81 ᓱᕖᕈᑎᓕᕐᐳᖓ ᐃᓕᖕᓄᑦ ᐱᐅᓕᔭᐅᔪᒪᓂᕐᒧᑦ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᓇᖕᒥᓂᓪᓚᕆᒃ ᑕᑯᔪᒫᕐᐸᕋ ᓴᓂᓐᓃᑎᓪᓗᒍ, ᐊᓯᐊᓂᒃ ᑕᑯᓐᓇᖏᓪᓗᖓ, ᐃᔨᓐᓄᑦ ᑕᑯᔪᒪᕐᐸᕋ. ᐆᒻᒪᑎᒐᓕ ᓄᑮᓕᕐᐳᖅ ᐃᓗᓐᓂ!
ᐃᔨᕐᓯᒪᕕᒃᓴᕆᕙᒋᑦ ᓴᐴᓗᑕᕆᓪᓗᑎᓪᓗ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᑕᕐᓂᕋ ᓯᖁᒥᓯᒪᕗᖅ ᕿᓚᓈᕐᓂᕐᒧᑦ ᒪᓕᒃᑕᐅᖁᔭᕐᓂᒃ ᑐᑭᓯᕙᓪᓕᐊᔪᒪᓪᓗᖓ ᑍᒪᓐᖓᓕᒫᖅ.
ᑕᑯᒋᑦ, ᐱᓂᐊᕐᑕᐅᖁᔭᕐᓂᒃ ᑲᔪᖏᕆᔭᖃᕐᐳᖓ; ᓇᓛᒎᕐᓂᕐᓄᑦ ᓄᑖᒥᒃ ᐃᓅᓯᕐᑖᕐᑎᓚᐅᓐᖓ.
ᐊᑕᓃᖅ, ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᐅᕙᓐᓄᑦ ᑎᑭᐅᑎᑎᓚᐅᕈᒃ, ᐱᐅᓕᒃᓯᓃᓪᓗ ᐅᖃᐅᓯᕐᑎᑦ ᒪᓕᒡᓗᒋᑦ.
ᑭᐅᔪᓐᓇᖁᓪᓗᖓ ᐅᖃᕐᓂᕐᓗᒡᕕᒋᔨᓐᓂᒃ, ᐅᖃᐅᓯᕐᓂᒃ ᑕᑎᖃᕋᒪ.
ᐅᖃᐅᓯᕐᑎᑦ ᓱᓕᔪᑦ ᖃᓂᓐᓂᑦ ᐲᕐᑎᑦᑍᓕᒃᑭᑦ, ᒪᓕᒃᑕᐅᖁᔭᕐᓂᒃ ᓂᕆᐅᒋᔭᖃᕋᒪ.
ᐃᓕᖕᓂᒃ ᓯᕘᕋᔪᑦ ᖁᕕᐊᓱᖕᓂᐊᕐᐳᑦ ᐅᕙᓐᓂᒃ ᑕᑯᒍᑎᒃ, ᐅᖃᐅᓯᕐᓂᒃ ᓂᕆᐅᒋᔭᖃᕐᓂᕋ ᐱᑦᔪᑎᒋᓗᒍ.
ᓂᑲᒍᓱᖕᓃᑦ ᐅᕙᓐᓄᑦ ᑎᑭᐅᑎᓚᐅᕐᓕ, ᐃᓅᔪᓐᓇᖁᓪᓗᖓ; ᐱᖁᔭᑎᑦ ᖁᕕᐊᓲᑎᒋᒐᒃᑭᑦ.
ᐊᑕᓂᖅ ᐅᑕᖅᑭᕙᕋ, ᑕᕐᓂᕋ ᐅᑕᖅᑭᕗᖅ, ᐅᖃᐅᓯᖏᓪᓗ ᑕᑎᒋᕙᒃᑲ.
ᑎᒥᒐ ᐆᒻᒪᑎᒐᓗ ᐊᔪᓕᓕᕋᓗᐊᕐᐴᒃ, ᒎᑎᓕ ᐆᒻᒪᑎᒪ ᓴᓐᖏᔫᑦᔪᑎᒋᕚ ᐱᔪᓐᓇᐅᑎᒋᓪᓗᒍᓗ ᐃᓱᖃᖏᑦᑐᒧᑦ.
ᑕᕐᓂᕐᒪ ᐅᖓᒋᕚ, ᐄᓛᒃ, ᐃᓗᓐᓂᑦ ᐱᔪᒧᑦ ᐃᓂᒋᔭᖓᓃᑦᓱᒪᕗᖓ; ᐆᒻᒪᑎᒪ ᑎᒥᒪᓗ ᖁᕕᐊᓱᖕᓂᕐᒧᑦ ᐃᓐᖏᕐᕕᒋᕚ ᒎᑎ ᐆᒪᑦᓮᓐᓇᕐᑐᖅ.
ᔨᕉᓴᓕᒥᐅᑦ ᐸᓂᖏᑦ, ᐊᖏᒻᒪᕆᖁᕙᑦᓯ, ᓇᒡᓕᒋᔨᒐ ᓇᓂᒍᑦᓯᐅᒃ, ᐅᖃᐅᑎᔪᒫᕐᐸᓯ ᐅᖓᓂᕐᒧᒡᒎᕐᖎ ᑭᐱᓕᕋᒪ.
