ᐃᓐᖏᕈᑎᑦ 127:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.

ᐃᓐᖏᕈᑎᑦ 127:1 Iomraidhean Croise

ᐊᑕᓃᑦ ᓯᕗᓪᓖᑦ 5:12

ᐊᑕᓂᐅᑉ ᓲᓗᒨᓂ ᑐᓂᓚᐅᕐᒪᒍ ᓯᓚᑐᓂᕐᒥᒃ, ᑍᒫᒃ ᐊᖏᕐᕕᒋᓯᒪᒐᒥᐅᒃ; ᐊᑭᕋᕐᑑᑎᓂᕐᑕᖃᓚᐅᓐᖏᓚᖅ ᕼᐂᕋᒻ ᓲᓗᒨᓂᐅᓪᓗ ᐊᑯᓐᓂᖓᓂ; ᐃᒻᒥᖕᓄᑦ ᐊᖏᖃᑎᒌᑦᓯᐊᕐᓯᒪᓪᓗᑎᒃ.

ᑯᕉᓂᑲ ᓯᕗᓪᓖᑦ 28:10

ᐃᓱᒪᒃᓴᕐᓯᐅᓕᕆᑦ ᒫᓐᓇ, ᐊᑕᓂᐅᑉ ᓂᕈᐊᕐᓯᒪᖕᒪᑎᑦ ᐃᒡᓗᓕᐅᖁᓪᓗᑎᑦ ᐃᑦᔪᕐᓁᑦᑐᒥᒃ; ᓲᖑᔫᓗᑎᑦ, ᐱᓇᓱᐊᕐᓂᐊᕐᐸᑦ.”

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᐃᓐᖏᕈᑎᑦ 120:1

ᐃᓱᒪᔮᓕᕐᑎᓪᓗᖓ ᐊᑕᓂᕐᒧᑦ ᓂᓪᓕᐊᓚᐅᕐᐳᖓ, ᑖᑦᓱᒪᓗ ᑭᐅᓚᐅᕐᐹᖓ.

ᐃᓐᖏᕈᑎᑦ 121:1

ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ?

ᐃᓐᖏᕈᑎᑦ 122:1

ᖁᕕᐊᓱᓚᐅᕐᐳᖓ ᐅᖃᐅᑎᔭᐅᒐᒪ, “ᐊᑕᓂᐅᑉ ᐃᒡᓗᖓᓄᑦ ᐃᑎᓚᐅᕐᑕ.”

ᐃᓐᖏᕈᑎᑦ 123:1

ᐃᓕᖕᓄᑦ ᐋᕐᓗᕐᐳᖓ, ᕿᓚᖕᓂ ᐊᖓᔪᖅᑲᐅᕕᖃᕐᑐᑎᑦ.

ᐃᓐᖏᕈᑎᑦ 124:1

ᐊᑕᓂᐅᑉ ᐃᓚᒋᓯᒪᖏᑉᐸᑎᒍᑦ, ᐃᓴᕆᐊᓕᑎᒃᑯᑦ ᒫᓐᓇ ᐅᖃᓕᕐᓕᑦ!

ᐃᓐᖏᕈᑎᑦ 125:1

ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 126:1

ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ.

ᐃᓐᖏᕈᑎᑦ 72:1

ᒎᑏ, ᐃᖅᑲᕐᑐᐃᑦᓯᐊᕐᓂᕐᓂᒃ ᐊᖓᔪᖅᑳᕐᔪᐊᖅ ᑐᓂᓯᕕᒋᒍᒃ, ᐊᖓᔪᖅᑳᕐᔪᐊᓪᓗ ᐃᕐᓂᖓ ᐃᓱᐊᕐᑐᓕᓂᕐᓂᒃ ᑐᓂᓯᕕᒋᓗᒍ.

ᐃᓐᖏᕈᑎᑦ 78:69

ᐃᑦᔪᕐᓁᑦᑐᕕᖁᑎᓂ ᓴᓇᔭᐅᑎᑉᐹ ᐳᕐᑐᔪᒥ ᕿᓚᖕᒦᑦᑐᑐᑦ, ᓄᓇᕐᔪᐊᑐᑦ, ᐊᑦᑕᕐᓁᓕᓯᒪᔪᑐᑦ ᐃᓱᖃᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:9

ᐃᓅᑉ ᐃᓱᒪᖓᑕ ᐊᑐᕐᓂᐊᕐᑕᖏᓐᓂᒃ ᐋᖅᑭᒃᓲᑎᕚ, ᐊᑕᓂᐅᓪᓕ ᑕᓯᐅᕐᐹ ᐱᓱᖕᓂᖏᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:3

ᐅᓐᓄᐊᒃᑯᑦ ᖃᐅᔨᓴᕐᑎᑦ ᑲᑎᒐᒃᑭᑦ, ᐃᒡᓗᒐᓴᖕᓂ ᐱᓱᑲᑕᒃᑎᓪᓗᒋᑦ. ᐊᐱᕆᕙᒃᑲ, “ᐅᖓᔭᕋ ᑕᑯᓚᐅᕐᐱᓯᐅᒃ?”

