ᐃᓐᖏᕈᑎᑦ 119:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᖁᓚᐅᕐᐸᑦᑎᒍᑦ ᐊᑐᕐᑕᐅᖁᔭᕐᓂᒃ ᒪᓕᖁᓪᓗᑕ ᑖᒃᑯᐊᓗ ᒪᓕᑦᓯᐊᕐᓗᒋᑦ ᑲᔪᓯᑦᓯᐊᖁᓪᓗᑕ.

ᐃᓐᖏᕈᑎᑦ 119:4 Iomraidhean Croise

ᐄᓱᕋᐅᑉ ᐊᒡᓚᖏᑦ 7:21

ᐅᕙᖓ ᓇᖕᒥᓂᖅ ᐋᕐᑕᔮᒃᓯ, ᐊᖓᔪᖅᑳᕐᔪᐊᖅ, ᐱᖁᔨᕗᖓ ᑮᓇᐅᔭᓂᒃ ᑲᒪᔨᓕᒫᓂᒃ ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᑐᓂᓯᔪᓐᓇᖁᓪᓗᒋᑦ ᑕᕝᕙᑦᓴᐅᑎᒋ ᐄᓱᕋᒧᑦ, ᑐᓂᕐᕈᓯᕐᑎᑦᓯᔨᒧᑦ ᒎᑎᐅᓪᓗ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ, ᐱᔪᒪᔭᓕᒫᖏᓐᓂᒃ ᑲᑦᓱᖎᕐᓯᒪᑦᓯᐊᕐᓗᓯ ᐂᑦᑐᐃᔪᒃᓴᐅᕗᓯ.

ᒨᓯᓯ ᐂᑉᐸᖏᑦ 7:6

ᒨᓯᓯᒃᑯᒃ ᐂᕉᓂᒃᑯᒃ ᐊᑕᓂᐅᑉ ᐊᑐᕐᑕᐅᖁᔭᖓᓂᒃ ᐱᓇᓱᐊᓚᐅᕐᐳᒃ.

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 20:19

ᐅᕙᖓ ᐊᑕᓂᖅ ᒎᑎᒋᒐᑦᓯᓐᖓ; ᐱᓂᐊᕐᑕᐅᖁᔭᒃᑲ ᒪᓕᓕᕐᓯᐅᒃ, ᐊᑐᕐᑕᐅᖁᔭᒃᑲᓗ ᐊᑐᕐᓗᒋᑦ,

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᔪᐊᓇᓯᐅᑉ ᐊᒡᓚᖏᑦ 14:15

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᒨᓯᓯ ᑕᓪᓕᒪᖏᑦ 11:13

“ᑍᒤᒻᒪᑦ, ᐱᖁᔧᑦ ᐃᓕᑦᓯᓐᓄᑦ ᐅᓪᓗᒥ ᑐᓂᔭᒃᑲ ᓈᓚᒃᑕᒃᓴᕆᕙᓯ; ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐱᔨᑦᓯᕐᕕᒋᓗᒍᓗ ᐆᒻᒪᑎᖕᓄᑦ ᐊᑕᖏᕐᑐᒧᑦ ᑕᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 11:22

“ᐱᖁᔭᓕᒫᑦ ᓱᖁᓯᔪᐃᑦᑑᓗᑎᑦ ᓈᓚᒃᑕᒃᓴᕆᕙᑎᑦ, ᐊᑕᓂᖅ ᒎᑎᒋᔧᑦ ᐱᓐᓈᕆᓗᒍ, ᐱᖁᔨᓂᓕᒫᖏᓪᓗ ᒪᓕᒡᓗᒋᑦ, ᑖᑦᓱᒧᖓᓗ ᓱᖁᓯᔪᐃᑦᑑᓗᑎᑦ.

ᒨᓯᓯ ᑕᓪᓕᒪᖏᑦ 12:32

“ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 30:16

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 6:17

ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᑐᓂᓯᒪᔭᖏᑦ.

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔪᐊᓇᓯ ᓯᕗᓪᓖᑦ 5:3

ᒎᑎᒥᒃ ᓇᒡᓕᖕᓂᖅ ᐃᒤᑦᑑᕗᖅ, ᐱᖁᔭᖏᑦ ᒪᓕᒃᑲᑦᑎᒋᑦ. ᐱᖁᔭᖏᓪᓗ ᐅᖁᒤᓗᐊᓐᖏᓚᑦ.