1 ᐊᑕᓂᐅᑉ ᐃᓚᒋᓯᒪᖏᑉᐸᑎᒍᑦ, ᐃᓴᕆᐊᓕᑎᒃᑯᑦ ᒫᓐᓇ ᐅᖃᓕᕐᓕᑦ!
ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”
ᐃᓱᒪᔮᓕᕐᑎᓪᓗᖓ ᐊᑕᓂᕐᒧᑦ ᓂᓪᓕᐊᓚᐅᕐᐳᖓ, ᑖᑦᓱᒪᓗ ᑭᐅᓚᐅᕐᐹᖓ.
ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ?
ᖁᕕᐊᓱᓚᐅᕐᐳᖓ ᐅᖃᐅᑎᔭᐅᒐᒪ, “ᐊᑕᓂᐅᑉ ᐃᒡᓗᖓᓄᑦ ᐃᑎᓚᐅᕐᑕ.”
ᐃᓕᖕᓄᑦ ᐋᕐᓗᕐᐳᖓ, ᕿᓚᖕᓂ ᐊᖓᔪᖅᑲᐅᕕᖃᕐᑐᑎᑦ.
ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.
ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ.
ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.
ᑐᓱᓐᓇᕐᐳᑦ ᐊᑕᓂᕐᒥᒃ ᓯᕘᕋᔪᑦ ᑕᒪᕐᒥᒃ, ᐃᓅᓯᖃᕐᑐᓪᓗ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ.
ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ, ᒫᓐᓇ ᐃᓴᕆᐊᓕᑎᒃᑯᑦ ᐅᖃᓕᕐᓕᑦ:
ᐃᑎᓂᕐᒥᑦ ᓂᓪᓕᐊᕗᖓ ᐊᑕᓃᖅ ᐃᓕᖕᓄᑦ.
ᐊᑕᓃᖅ, ᐆᒻᒪᑎᒐ ᐊᖏᒡᓕᑎᕐᓯᒪᔪᓐᓃᕐᐳᖅ, ᐃᔩᒃᑲᒡᓗ ᐱᐅᔪᕆᔪᓐᓃᕐᐴᒃ; ᐅᕙᓐᓂᒃᓘᓐᓃᑦ ᐱᓪᓚᕆᐅᑎᑦᓱᓐᓃᕐᐳᖓ, ᑕᒪᒃᑯᐊᓘᓐᓃᑦ ᐅᕙᓐᓄᑦ ᐊᖏᓗᐊᓕᕐᐳᑦ.
ᐊᑕᓃᖅ, ᑍᕕᑎ ᐃᖅᑲᐅᒪᒍᒃ, ᐅᖁᒤᑦᑐᒃᑰᕐᓂᕆᓚᐅᕐᑕᓕᒫᖏᓪᓗ;
ᑕᑯᒋᑦ, ᐱᐅᔪᐊᓘᕗᖅ ᖁᕕᐊᓇᕐᑐᐊᓘᓪᓗᓂᓗ ᖃᑕᓐᖑᑎᒌᑦ ᑲᑎᖃᑎᒌᒃᑎᓪᓗᒋᑦ ᐊᑕᐅᓯᐅᖃᑎᒌᒃᓗᑎᒃ!
ᕾᒋᑦᓯ, ᐊᑕᓂᖅ ᓂᕐᑐᕐᓯᐅᒃ, ᑕᒪᑦᓯ ᐊᑕᓂᕐᒧᑦ ᐱᔨᐅᔪᓯ, ᐊᑕᓂᐅᑉ ᐃᒡᓗᖓᓂ ᐅᓐᓄᐊᒃᑯᑦ ᓇᖏᖃᑦᑕᕐᑐᓯᒍᑦ!
ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?
ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᓱᓕᔪᒥᒃ, ᒎᑎ ᐃᑲᔪᕐᑎᒋᕙᕋ; ᐊᑕᓂᖅ ᐃᓅᓯᓐᓂᒃ ᒪᑭᑕᑎᑦᓯᔨᐅᕗᖅ.
ᒎᑎᒥ, ᑖᑦᓱᒪ ᐅᖃᐅᓯᖓ ᓂᕐᑐᕐᓂᐊᕐᐸᕋ, ᐊᑕᓂᕐᒥᓗ, ᐅᖃᐅᓯᖓ ᓂᕐᑐᕐᓂᐊᕐᐸᕋ,
ᐃᓕᖕᓄᑦ ᓂᓪᓕᐊᓕᕈᒪ ᐊᑭᕋᕐᑐᕐᑎᒃᑲ ᑕᕝᕙ ᐅᑎᕆᐊᕐᓂᐊᕐᐳᑦ; ᑕᒪᓐᓇ ᖃᐅᔨᑦᔪᑎᒋᓂᐊᕐᐸᕋ ᒎᑎᐅᑉ ᐃᓚᒋᖕᒪᖓ.
ᐊᑕᓂᖅ ᐅᕙᓐᓂᒃ ᐃᑲᔪᕐᓯᒪᖏᑉᐸᑦ, ᑕᕝᕙ ᑕᕐᓂᕋ ᐃᓂᖃᓕᕋᔭᕐᐳᖅ ᓂᐱᖃᖏᑦᑐᑦ ᓄᓇᖓᓐᓂ.
ᑕᕝᕙ ᒨᓯᓯ ᐃᓴᕆᐊᓕᒥᐅᓪᓗ ᐆᒥᖓ ᐃᓐᖏᕈᑎᖃᓚᐅᕐᐳᑦ ᐊᑕᓂᕐᒧᑦ, ᐅᖃᕐᓗᑎᒃ, “ᐊᑕᓂᕐᒧᑦ ᐃᓐᖏᕐᓂᐊᕐᐳᖓ, ᓂᕐᑐᕐᓇᕐᑐᕐᔪᐊᒥᒃ ᐱᓂᐊᕐᓂᖃᓚᐅᕐᒪᑦ; ᕿᒻᒥᕐᔪᐊᑦ ᕿᒻᒥᕐᔪᐊᒥᓗ ᐃᑭᒪᔪᑦ ᐃᒪᕕᖕᒧᑦ ᐃᒋᓚᐅᕐᒪᒋᑦ.
ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?
