ᐃᓐᖏᕈᑎᑦ 113:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᖅ ᐊᐅᓚᑦᓯᔨᐅᖕᒪᑦ ᐃᓅᖃᑎᒌᒡᔪᐊᓕᒫᓄᑦ, ᑖᑦᓱᒪᓗ ᓂᕐᑐᕐᓇᕐᓂᖓ ᕿᓚᖕᓂᑦ ᖁᑦᓯᖕᓂᕐᓴᐅᕗᖅ.

ᐃᓐᖏᕈᑎᑦ 113:4 Iomraidhean Croise

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᐃᓐᖏᕈᑎᑦ 148:13

ᑖᒃᑯᐊ ᐊᑕᓂᐅᑉ ᐊᑎᖓ ᓂᕐᑐᕐᓕᑦᔪᒃ, ᑖᑦᓱᒪ ᐊᑎᖓ ᑕᒤᓐᓂᑦ ᐊᖏᓂᕐᐸᐅᖕᒪᑦ; ᓂᕐᑐᕐᓇᕐᓂᖓᓗ ᖁᑦᓯᖕᓂᕐᓴᐅᕗᖅ ᓄᓇᕐᔪᐊᕐᒥᑦ ᕿᓚᖕᒥᓪᓗ.

ᐃᓐᖏᕈᑎᑦ 8:1

ᐊᑕᓃᖅ ᐊᑕᓂᕗᑦ; ᐊᑏᑦ ᐱᐅᓂᕐᐹᖑᖕᒪᑦ ᓄᓇᕐᔪᐊᓕᒫᒥ, ᑕᑯᒥᓇᕐᓂᕐᔪᐊᑦ ᕿᓔᑦ ᖁᓛᓃᑉᐳᖅ!

ᐃᓐᖏᕈᑎᑦ 97:9

ᐊᑕᓃᖅ, ᖁᑦᓯᖕᓂᕐᐹᖑᕗᑎᑦ ᓄᓇᕐᔪᐊᓕᒫᒥᑦ; ᐊᖏᓂᕐᐸᐅᓪᓗᑎᓪᓗ ᒎᑎᒋᔭᐅᔪᓕᒫᓂᑦ.

ᐃᓐᖏᕈᑎᑦ 99:2

ᐊᑕᓂᖅ ᐊᖏᔫᕗᖅ ᓮᐅᓂᒥ; ᐊᖏᓂᕐᐹᖑᕗᖅ ᐃᓅᖃᑎᒌᒡᔪᐊᓕᒫᓂᑦ.

ᐂᓮᐊᓯᐅᑉ ᐊᒡᓚᖏᑦ 40:15

ᑕᑯᒋᑦ, ᓯᓚᕐᔪᐊᕐᒥ ᐃᓅᖃᑎᒌᒡᔪᐊᑦ ᖃᑦᑕᕐᒥᑦ ᑯᓯᕐᓂᑯᑐᐃᓐᓇᕐᑐᑦ ᐃᓱᒪᓇᕐᐳᑦ, ᓯᐅᕋᒐᓛᑯᓗᑎᑐᓪᓗ ᐃᓱᒪᓇᕐᓗᑎᒃ ᐅᖁᒤᓐᓂᕐᓂᐊᕐᕕᖕᒥ, ᑕᑯᒋᓪᓗ ᕿᑭᕐᑍᑦ ᒥᑭᔪᒍᓗᒃᑎᑐᑦ ᖃᖓᑦᑕᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 40:17

ᐃᓅᖃᑎᒌᒡᔪᐊᑦ ᑲᑎᓪᓗᒋᑦ ᓱᓇᐅᖏᒻᒪᑕ ᑖᑦᓱᒪ ᓵᖓᓂ, ᐃᓱᒪᒋᕔᓪᓗ ᓱᓇᐅᖏᑦᑐᒥᑦ ᒥᑭᓐᓂᕐᓴᐅᔪᓂᒃ ᓱᓇᖃᖏᑦᑐᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?