ᐃᓐᖏᕈᑎᑦ 117:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑖᑦᓱᒪ ᐅᕙᑦᑎᓐᓄᑦ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐊᖏᔪᕐᔪᐊᖑᖕᒪᑦ; ᐊᑕᓂᐅᓪᓗ ᓱᖁᓯᔪᐃᑦᑑᓂᖓ ᐃᓱᖃᖏᑦᑐᒧᑦ ᑐᕌᖓᓪᓗᓂ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 117:2 Iomraidhean Croise

ᐃᓐᖏᕈᑎᑦ 103:11

ᓲᕐᓗ ᕿᓚᒃ ᖁᑦᓯᒃᑑᖕᒪᑦ ᓄᓇᒥᑦ, ᑍᒫᒃᑕᐅᖅ ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᒋᕗᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ;

ᐃᓐᖏᕈᑎᑦ 146:6

ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 85:10

ᓇᒡᓕᖕᓂᖅ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓂᕐᓗ ᐃᒻᒥᖕᓄᑦ ᑲᑎᓂᐊᕐᐴᒃ; ᐃᓱᐊᕐᑐᓕᓂᕐᓗ ᖃᓄᐃᖏᑦᓯᐊᕐᓂᕐᓗ ᐃᒻᒥᖕᓄᑦ ᑯᓂᖃᑦᑕᐅᑎᓂᐊᕐᐴᒃ.

ᐃᓐᖏᕈᑎᑦ 89:1

ᐊᑕᓃᖅ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓐᖏᐅᑎᒋᔪᒪᕙᕋ ᐃᓱᖃᖏᑦᑐᒧᑦ: ᓱᖁᓯᔪᐃᓐᓃᑦ ᐅᖃᐅᓯᕆᔪᒪᕙᕋ ᑭᖑᕚᕇᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯ ᓯᕗᓪᓖᑦ 5:6

ᔩᓱᓯ ᙭ᔅᑑᓯ ᑖᓐᓇᐅᕗᖅ ᑎᑭᓚᐅᕐᑐᖅ ᐃᒪᒃᑯᑦ ᐊᐅᒃᑯᓪᓗ, ᐃᒪᒃᑯᑐᐃᓐᓇᐅᓐᖏᑦᑐᕐᓕ ᑕᒤᑎᒍᓪᓕ ᐃᒪᒃᑯᑦ ᐊᐅᒃᑯᓪᓗ. ᐊᓂᕐᓂᕐᓗ ᓇᓗᓁᕐᓯᕗᖅ, ᐊᓂᕐᓂᖅ ᑖᓐᓇ ᓱᓕᔫᖕᒪᑦ.