12 ᐊᑕᓃᖅ ᓂᕐᑐᕐᑕᐅᒋᑦ; ᐃᓕᓴᕐᑎᓚᐅᓐᖓ ᐊᑐᕐᑕᐅᖁᔭᕐᓂᒃ.
ᐊᑕᓃᖅ, ᖃᓂᕐᒪ ᑐᓂᕐᕈᑎᖏᑦ ᓂᕐᑐᐃᓃᑦ ᐃᓚᓕᐅᒃᑭ, ᐊᔪᕆᕐᑐᓚᐅᓐᖓᓗ ᐊᑐᕐᑕᐅᖁᔭᕐᓂᒃ.
ᐱᔩᑦ ᐱᓇᓱᐊᕐᕕᒋᓚᐅᕈᒃ ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᒪᓕᒡᓗᒍ, ᐊᔪᕆᕐᑐᓚᐅᓐᖓᓗ ᐊᑐᕐᑕᐅᖁᔭᕐᓂᒃ.
ᑮᓁᑦ ᖃᐅᒪᑎᓚᐅᕈᒃ ᐱᔨᖕᓄᑦ, ᐊᔪᕆᕐᑐᕐᓗᖓᓗ ᐊᑐᕐᑕᐅᖁᔭᕐᓂᒃ.
ᐊᑕᓃᖅ ᐊᔪᕆᕐᑐᓚᐅᓐᖓ, ᐊᑐᕐᑕᐅᖁᔭᕐᐱᑦ ᑐᑭᖏᓐᓂᒃ; ᑕᕝᕙ ᒪᓕᖕᓂᐊᕐᐸᒃᑲ ᐃᓅᓯᕐᒪ ᓈᓂᖓᓄᑦ.
ᐊᑕᓃᖅ, ᓄᓇ ᓈᓯᒪᕗᖅ ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ; ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ.
ᐊᔪᕆᕐᑐᓚᐅᓐᖓ ᐃᓅᖃᑎᓐᓄᑦ ᓈᒻᒪᓈᕐᓯᒪᔪᒥᒃ ᑕᑯᓐᓇᕐᓂᕐᒥᒃ ᖃᐅᔨᒪᑦᓯᐊᕐᓂᕐᒥᒡᓗ, ᐱᖁᔭᑎᑦ ᐅᒃᐱᕆᒐᒃᑭᑦ.
ᐱᐅᔫᒐᕕᑦ, ᐱᑦᓯᐊᕐᓗᑎᓪᓗ; ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ.
ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.
ᐊᑕᓃᖅ ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ, ᐃᕝᕕᑦ ᓱᓕᑦᓯᐊᕐᓂᖓᓄᑦ ᐃᓅᖁᓪᓗᖓ; ᐆᒻᒪᑎᒐ ᑲᑦᓱᖎᑦᓯᐊᕐᑎᓚᐅᕈᒃ ᐊᑎᕐᓂᒃ ᓯᕘᕋᔪᓐᓇᖁᓪᓗᖓ.
ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ,
ᐃᑲᔪᕐᑎᒃᓴᕐᓕ, ᐊᓂᕐᓂᖅ ᐃᑦᔪᕐᓁᑦᑐᖅ, ᐊᑖᑕᐅᑉ ᑎᓕᓛᕐᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᕐᑐᕈᒫᕐᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᕐᑕᓕᒫᓐᓂᒃ ᐃᓕᑦᓯᓐᓄᑦ.
ᑕᒪᓐᓇ ᐊᔪᕆᕐᑑᓯᖅ ᐅᖃᐅᓯᕐᓂ ᑐᓴᕈᒥᓇᕐᑐᓃᑉᐳᖅ ᐅᖃᐅᓯᕆᔭᐅᖁᔭᐅᓯᒪᔪᓂᑦ ᐅᕙᓐᓄᑦ, ᐱᓐᓇᕐᓇᕐᑐᕐᔪᐊᕐᒥᑦ ᒎᑎᒥᑦ ᓂᕐᑐᕐᑕᐅᔪᒃᓴᐅᔪᒥᑦ.
ᑖᓐᓇ ᓴᖅᑭᑦᓱᒫᕐᒪᑦ ᒎᑎᐅᑉ ᓈᒻᒪᒋᔭᖓᒍᑦ; ᓮᒻᒪᕐᑎᑕᐅᓯᒪᔪᖅ ᐊᐅᓚᑦᓯᔨᑑᓪᓗᓂᓗ, ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.
ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.
