ᐃᓐᖏᕈᑎᑦ 122:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᕝᕗᖓ ᑭᖑᕚᕇᑦ ᒪᔪᐊᖃᑦᑕᕐᐳᑦ, ᐊᑕᓂᐅᑉ ᑭᖑᕚᕇᖁᑎᖏᑦ, ᐃᓴᕆᐊᓕᑎᒃᑯᓐᓄᑦ ᐊᖏᕈᑕᐅᓯᒪᔪᒥᒃ ᐊᑐᕐᓗᑎᒃ, ᖁᔭᓕᔭᕐᑐᕐᓗᑎᒃ ᐊᑕᓂᐅᑉ ᐊᑎᖓᓂᒃ.

ᐃᓐᖏᕈᑎᑦ 122:4 Iomraidhean Croise

ᐃᓐᖏᕈᑎᑦ 100:4

ᑖᑦᓱᒪ ᐃᑎᕐᑕᕐᕕᖓᒍᑦ ᐃᑎᕆᑦᓯ ᖁᔭᓕᓗᓯ, ᑐᒃᓯᐊᕐᕕᒃᔪᐊᓪᓗ ᐱᕕᑐᓂᖓᓂ ᓂᕐᑐᕐᓯᐅᒃ! ᖁᔭᒋᓗᒍ ᐊᑎᖓ ᓂᕐᑐᕐᓯᐅᒃ!

ᐃᓐᖏᕈᑎᑦ 118:19

ᓇᓛᒎᕐᑐᑦ ᐅᑯᐊᕐᔪᐊᖓᓂᒃ ᐅᒃᑯᐃᕈᑎᓚᐅᓐᖓ, ᑕᕝᕗᖓ ᐃᑎᕐᓗᖓ, ᐊᑕᓂᖅ ᓂᕐᑐᕐᓂᐊᕋᒃᑯ.

ᐃᓐᖏᕈᑎᑦ 132:13

ᐊᑕᓂᐅᑉ ᓮᐅᓂ ᓂᕈᐊᕐᓯᒪᖕᒪᒍ; ᑖᓐᓇᓗ ᐃᓂᒃᓴᕆᔪᒪᓯᒪᕚ:

ᐃᓐᖏᕈᑎᑦ 78:68

ᔫᑕᐅᓪᓕ ᑭᖑᕚᖏᑦ ᓂᕈᐊᓚᐅᕐᐰᑦ, ᖃᖅᑲᕐᓗ ᓮᐅᓂ, ᖁᕕᐊᒋᔭᓂ.

ᐃᓐᖏᕈᑎᑦ 81:6

“ᓇᖕᒪᒃᑕᑎᑦ ᐅᖁᒤᑦᑐᑦ ᐲᕐᐸᒃᑲ; ᐊᒡᒐᑎᓪᓗ ᖃᑦᑕᕐᒥᒃ ᐅᖁᒤᑦᑐᒥᒃ ᑎᒍᒥᐊᕈᓐᓃᕐᑎᑉᐸᒃᑲ.

ᒨᓯᓯ ᐂᑉᐸᖏᑦ 16:34

ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ, ᑕᕝᕙ ᐂᕉᓂᐅᑉ ᐃᓕᓚᐅᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ, ᑕᕝᕙᓂ ᐱᐅᓕᐊᖑᓯᒪᖁᓪᓗᒍ.

ᒨᓯᓯ ᐂᑉᐸᖏᑦ 23:17

ᐊᕐᕌᒍᒥ ᐊᑕᐅᓯᕐᒥ ᐱᖓᓱᐃᕐᑐᕐᓗᑎᒃ ᐊᖑᑎᓕᒫᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᒎᑎᒧᑦ.

ᒨᓯᓯ ᐂᑉᐸᖏᑦ 32:15

ᒨᓯᓯ ᑕᕝᕙ ᖃᖅᑲᒥᑦ ᐊᖅᑲᓕᕐᐳᖅ, ᑎᒍᒥᐊᕐᓗᓂ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᐅᔭᕌᖕᓂᒃ ᒪᕐᕉᖕᓂᒃ ᑖᒃᑯᐊᒡᓗ ᐃᒡᓗᒃᑐᑦ ᑎᑎᕋᕕᒋᓯᒪᕘᒃ ᐊᑐᓂᑦ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;