ᐃᓐᖏᕈᑎᑦ 119:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᖃᓄᖅ ᐃᓅᓱᒃᑐᖅ ᐃᓅᓯᕐᒥᓂᒃ ᐸᓯᔭᒃᓴᐅᖏᑦᑑᑎᑦᓯᔪᓐᓇᕐᐹ? ᐅᖃᐅᓯᕐᓂᒃ ᒪᓕᑦᓯᐊᕐᓗᓂ ᐱᓂᐊᕈᓂ.

ᐃᓐᖏᕈᑎᑦ 119:9 Iomraidhean Croise

ᑯᕉᓂᑲ ᐂᑉᐸᖏᑦ 6:16

ᒫᓐᓇᓕ ᑍᒤᒻᒪᑦ ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ, ᐊᖏᕈᑎᒋᓚᐅᕐᑍᑦ ᐱᔨᖕᓄᑦ ᑍᕕᑎᒧᑦ ᐊᑖᑕᓐᓄᑦ ᑲᔪᓯᑎᓕᕈᒃ, ᐅᖃᓚᐅᕋᕕᑦ, ‘ᑲᔪᓯᓪᓚᕆᒍᒫᕐᐳᑦ ᐊᖑᑎᑦ ᐃᒃᓯᕙᔪᒫᕐᑐᑦ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ, ᐃᕐᓂᑎᑦ ᒪᓕᖕᓂᐊᕐᐸᑕ ᐃᓕᒃᑐᑦ, ᐱᖁᔭᓐᓂᒡᓗ ᒪᓕᖕᓂᐊᕐᐸᑕ ᓵᓐᓂ ᐃᓕᒃᑐᑦ.’

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᔫᐱᐅᑉ ᐊᒡᓚᖏᑦ 13:26

ᐅᕙᓐᓄᑦ ᖃᓯᓕᓇᕐᑐᓂᒃ ᑎᑎᕋᓚᐅᕐᐳᑎᑦ, ᐃᓅᓱᒃᑑᑎᓪᓗᖓ ᐊᔪᕐᑐᓕᓂᕆᓚᐅᕐᑕᒃᑲ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᐃᓐᖏᕈᑎᑦ 17:4

ᐃᓄᐃᑦ ᐱᓂᐊᕐᓂᖏᑦ ᐱᑦᔪᑎᒋᓪᓗᒋᑦ, ᖃᓂᕐᐱᑦ ᐅᖃᐅᓯᖏᑦ ᒪᓕᒡᓗᒋᑦ, ᓵᓚᖃᕈᒪᔪᑦ ᐱᐅᖏᑦᑐᒧᑦ ᐊᖅᑯᑎᖏᓐᓂᒃ ᓂᒍᕋᓚᐅᕐᐳᖓ.

ᐃᓐᖏᕈᑎᑦ 25:7

ᐃᓅᓱᒃᑑᓂᓐᓄᑦ ᐊᔪᕐᑐᓕᓂᕆᓚᐅᕐᑕᒃᑲ ᐃᖅᑲᐅᒪᓂᐊᕐᓇᒋᑦ, ᑕᐸᓱᖕᓂᕆᓚᐅᕐᑕᒃᑲᓘᓐᓃᑦ; ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ, ᐃᖅᑲᐅᒪᓐᖓ, ᐱᐅᔫᒐᕕᑦ, ᐊᑕᓃᖅ.

ᐃᓐᖏᕈᑎᑦ 34:11

ᕾᒋᑦᓯ, ᕿᑐᕐᖓᐅᔪᓯ, ᓈᓚᓚᐅᕐᓯᓐᖓ; ᓯᕘᕋᓂᕐᒥᒃ ᐊᑕᓂᕐᒥᒃ ᐊᔪᕆᕐᑐᕐᓂᐊᕋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:10

ᐃᕐᓃᒃ ᐊᔪᕐᑐᓕᔪᓄᑦ ᑲᔪᖏᕐᓴᕐᑕᐅᒍᕕᑦ ᐊᖏᕐᑍᓕᕙᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:4

ᖃᐅᔨᓯᒪᖏᑦᑑᒐᓗᐊᒥᒃ ᐊᔪᕈᓐᓃᕐᑎᑦᓯᔪᓐᓇᕐᐳᑦ ᓯᓚᑐᓕᕐᑎᑦᓯᓗᑎᒃ, ᐃᓅᓱᒃᑐᓂᒡᓗ ᐊᔪᕆᕐᑐᐃᔪᓐᓇᕐᐳᑦ ᐊᑐᕐᓇᕐᑐᓂᒃ ᐱᓇᓱᐊᕈᓐᓇᕐᓯᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:11

ᐊᑦᔨᒋᔭᐅᖏᓐᓂᐅᑉ ᑲᒪᒋᑦᓯᐊᕐᓂᐊᕐᐹᑎᑦ, ᑐᑭᓯᓂᐅᓪᓗ ᓴᐳᑎᓯᒪᓂᐊᕐᐹᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:1

ᕿᑐᕐᖓᒃᑳ, ᐊᑖᑕᑦᓯ ᐊᔪᕆᕐᑐᐃᑦᔪᑎᒋᔭᖏᑦ ᓈᓚᒃᓯᐅᒃ, ᑐᓵᓇᓱᐊᑦᓯᐊᕐᓗᒋᓪᓗ ᖃᐅᔨᓂᐊᕋᕕᑦ ᑐᑭᓯᑎᑕᐅᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:7

ᑕᑯᓚᐅᕐᐳᖓ ᐊᖑᒻᒥᒃ ᐃᓅᓱᒃᑐᑦ ᐃᓚᖓᓐᓂᒃ, ᑖᑦᓱᒥᖓ ᐃᓅᓱᒃᑐᒥᒃ ᐅᑦᔨᕈᓱᓕᕐᐳᖓ ᓯᓔᑦᑐᒥᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᓘᑲᓯᐅᑉ ᐊᒡᓚᖏᑦ 15:13

ᐅᓪᓗᐃᑦ ᐅᓄᖏᑦᑐᑦ ᑭᖑᕐᖓᒍᑦ, ᐃᕐᓂᖓᑕ ᓄᑲᕐᖠᐅᑉ ᐱᖁᑎᓕᒫᓂ ᑲᑎᓪᓗᒋᑦ ᓄᓇᒧᑦ ᐅᖓᓯᒃᑐᒧᑦ ᐊᐅᓪᓚᕐᐳᖅ, ᑕᐅᕙᓂ ᐱᖁᑎᓕᒫᓂ ᓄᖑᑉᐰᑦ ᐃᓱᒪᕐᓲᓗᐊᕐᓂᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 15:3

ᐃᓕᑦᓯᓕ ᓴᓗᒻᒪᕐᓴᕐᑕᐅᔭᕇᕐᐳᓯ ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 17:18

ᑖᓐᓇ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂ ᐃᒃᓯᕙᓕᕈᓂ ᐊᖓᔪᖅᑲᐅᕕᖕᒥᓂ, ᓇᖕᒥᓂᖅ ᑎᑎᕋᕆᐊᖃᕐᐳᖅ ᐱᖁᔭᓂᒃ ᑖᒃᑯᓂᖓ ᒪᒃᐱᕐᑐᕋᕐᑎᒍᑦ ᐊᑦᔨᓕᐅᕐᓗᒋᑦ ᐱᒋᓂᐊᕐᑕᒥᓂᒃ, ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᓯᒪᔭᖏᑕ ᐊᑦᔨᓪᓚᕆᖏᓐᓂᒃ;

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.