ ᓯᕗᓪᓖᑦ 1:28

ᒎᑎᐅᓪᓗ ᑖᒃᑯᐊᒃ ᓮᒻᒪᕐᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᕐᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᕐᓗᒍᓗ; ᐊᖓᔪᖅᑲᐅᕕᒋᓕᕐᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.”

ᒨᓯᓯ ᓯᕗᓪᓖᑦ 24:60

ᑖᒃᑯᐊᓗ ᕇᐱᑲ ᓮᒻᒪᕐᑎᑉᐹᑦ ᐃᒫᒃ ᐅᖃᕐᓗᑎᒃ, “ᓇᔭᒃᐳᑦ, ᐅᓄᕐᑐᕐᔪᐊᓄᑦ ᐊᓈᓇᐅᓕᕆᑦ ᓈᓴᒐᒃᓴᐅᖏᑦᑐᓄᑦ; ᑭᖑᕚᒃᓴᑎᓪᓗ ᐱᖃᕈᒫᕐᓕᑦ ᐊᑭᕋᕐᑐᕐᑎᖏᑕ ᐃᑎᕐᑕᕐᕕᖏᓐᓂᒃ!”

ᒨᓯᓯ ᓯᕗᓪᓖᑦ 33:5

ᐄᓴᓗ ᑕᑯᓴᕋᒥ ᑕᑯᕗᖅ ᐊᕐᓇᓂᒃ ᕿᑐᕐᖓᖏᓐᓂᒡᓗ, ᐊᐱᕆᓪᓗᓂᓗ, “ᐅᑯᐊᓕ ᑭᓇᒃᑯᑦ ᐃᓚᒋᔭᑎᑦ?” ᔧᑰᑉ ᑭᐅᕚ, “ᐅᑯᐊ ᒎᑎᐅᑉ ᐱᑦᓯᐊᕐᓂᕐᒥᓄᑦ ᐱᔨᖕᓄᑦ ᑐᓂᓯᒪᔭᖏᑦ.”

ᒨᓯᓯ ᓯᕗᓪᓖᑦ 4:1

ᐋᑕᒥᐅᓪᓗ ᓄᓕᐊᓂ ᐄᕕ ᐱᖃᑎᒋᖕᒪᒍ, ᑕᕝᕙ ᕿᑐᕐᖓᒃᓴᕐᑖᕐᐳᖅ, ᐃᕐᓂᕐᑖᕐᓗᓂᓗ ᑬᓂᒥᒃ, ᐅᖃᕐᓗᓂ, “ᕿᑐᕐᖓᕐᑖᕐᐳᖓ ᐊᖑᒻᒥᒃ ᐊᑕᓂᐅᑉ ᐃᑲᔪᕐᓂᖓᓄᑦ.”

ᒨᓯᓯ ᓯᕗᓪᓖᑦ 48:4

ᐅᖃᐅᑎᓪᓗᖓᓗ, ‘ᑕᑯᒋᑦ, ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐃᓄᒋᐊᒃᓯᕙᓪᓕᐊᑎᓪᓗᑎᓪᓗ, ᐃᓄᒐᓴᒃᔪᐊᓐᖑᕐᑎᑦᓱᒫᕐᐸᒃᑲ, ᓄᓇᓗ ᑕᒪᓐᓇ ᐃᓕᖕᓄᑦ ᓄᓇᑖᕆᔭᐅᑎᓐᓂᐊᕐᐸᕋ ᑭᖑᓂᕐᓂᓗ ᑭᖑᕚᕐᓄᑦ ᓄᓇᒋᔭᐅᔪᒫᕐᐳᖅ ᐃᓱᖃᖏᑦᑐᒧᑦ.’

ᓴᒧᐃᓕ ᐂᑉᐸᖏᑦ 3:5

ᐱᖓᓲᔪᕐᑐᖓ ᐃᑕᕆ-ᐊᒻ, ᐊᓈᓇᖃᕐᑐᖅ ᐃᒡᓚᒥᒃ. ᑖᒃᑯᐊ ᑕᕝᕙ ᑍᕕᑎᐅᑉ ᐃᕐᓂᖏᑦ ᕼᐃᐸᕋᓐᒦᑎᓪᓗᒍ ᐃᓅᓚᐅᕐᑐᑦ.

ᑯᕉᓂᑲ ᓯᕗᓪᓖᑦ 28:5

ᐃᕐᓂᓕᒫᓐᓂᓪᓗ (ᐊᑕᓂᐅᑉ ᐃᕐᓂᕐᑖᕐᑎᓚᐅᕐᒪᖓ ᐅᓄᕐᑐᓂᒃ) ᓂᕈᐊᓚᐅᕐᐹ ᐃᕐᓂᕋ ᓲᓗᒨᓂ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᖁᓪᓗᒍ ᐊᑕᓂᐅᑉ ᐊᖓᔪᖅᑲᐅᕕᖓᓂ ᐃᓴᕆᐊᓕᒥᐅᓂ.

