6 ᐊᑕᓂᖅ ᓴᓂᓐᓃᒻᒪᑦ ᐃᕐᓯᓂᐊᓐᖏᓚᖓ; ᖃᓄᖅ ᐃᓄᖕᓄᑦ ᐱᓂᐊᕐᕕᐅᔪᓐᓇᕐᐳᖔ?
ᑖᑦᓱᒪ ᐆᒻᒪᑎᖓ ᐋᖅᑭᒌᕐᓯᒪᖕᒪᑦ, ᓯᕘᕋᓂᐊᓐᖏᓚᖅ, ᑕᑯᓚᐅᖅᑳᕋᓂ ᐆᒥᒋᔨᖏᑕ ᓵᓚᒋᔭᐅᓂᖏᓐᓂᒃ.
ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.
ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.
ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.
ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᒎᑎᒥ, ᑖᑦᓱᒪ ᐅᖃᐅᓯᖓ ᓂᕐᑐᕐᓂᐊᕐᐸᕋ, ᐊᑕᓂᕐᒥᓗ, ᐅᖃᐅᓯᖓ ᓂᕐᑐᕐᓂᐊᕐᐸᕋ,
ᒎᑎᒥᒃ ᑕᑎᖃᕋᒪ ᓱᓇᒥᒃ ᐃᕐᓯᓂᐊᓐᖏᓚᖓ. ᐃᓅᑉ ᖃᓄᖅ ᐱᓂᐊᕐᕕᒋᔪᓐᓇᕐᐹᖓ?
ᐊᖏᕈᑎᒋᓯᒪᔭᒃᑲ ᐃᓕᖕᓄᑦ ᐊᑐᕐᓗᒋᑦ ᑭᓯᐊᓂᐅᕗᖅ, ᒎᑏ; ᐃᓕᖕᓄᑦ ᑐᓂᕐᕈᓯᓂᐊᕐᐳᖓ ᖁᔭᓕᑦᔪᑎᓐᓂᒃ.
ᒎᑎᐅᑉ, ᑖᑦᓱᒪ ᐅᖃᐅᓯᖓ ᓂᕐᑐᕐᐸᕋ, ᒎᑎ ᑕᑎᒋᒐᒃᑯ ᑲᑉᐱᐊᓱᖕᓂᐊᓐᖏᓚᖓ. ᐃᓅᑉ ᑎᒥᖃᕐᑑᑉ ᖃᓄᐃᓕᐅᕈᓐᓇᕐᐹᖓ?
ᐅᓪᓗᖅ ᓈᓪᓗᒍ ᐅᖃᐅᓯᒃᑲ ᐃᒡᓗᐊᓄᑦ ᒧᒥᒃᑎᑉᐰᑦ, ᐃᓱᒪᒃᓴᕐᓯᐅᕐᐳᑦ ᐊᑭᕋᕐᑐᕈᒪᓪᓗᖓ ᐱᐅᖏᑦᑐᒧᑦ.
ᐃᓕᖕᓄᑦ ᓂᓪᓕᐊᓕᕈᒪ ᐊᑭᕋᕐᑐᕐᑎᒃᑲ ᑕᕝᕙ ᐅᑎᕆᐊᕐᓂᐊᕐᐳᑦ; ᑕᒪᓐᓇ ᖃᐅᔨᑦᔪᑎᒋᓂᐊᕐᐸᕋ ᒎᑎᐅᑉ ᐃᓚᒋᖕᒪᖓ.
ᑭᓇ ᐅᕙᓐᓂᒃ ᑕᑉᐱᕐᓱᐃᓗᓂ ᐱᐅᖏᑦᑐᓂᒃ ᐊᑭᕋᕐᑐᕐᓂᐊᕐᐹ? ᑭᓇᓗ ᐅᕙᓐᓂᒃ ᐃᑲᔪᕐᓂᐊᕐᐸ ᐊᔪᕐᓂᕐᒥ ᐃᓅᔪᑦ ᐊᑭᕋᕐᑐᕐᓗᒋᑦ?
ᐅᕙᖓ, ᑖᓐᓇᐅᕗᖓ ᓮᒻᒪᕐᑎᑦᓯᔪᖅ ᐃᓕᑦᓯᓐᓂᒃ; ᓱᖕᒪᑦ ᓯᕘᕋᕕᑦ ᐃᓄᖕᒥᒃ ᑐᖁᕙᒃᑐᒥᒃ, ᐃᓅᑉ ᐃᕐᓂᖓᓂᒃ ᐃᕕᒃᓱᒐᕐᑎᑐᑦ ᑍᒤᑦᑐᒥᒃ,
ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.
ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?
ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”
ᓴᐅᓕᓗ ᐃᓴᕆᐊᓕᒥᐅᓪᓗ ᐱᓕᔅᑍᓂᒥᐅᑉ ᐅᖃᐅᓯᖏᓐᓂᒃ ᑐᓴᕋᒥᒃ, ᓯᕘᕋᓕᕐᐳᑦ ᑲᑉᐱᐊᓱᒻᒪᕆᓕᕐᓗᑎᒡᓗ.
ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.”
