16 ᐊᑐᕐᑕᐅᖁᔭᑎᑦ ᖁᕕᐊᒋᕙᒃᑲ; ᐅᖃᐅᓯᕐᑎᑦ ᐳᐃᒍᕐᓂᐊᓐᖏᓚᒃᑲ.
ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.
ᐃᓅᓯᕋ ᑐᓂᑐᐃᓐᓇᕆᐊᖃᕐᑕᑦᑐᑦ ᑎᒍᒥᐊᖏᓐᓇᕐᐸᕋ, ᐱᖁᔭᑎᓪᓕ ᓱᓕ ᐳᐃᒍᓚᐅᓐᖏᓚᒃᑲ.
ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.
ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.
ᐱᓪᓚᕆᐅᓐᖏᓚᖓ ᓇᕐᕈᒋᔭᐅᓪᓗᖓᓗ, ᐱᓇᓱᐊᕐᑕᐅᖁᔭᑎᓪᓕ ᐳᐃᒍᕐᓯᒪᓐᖏᓚᒃᑲ.
ᐊᑲᐅᖏᑦᔪᑎᒃᓴᓄᑦ ᐃᓱᒪᔮᕐᓇᕐᑐᓄᓪᓗ ᑎᑭᑕᐅᕗᖓ, ᐱᖁᔭᑎᓪᓕ ᖁᕕᐊᓱᖕᓂᕐᑖᕐᕕᒋᕙᒃᑲ.
ᐋᓐᓂᐊᑎᑕᐅᓂᒃᑲ ᑕᑯᓚᐅᒃᑭᑦ ᓴᐳᑎᓗᖓᓗ, ᐱᖁᔭᑎᑦ ᐳᐃᒍᖏᓐᓇᒃᑭᑦ.
ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.
ᓰᐱᑎᑐᑦ ᐊᓯᐅᓯᒪᔪᑎᑐᑦ ᑕᒻᒪᓚᐅᕐᐳᖓ; ᐱᔩᑦ ᕿᓂᕆᐊᓚᐅᕈᒃ, ᐱᖁᔭᑎᑦ ᐳᐃᒍᓚᐅᖏᓐᓇᒃᑭᑦ.
ᐃᓛᒃ ᐃᓕᓮᑦᔪᑎᒋᔭᑎᑦ ᖁᕕᐊᒋᕙᒃᑲ, ᐃᓱᒪᑖᕐᑎᑦᓯᔨᒋᖃᑦᑕᕐᓗᒋᓪᓗ.
ᐱᖁᔭᕐᓂᒃ ᓈᓚᒍᓐᓇᕐᓯᓂᕐᒧᑦ ᑕᓯᐅᓚᐅᓐᖓ, ᑕᒪᒃᑯᐊ ᖁᕕᐊᓇᕐᑐᕐᓯᐊᕆᓯᒪᒐᒃᑭᑦ.
ᐱᖁᔭᕐᐱᑦ ᖁᕕᐊᓇᕐᓂᖏᓐᓂᒃ ᖃᐅᔨᓯᒪᓕᕋᒪ, ᐊᓐᓂᕆᓕᕐᓗᒋᓪᓗ.
ᐱᐅᖏᑦᑐᑦ ᐅᕙᓐᓂᒃ ᐊᒃᓱᓈᓄᑦ ᓂᒐᕐᑎᑦᓯᓇᓱᐊᕐᐳᑦ, ᐱᖁᔭᑎᓪᓕ ᐳᐃᒍᓚᐅᓐᖏᓚᒃᑲ.
ᐆᒻᒪᑎᖏᑦ ᐅᕐᓱᑎᑐᑦ ᑭᓂᕆᓂᑯᑎᑐᑦ ᑍᒤᑉᐳᑦ; ᐅᕙᖓᓕ ᐱᖁᔭᑎᑦ ᖁᕕᐊᓲᑎᒋᕙᒃᑲ.
ᓂᑲᒍᓱᖕᓃᑦ ᐅᕙᓐᓄᑦ ᑎᑭᐅᑎᓚᐅᕐᓕ, ᐃᓅᔪᓐᓇᖁᓪᓗᖓ; ᐱᖁᔭᑎᑦ ᖁᕕᐊᓲᑎᒋᒐᒃᑭᑦ.
ᕔᓂᖃᐅᑎᑐᑦ ᕿᓯᒃᑐᑦ ᐳᔪᕐᒧᑦ ᐃᕿᑎᑕᐅᔪᑎᑐᑦ ᑍᒤᓕᕐᐳᖓ; ᑭᓯᐊᓂᓕ ᐊᑐᕐᑕᐅᖁᔭᑎᑦ ᓱᓕ ᐳᐃᒍᓐᖏᓚᒃᑲ.
ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.
ᐃᓱᐊᕐᑐᓄᑦ ᖁᕕᐊᓇᕐᐳᖅ ᓈᒻᒪᑦᓯᐊᕐᑐᒥᒃ ᐱᓇᓱᐊᕐᓂᖃᕆᐊᒥᒃ, ᐱᐅᖏᑦᑐᒥᒡᓕ ᐱᓇᓱᐊᕐᑐᑦ ᖁᕕᐊᓇᕐᑐᒧᑦ ᑎᑭᑕᐅᔪᓐᓇᓐᖏᓚᖅ.
ᐃᕐᓃᒃ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ, ᐱᓇᓱᐊᕐᑕᐅᖁᔭᒃᑲ ᐆᒻᒪᑎᒃᑯᑦ ᐃᖅᑲᐅᒪᓂᐊᕐᐸᑎᑦ.
ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.
ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.
