11 ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.
ᑖᑦᓱᒪ ᓇᖕᒥᓂᖅ ᐊᔪᕆᕐᑑᓯᖏᑦ ᐃᓚᓕᐅᓕᒃᑭᑦ, ᐅᖃᐅᓯᖏᓪᓗ ᑐᖅᑯᕐᓗᒋᑦ ᐆᒻᒪᑎᖕᓄᑦ.
ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.
ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.
ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.
ᒎᑎᖓᑕ ᐱᖁᔭᖏᑦ ᐆᒻᒪᑎᖓᓃᒻᒪᑕ; ᐱᓱᒡᓗᓂ ᐊᓪᓗᕐᓂᖏᑦ ᖁᐂᔭᕿᓐᓂᐊᓐᖏᓚᑦ.
ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.
ᐃᕐᓃᒃ ᐅᖃᐅᓯᒃᑲ ᐊᖏᑦᓯᐊᕈᕕᒋᑦ, ᐱᓂᐊᕐᑕᐅᖁᔭᒃᑲᓗ ᑐᖅᑯᕐᓯᒪᑦᓯᐊᕈᕕᒋᑦ ᐃᓗᖕᓂ,
ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.
ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.
ᒥᐊᕆᐅᓪᓕ ᑕᒪᒃᑯᐊᓕᒫᑦ ᐃᓱᒪᒥᐅᑕᕆᓕᕐᐰᑦ, ᐃᓱᒪᒃᓴᕐᓯᐅᕈᑎᒋᓪᓗᒋᓪᓗ.
ᔩᓱᓯᐅᑉ ᐊᖓᔪᖅᑳᖕᓂ ᐊᖏᕐᕋᐅᖃᑎᒋᓕᕐᐹᒃ ᓈᓴᕇᑎᒧᑦ, ᓈᓚᑦᓯᐊᕐᓗᒋᒃ; ᐊᓈᓇᖓᑕᓕ ᑕᒪᒃᑯᐊ ᐅᖃᐅᓯᓕᒫᖏᑦ ᐃᓱᒪᒥᐅᑕᕆᓕᕐᐰᑦ.
᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.
