114 ᐃᔨᕐᓯᒪᕕᒃᓴᕆᕙᒋᑦ ᓴᐴᓗᑕᕆᓪᓗᑎᓪᓗ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᐅᖃᐅᓯᕐᑎᑦ ᓱᓕᔪᑦ ᖃᓂᓐᓂᑦ ᐲᕐᑎᑦᑍᓕᒃᑭᑦ, ᒪᓕᒃᑕᐅᖁᔭᕐᓂᒃ ᓂᕆᐅᒋᔭᖃᕋᒪ.
ᐃᓕᖕᓂᒃ ᓯᕘᕋᔪᑦ ᖁᕕᐊᓱᖕᓂᐊᕐᐳᑦ ᐅᕙᓐᓂᒃ ᑕᑯᒍᑎᒃ, ᐅᖃᐅᓯᕐᓂᒃ ᓂᕆᐅᒋᔭᖃᕐᓂᕋ ᐱᑦᔪᑎᒋᓗᒍ.
ᓱᕖᕈᑎᓕᕐᐳᖓ ᐃᓕᖕᓄᑦ ᐱᐅᓕᔭᐅᔪᒪᓂᕐᒧᑦ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᐃᕝᕕᓪᓕ ᐊᑕᓃᖅ ᐊᕙᑎᓐᓄᑦ ᓴᐴᓗᑕᕆᕙᒋᑦ, ᓂᕐᑐᕐᓇᕐᑐᖁᑎᒋᕙᒋᑦ, ᓂᐊᖁᕋ ᒪᑭᑎᒐᕕᐅᒃ.
ᓂᐱᓐᓄᑦ ᐊᑕᓂᖅ ᓂᓪᓕᐊᕕᒋᕙᕋ, ᖃᖅᑲᒥᓪᓗ ᐃᑦᔪᕐᓁᑦᑐᒥᑦ ᑐᓴᕐᐹᖓ. ᓰᓚ
ᐃᕝᕕᑦ ᐃᔨᕆᐊᕐᑐᕐᕕᒃᓴᕆᕙᒋᑦ; ᐃᓱᐊᖏᑦᑐᓂᑦ ᓴᐳᑎᕙᕐᒪ; ᐊᕙᓗᔪᒫᕐᐸᕐᒪᓗ ᐃᓐᖏᕈᓯᕐᓂᒃ ᓴᐳᑦᔭᐅᓂᕐᓂᒃ. ᓰᓚ
ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.
ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.
