2 ᐃᑲᔪᕐᑕᐅᓂᕋ ᐊᑕᓂᕐᒥᑦ ᐱᕗᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥᑦ.
ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.
ᐊᑕᓂᕐᒧᑦ ᓮᒻᒪᕐᑎᑕᐅᒋᑦᓯ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒧᑦ!
ᐃᑲᔪᕐᑕᐅᓂᕗᑦ ᐊᑕᓂᐅᑉ ᐊᑎᖓᓃᑉᐳᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥ.
ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.
ᐅᕙᖓ ᐊᑕᓂᖅ ᒎᑎᒋᒐᕕᖓ, ᑕᓕᕐᐱᒃᑯᑦ ᑕᓯᐅᕋᒃᑭᑦ; ᐅᖃᐅᑎᓪᓗᑎᓪᓗ, ‘ᑲᑉᐱᐊᓱᒃᑍᓕᒋᑦ, ᐃᑲᔪᕐᓂᐊᕋᒃᑭᑦ.’
ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.
“ᐃᓴᕆᐊᓖ, ᐊᓯᕈᕐᓂᐊᕐᐸᒋᑦ; ᑭᓇᒧᑦ ᐃᑲᔪᕐᑕᐅᓂᐊᕐᐲᑦ?
ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”
