6 ᐃᒻᒥᓂᒃ ᒥᑭᒡᓕᑎᕐᓗᓂ ᑕᑯᓴᖃᑦᑕᕐᑐᖅ ᕿᓚᖕᒦᑦᑐᓂᒃ ᓄᓇᒦᑦᑐᓂᒡᓗ?
ᑕᑯᒋᑦ ᒎᑎᐅᑉ ᐂᖏᓕᖁᑎᓂ ᐊᒡᓛᑦ ᑕᑎᒋᔪᓐᓇᓚᐅᓐᖏᓔᑦ, ᐊᒡᓛᑦ ᑖᑦᓱᒪ ᓵᖓᓂ ᕿᓔᑦ ᐃᑦᔪᕐᓁᑦᑑᓚᐅᖏᒻᒪᑕ.
ᑖᓐᓇ ᑕᑯᓐᓇᕐᒪᑦ ᓄᓇᐅᑉ ᐃᓱᐊᓄᑦ, ᕿᓚᐅᓪᓗ ᐊᑖᓃᑦᑐᓕᒫᑦ ᑕᑯᓐᓇᕐᒪᒋᑦ.
ᒎᑎ ᐱᔨᒥᓂᒃ ᐊᒡᓛᑦ ᕿᓚᖕᒦᑦᑐᓂᒃ ᑕᑎᖃᕈᓐᓇᓐᖏᓚᖅ, ᐂᖏᓕᖁᑎᓂ ᐊᒡᓛᑦ ᓈᒻᒪᓈᖏᓐᓂᖏᑦ ᖃᐅᔨᔪᓐᓇᕐᐰᑦ.
ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.
ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ.
ᐃᓂᒋᔭᒥᓂᑦ ᓇᔪᕐᑕᒥᓂᑦ ᑕᑯᓐᓇᕐᐳᖅ ᑕᒤᓐᓂᒃ ᓄᓇᕐᔪᐊᕐᒥ ᐃᓂᖃᕐᑐᓂᒃ.
ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.
ᓯᕌᕖᓪᓗ ᖁᓛᓃᑉᐳᑦ ᐊᑐᓂᑦ ᐱᖓᓲᔪᕐᑐᓂᒃ ᐃᓴᕈᖃᕐᓗᑎᒃ; ᐃᓴᕈᖏᑦ ᒪᕐᕉᒃ ᑮᓇᕐᒥᖕᓂᒃ ᒪᑐᓯᓯᒪᑦᔪᑎᒋᕚᒃ, ᒪᕐᕉᒃᑕᐅᖅ ᐃᓴᕈᖏᒃ ᐃᑎᒐᖏᓐᓂᒃ ᐅᓕᒃᓯᓯᒪᓪᓗᑎᒃ, ᒪᕐᕉᒃᑕᐅᖅ ᖃᖓᑕᑦᔪᑎᒋᓪᓗᒋᒃ.
ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.
