5 ᐊᑕᓂᖅ ᓴᐳᑦᔨᔨᒋᕙᑦ; ᐊᑕᓂᖅ ᓴᓂᖕᓃᑉᐳᖅ ᑕᓕᕐᐱᖔᕐᓃᓪᓗᓂ.
ᑖᓐᓇ ᐊᔪᕐᓴᕐᑑᑉ ᑕᓕᕐᐱᐊᓂ ᓇᖏᕐᓂᐊᕐᒪᑦ, ᐱᐅᓕᔪᒪᓪᓗᒍ ᑖᒃᑯᓇᓐᖓᑦ ᑐᖁᑕᒃᓴᓐᖑᕐᑎᑦᓯᔪᓂᑦ.
ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.
ᑖᓐᓇ ᖁᑦᓯᖕᓂᕐᐹᑉ ᐃᓂᖓᓂ ᐃᑦᔪᕐᓁᑦᑐᒦᑦᑐᖅ, ᐊᔪᒐᖃᖏᑦᑑᑉ ᑕᕐᕋᓕᓂᖓᓄᑦ ᐅᓕᒃᑕᐅᓯᒪᓂᐊᕐᐳᖅ,
ᐅᓪᓘᓕᕌᖓᑦ ᐊᑕᓂᖅ ᓯᕗᓂᖓᓐᓃᑉᐸᓚᐅᕐᐳᖅ ᓄᕗᔭᒥ ᓇᐸᔪᒥ ᐊᑐᕐᓂᐊᕐᑕᖓᓃᑉᐸᓚᐅᕐᐳᖅ ᓇᓗᓁᕐᓯᓯᒪᓇᓱᐊᕐᓗᓂ. ᐅᓐᓄᐊᖑᓕᕌᖓᓪᓕ ᐊᑕᓂᐅᑉ ᓯᕗᓕᓕᖃᑦᑕᓚᐅᕐᐰᑦ ᐃᑯᐊᓚᔪᒥ ᓇᐸᔪᒥ ᓯᕗᓂᕆᔭᖓᑦ ᖃᐅᒪᑎᑉᐸᒃᓗᓂᐅᒃ ᐃᖏᕐᕅᓐᓇᖁᓪᓗᒋᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ.
ᐊᒃᓱᔪᑦ ᕿᒫᕕᒋᕚᑎᑦ, ᐃᑲᔪᕐᑎᒃᓴᖃᖏᑦᑐᓪᓗ ᐃᓕᖕᓂᒃ ᕿᒫᕕᖃᖃᑦᑕᕐᓯᒪᕗᑦ ᐃᑲᔪᕐᑕᐅᔭᕆᐊᖃᕐᓂᕐᒥᖕᓂᑦ. ᐊᖅᑯᓇᕐᓯᐅᕐᑐᑎᑐᓪᓗ ᐅᖅᑯᐃᕝᕕᒃᓴᐅᓪᓗᑎᑦ, ᑭᐊᒡᔪᐊᕐᒥᓗ ᑕᕐᕋᓕᓂᕐᒦᕝᕕᒃᓴᐅᓪᓗᑎᑦ, ᐃᓄᐃᑦ ᓂᑲᒋᔭᖃᖏᑦᑐᑦ ᐅᑭᐅᒥ ᐊᓄᕆᕐᔪᐊᕐᑐᑎᑐᑦ ᐱᓇᓱᐊᕐᓂᖏᑦ ᓄᖅᑲᕈᓐᓇᖏᒻᒪᑕ.
ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.
“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!