ᑯᕉᓂᑲ ᓯᕗᓪᓖᑦ 8:40

ᐆᓛᒻ ᐃᕐᓂᖏᑦ ᐊᔪᖏᑦᑐᕐᔪᐊᖑᓚᐅᕐᐳᑦ ᐅᓇᑕᕐᓂᕐᒥᒃ, ᐱᓯᒃᓯᓅᕐᓯᑎᐅᓪᓗᑎᒃ, ᐃᕐᓂᖃᓚᐅᕐᐳᑦ ᐅᓄᕐᑐᓂᒃ ᐃᕐᖑᑕᖃᕐᓗᑎᒡᓗ ᐅᓄᕐᑐᓂᒃ, ᑲᑎᓕᒫᕐᓗᒋᑦ 150ᐅᕗᑦ. ᑖᒃᑯᐊ ᐱᓐᔭᒥᓂᐅᑉ ᑭᖑᕚᖏᓐᓇᕆᕔᑦ.

ᔫᐱᐅᑉ ᐊᒡᓚᖏᑦ 1:2

ᐃᕐᓂᖃᓚᐅᕐᐳᖅ 7ᓂᒃ ᐱᖓᓱᓂᒡᓗ ᐸᓂᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 13:18

ᐱᑎᒃᓯᒥᖕᓄᑦ ᑐᖁᕅᔪᒫᕐᐳᑦ ᐃᓅᓱᒃᑐᓂᒃ; ᓂᑲᒍᓱᖃᓐᖏᓚᑦ ᐃᒡᓕᐊᕐᒥᑦ ᐊᓂᓯᒪᔪᓂᒃ; ᓄᑕᖅᑲᓂᒡᓗ ᓇᒡᓕᒍᓱᒐᑎᒃ.

ᐂᓮᐊᓯᐅᑉ ᐊᒡᓚᖏᑦ 8:18

ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ! ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ.

ᒨᓯᓯ ᑕᓪᓕᒪᖏᑦ 28:11

ᐊᑕᓂᐅᓪᓗ ᕿᑐᕐᖓᕐᑖᕐᑎᑦᓱᒫᕐᐹᓯ ᐅᓄᕐᑐᓂᒃ, ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓂᐊᖂᔭᒃᓴᓂᒡᓗ ᑍᒪᓐᖓᑦ ᐱᕈᕐᑎᑦᓯᕙᓪᓕᐊᖏᓐᓇᕐᓂᐊᕐᐳᓯ ᑕᒫᓂ ᓄᓇᒥ ᓯᕗᓕᕕᓂᑦᓯᓐᓄᑦ ᑐᓂᔪᒪᓪᓗᒍ ᐊᖏᕈᑎᒋᓚᐅᕐᑕᖓᓂ ᓄᓇᖃᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 28:4

“ᓮᒻᒪᕐᑎᓐᓂᐊᕐᐹᓯᓗ ᐅᓄᕐᑐᓂᒃ ᕿᑐᕐᖓᖃᕐᑎᓪᓗᓂᓯ, ᓂᐊᖂᔭᒃᓴᓂᒡᓗ ᐱᕈᕐᓰᕕᖁᑎᓯ ᐱᕈᕐᕕᐅᕙᓪᓕᐊᖏᓐᓇᕐᓂᐊᕐᐳᑦ, ᐅᓄᕐᑐᓂᒡᓗ ᐃᒻᒧᒃᓯᐅᒐᖁᑎᖃᓕᕐᓗᓯ ᓰᐱᖁᑎᖃᓕᕐᓗᓯᓗ.

ᐃᓗᐊᕐᓮᔩᑦ ᐊᒡᓚᖏᑦ 12:9

ᐃᕐᓂᖃᓚᐅᕐᐳᖅ 30ᓂᒃ, ᐸᓂᖃᕐᓗᓂᓗ 30ᓂᒃ. ᐸᓂᓕᒫᓂ ᐂᑦᑑᑎᒋᓚᐅᕐᐰᑦ ᓄᓕᐊᕐᑖᕆᔭᐅᓪᓗᑎᒃ ᐃᓚᖏᑕ ᐊᓯᖏᓐᓄᑦ, ᐊᕐᓇᓂᒡᓗ 30ᓂᒃ ᐃᓚᖏᑕ ᐊᓯᖏᓐᓂᒃ ᑎᑭᑎᑦᓯᓚᐅᕐᐳᒃ ᓄᓕᐊᕐᑖᕆᔭᐅᖁᓪᓗᒋᑦ ᐃᕐᓂᕐᒥᓄᑦ ᐃᑉᓴᓇᐅᓪᓗ ᐃᓴᕆᐊᓕᒥᐅ ᑕᓯᐅᓚᐅᕐᐰᑦ ᐊᕐᕌᒍᓂᒃ 7ᓂᒃ.

ᓴᒧᐃᓕ ᓯᕗᓪᓖᑦ 1:27

ᑐᒃᓯᐊᕐᕕᒋᓚᐅᕐᐸᕋ ᑖᑦᓱᒥᖓ ᓱᕈᓯᕐᒥᒃ; ᐊᑕᓂᐅᓪᓗ ᑐᓂᓚᐅᕐᐹᖓ ᕿᓄᑦᔪᑎᒋᓚᐅᕐᑕᓐᓂᒃ ᑖᑦᓱᒧᖓ.