170 ᑐᒃᓯᐊᕐᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ; ᓴᐳᑎᓗᖓᓗ ᐅᖃᐅᓰᑦ ᒪᓕᒡᓗᒍ.
“ᒫᓐᓇᓗ, ᐊᑕᓃᖅ ᒎᑏ, ᐊᖏᕈᑎᒋᓯᒪᔭᕕᑦ ᓱᓕᓂᖓ ᓇᓗᓁᓕᕈᒃ ᐅᕙᓐᓄᑦ ᑭᖑᕚᓐᓄᓪᓗ, ᐅᖃᐅᓯᕆᓚᐅᕐᑕᑎᓪᓗ ᑲᔪᓯᑎᓪᓗᒋᑦ.
ᐊᑕᓃᖅ, ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᐅᕙᓐᓄᑦ ᑎᑭᐅᑎᑎᓚᐅᕈᒃ, ᐱᐅᓕᒃᓯᓃᓪᓗ ᐅᖃᐅᓯᕐᑎᑦ ᒪᓕᒡᓗᒋᑦ.
ᐱᖁᑎᒋᒐᕕᖓ, ᐱᐅᓕᓚᐅᓐᖓ; ᐱᓇᓱᐊᕐᑕᐅᖁᔭᑎᑦ ᕿᓂᕐᓯᒪᒐᒃᑭᑦ.
ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.
ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ, ᕾᓚᐅᕆᑦ ᑐᐊᕕᕐᓗᑎᑦ ᓴᐳᑎᓗᖓᓗ; ᕾᕐᑐᕆᒐᒃᑭᑦ ᕿᒫᕕᒋᓪᓗᑎᓪᓗ ᕿᒫᕕᒃᓴᕆᓗᑎᑦ ᓴᐳᑦᔭᐅᕕᒃᓴᕆᒐᒃᑭᑦ.
ᐊᑕᓂᕋ ᐊᖓᔪᖅᑳᕐᔪᐊᕋ, ᐅᖃᐅᓯᕆᔭᒃᑲ ᓈᓚᓚᐅᒃᑭᑦ, ᕿᓄᕕᒋᔪᒪᕙᒋᑦ ᐅᑎᕐᑎᑕᐅᔪᒪᓇᖓ ᔫᓇᑕᓂᐅᑉ ᐃᒡᓗᖓᓄᑦ, ᑐᖁᑐᐃᓐᓇᕆᐊᖃᕋᒪ ᑍᑲᓂ.”
ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.