ᓲᓗᒨᓂᐅᑉ ᐃᓐᖏᕈᓯᖏᑦ 5:7

ᑕᕝᕙ ᐃᒡᓗᒐᓴᖕᓂ ᖃᐅᔨᓴᕐᑎᓄᑦ ᐅᐸᒃᑕᐅᕗᖓ, ᑖᒃᑯᓇᓐᖓᑦ ᐋᓐᓂᕐᓯᕐᑕᐅᓪᓗᖓ ᐃᑭᓕᕐᑕᐅᕗᖓ; ᖃᐅᔨᓴᕐᑏᑦ ᐊᕙᓗᕐᔪᐊᒥ ᐅᓕᓐᓂᒃ ᐊᕐᓵᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 27:3

“ᐅᕙᖓ ᐊᑕᓂᖅ, ᑖᑦᓱᒧᖓ ᑲᒪᔨᐅᕗᖓ; ᑍᒪᓐᖓᑦ ᐃᒻᒥᕐᐸᒡᓗᒍ, ᖃᐅᔨᓴᖃᑦᑕᕐᐸᕋ ᐅᓐᓄᐊᒃᑯᑦ ᐅᓪᓗᒃᑯᓪᓗ ᓇᓪᓕᐊᓐᓄᓪᓘᓐᓃᑦ ᐊᓯᕈᕐᑕᐅᖁᓇᒍ.

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᔨᕆᒤᐊᐅᑉ ᐊᒡᓚᖏᑦ 51:12

ᐹᐱᓘᓂᒥᐅᑦ ᐊᑭᕋᕐᑐᕐᕕᒋᓕᕐᓯᒋᒃ ᓇᓗᓁᒃᑯᓯᔭᕐᓗᓯᓗ, ᖃᐅᔨᓴᕐᑎᐅᔪᑦ ᐱᔪᓐᓇᕐᓯᑎᒋᐊᒃᑲᓐᓂᕐᓯᐅᒃ, ᐅᓐᓄᐊᕐᓯᐅᕐᑏᓪᓗ ᐅᐸᓗᐃᓗᒋᑦ ᐱᒋᐊᕐᓂᕆᓂᐊᕐᑕᑦᓯᓐᓂᒃ ᐋᖅᑭᒃᓱᐃᓕᕆᑦᓯ ᐊᑕᓂᐅᑉ ᐋᖅᑭᒃᓯᒪᔭᓂ ᑲᔪᓯᑎᓐᓂᐊᕐᒪᒍ ᐹᐱᓘᓂᒥᐅᓄᑦ ᐅᖃᕐᓯᒪᔭᓂ.

ᔨᕆᒤᐊᐅᑉ ᐊᒡᓚᖏᑦ 51:31

ᑐᐊᕕᕐᑐᒥᒃ ᑐᓴᕐᑎᑦᓯᔩᑦ ᐅᐃᒍᓕᕇᒡᓗᑎᒃ ᑐᓴᕐᑎᑦᓯᔭᕐᑐᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᒡᓗᒐᓴᒡᔪᐊᖁᑎᖏᑕ ᐱᔭᐅᓂᖏᓐᓂᒃ ᐃᓱᐊᓂᑦ ᐃᓱᐊᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:14

᙭ᔅᑑᓯᓕ ᒪᑭᓯᒪᖏᑉᐸᑦ, ᐊᔪᕆᕐᑐᐃᓂᕗᑦ ᐊᑑᑎᖃᓐᖏᓚᖅ, ᐅᒃᐱᕐᓂᓯᓗ ᐊᑑᑎᖃᖏᓐᓂᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:7

ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᖅ ᐃᒥᕐᒥᒡᓗ ᖁᕕᓯᔪᖅ ᓱᓇᐅᓐᖏᓚᒃ, ᒎᑎᓕ ᐱᕈᕐᑎᑦᓯᔪᑑᕗᖅ.

ᒐᓔᑎᐊᒥᐅᓄᑦ 4:11

ᐃᓱᒫᓗᓕᕐᐳᖓ ᐱᓇᓱᐊᕐᓂᕆᓚᐅᕐᑕᒃᑲ ᐃᓕᑦᓯᓐᓄᑦ ᑕᒪᐅᖓᑐᐃᓐᓈᕐᓯᒪᔪᕆᓪᓗᒋᑦ.

ᒨᓯᓯ ᑕᓪᓕᒪᖏᑦ 8:18

ᐃᖅᑲᐅᒪᔪᒃᓴᐅᕗᑎᑦ ᐊᑕᓂᐅᑉ ᒎᑎᕕᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚᑎᑦ ᐊᔪᕐᓴᕈᓐᓃᖁᓪᓗᑎᑦ. ᑍᒤᓕᐅᕐᐳᕐᓕ ᐅᓪᓗᒥ ᓱᓕ ᓯᕗᓕᕆᓚᐅᕐᑕᑦᓯᓐᓄᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓯᒪᓂᕐᒥᓄᑦ.

ᔮᓱᐊᑉ ᐊᒡᓚᖏᑦ 2:2

ᔨᕆᑰᑉ ᐊᖓᔪᖅᑳᕐᔪᐊᖓ ᑐᓴᕐᑎᑕᐅᓚᐅᕐᐳᖅ ᐃᓴᕆᐊᓕᒥᐅᑦ ᐃᓚᖏᑦ ᐅᓐᓄᐊᒃᑯᑦ ᑎᑭᑦᑐᕕᓂᐅᓂᖏᓐᓂᒃ ᖃᐅᔨᓴᕆᐊᕐᓗᑎᒃ ᓄᓇᖁᑎᖓᓂᒃ.