ᐃᓐᖏᕈᑎᑦ 112:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ.

ᐃᓐᖏᕈᑎᑦ 112:4 Iomraidhean Croise

ᔫᐱᐅᑉ ᐊᒡᓚᖏᑦ 11:17

ᐃᓅᓰᓪᓗ ᖃᐅᒪᓯᐅᓕᕐᓂᐊᕐᐳᖅ ᐅᓪᓗᓪᓗᐊᑉ ᖃᐅᒪᓂᖓᑐᑦ, ᑖᕐᓯᐅᕐᓂᕐᓗ ᖃᐅᒻᒪᓕᕐᓗᓂ ᐅᓪᓛᒃᑯᑦ ᖃᐅᕙᓪᓕᐊᔪᑎᑐᑦ.

ᔫᐱᐅᑉ ᐊᒡᓚᖏᑦ 22:28

ᑕᒪᓐᓇ ᑐᑭᑖᕈᑎᒋᒍᕕᐅᒃ, ᑕᕝᕙ ᐱᕙᓪᓕᐊᓕᕐᓂᐊᕐᐳᑎᑦ, ᐊᖅᑯᑎᒃᓴᑎᓪᓗ ᓯᕗᓂᕐᓂ ᖃᐅᒻᒪᒃᑎᑕᐅᓯᒪᓕᕐᓂᐊᕐᐳᑦ.

ᔫᐱᐅᑉ ᐊᒡᓚᖏᑦ 29:3

ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᓇᔪᕐᑕᐅᖏᓐᓇᕐᐸᓚᐅᕋᒪ, ᑖᕐᑐᒃᑰᓕᕌᖓᒪᓗ ᑖᑦᓱᒪ ᖃᐅᒪᓂᖓᓄᑦ ᑕᓯᐅᕐᑕᐅᕙᓚᐅᕐᐳᖓ;

ᐃᓐᖏᕈᑎᑦ 106:1

ᐊᑕᓂᖅ ᓂᕐᑐᕐᓯᐅᒃ! ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 116:5

ᐊᑕᓂᖅ ᐱᑦᓯᐊᕐᑑᕗᖅ, ᐃᓱᐊᕐᑑᓪᓗᓂᓗ; ᐄᓛᒃ, ᒎᑎᕗᑦ ᓂᑲᒍᓱᒃᑑᕗᖅ.

ᐃᓐᖏᕈᑎᑦ 145:17

ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 37:6

ᐃᓱᐊᕐᑐᓕᓃᑦ ᑕᕝᕙ ᐅᓪᓛᑉ ᖃᐅᓕᕐᓂᖓᑐᑦ ᖃᐅᒻᒪᒃᑎᓐᓂᐊᕐᐹ, ᐃᖅᑲᕐᑐᐃᑦᓯᐊᕐᓃᓪᓗ ᐅᓪᓗᓪᓗᐊᑉ ᖃᐅᒪᑦᓯᐊᕐᓂᖓᑐᑦ.

ᐃᓐᖏᕈᑎᑦ 97:11

ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:21

ᐃᓱᐊᕐᓂᕐᒥᒃ ᐱᑦᓯᐊᕐᓂᕐᒥᒡᓗ ᕿᓂᕐᑐᖅ ᐃᓅᓯᕐᒥᒃ ᓇᓂᓯᕗᖅ ᐅᐱᒋᔭᐅᓂᕐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 58:10

ᑳᒃᑐᓂᒃ ᐃᑲᔪᕋᓱᐊᑦᓯᐊᖃᑦᑕᕈᑦᓯ, ᓵᓚᐅᓯᒪᔪᓪᓗ ᐱᔭᕆᐊᖃᕐᑕᖏᓐᓂᒃ ᓈᒻᒪᒃᓯᑎᑦᓯᖃᑦᑕᕈᑦᓯ, ᑕᕝᕙ ᖃᐅᒪᓂᓯ ᑖᕐᑐᒥ ᖃᐅᒪᓕᕐᓂᐊᕐᐳᖅ, ᑖᕐᓯᐅᕐᓂᓯᓗ ᐅᓪᓗᓪᓗᐊᑐᑦ ᖃᐅᒪᑎᒋᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 58:8

ᑍᒤᒃᑯᑦᓯ ᑕᕝᕙ ᖃᐅᒪᓂᓯ ᖃᐅᒻᒤᓕᕐᓂᐊᕐᐳᑦ ᖃᐅᕙᓪᓕᐊᔪᑎᑐᑦ, ᐋᖅᑭᒃᑕᐅᓂᓯ ᑕᕝᕙ ᐱᕙᓪᓕᐊᓂᖏᑦ ᓱᑲᑦᑑᓕᕋᔭᕐᐳᑦ; ᓇᓛᒎᕐᑎᑕᐅᓂᓯᓗ ᓯᕗᓂᑦᓯᓐᓃᓕᕐᓗᓂ; ᐊᑕᓂᐅᓪᓗ ᓂᕐᑐᕐᓇᕐᓂᖓ ᓴᐳᑦᔨᔨᒋᓕᕐᓗᒍ ᑭᖑᓂᑦᓯᓐᓃᓪᓗᓂ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᓘᑲᓯᐅᑉ ᐊᒡᓚᖏᑦ 6:36

ᓂᑲᒍᓱᒋᑦᓯ, ᐊᑖᑕᓯᑕᐅᖅ ᓂᑲᒍᓱᖕᒪᑦ.”

ᔪᐊᓇᓯᐅᑉ ᐊᒡᓚᖏᑦ 12:46

ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᐃᐱᓯᒥᐅᓄᑦ 5:15

ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ.

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᔪᐊᓇᓯ ᓯᕗᓪᓖᑦ 2:29

ᖃᐅᔨᒪᒍᑦᓯ ᑭᓇᒧᓪᓘᓐᓃᑦ ᐃᓗᐊᕐᑑᓂᖓᓂᒃ, ᑕᕝᕙ ᖃᐅᔨᒪᒋᕗᓯ ᑭᒃᑯᓕᒫᑦ ᐃᓗᐊᕐᑐᒥᒃ ᐱᓇᓱᐊᕐᑐᑦ ᑖᑦᓱᒪᖓᑦ ᐃᕐᓂᐊᖑᓯᒪᖕᒪᑕ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᔪᐊᓇᓯ ᓯᕗᓪᓖᑦ 3:7

ᕿᑐᕐᖓᑯᓗᒃᑲ, ᑭᓇᒧᓪᓘᓐᓃᑦ ᑕᒻᒪᕐᑎᑕᐅᑦᑍᓕᒋᑦᓯ. ᓇᓪᓕᐊᑦ ᓈᒻᒪᒃᑐᒥᒃ ᐱᓇᓱᐊᕐᑐᖅ ᑖᓐᓇ ᐃᓗᐊᕐᑑᕗᖅ, ᓲᕐᓗ ᑖᓐᓇ ᐃᓗᐊᕐᑑᖕᒪᑦ.