ᐃᓐᖏᕈᑎᑦ 110:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᖅ ᐅᖃᒻᒪᕆᓚᐅᕐᐳᖅ, ᓴᖑᓂᐊᕋᓂᓗ, “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐃᓐᖏᕈᑎᑦ 110:4 Iomraidhean Croise

ᒨᓯᓯ ᓯᕗᓪᓖᑦ 14:18

ᒥᓪᑭᓯᑎᑦᑕᐅᖅ ᓴᓕᒥᒥ ᐊᖓᔪᖅᑳᕐᔪᐊᖑᔪᖅ ᑐᓂᓯᔭᕐᑐᓚᐅᕐᐳᖅ ᓂᐊᖂᔭᒥᒃ ᕔᓂᒥᒡᓗ; ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐹᖑᔪᒧᑦ.

ᐃᓐᖏᕈᑎᑦ 132:11

ᐊᑕᓂᖅ ᓱᓕᒻᒪᕆᒃᓗᓂ ᐊᖏᒻᒪᕆᓚᐅᕐᐳᖅ ᑍᕕᑎᒧᑦ; ᑕᒪᓐᓇᓗ ᓴᖑᓂᐊᕈᓐᓃᕐᓗᓂᐅᒃ: “ᐃᒃᓯᕙᐅᑕᕐᔪᐊᕐᓄᑦ ᑎᒥᕕᑦ ᐱᕈᕐᑎᑕᖓᓂᒃ ᐃᖏᑎᑦᓯᔪᒫᕐᐳᖓ.

ᓴᑲᕅᐊᐅᑉ ᐊᒡᓚᖏᑦ 6:13

ᑖᓐᓇ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᓴᓇᔪᒫᕐᐳᖅ, ᐊᖓᔪᖅᑳᕐᔪᐊᕐᓯᐅᑎᓂᒡᓗ ᐅᐱᒋᔭᐅᑦᔪᑎᓂᒃ ᐊᑐᕈᒫᕐᐳᖅ ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕚᕐᓗᓂ. ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒫᕐᐳᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᓂ. ᐃᓂᒋᔭᖏᒡᓗ ᑖᒃᑯᐊᒃ ᒪᕐᕉᒃ ᐱᓇᓱᐊᖃᑎᒌᑦᓯᐊᕈᒫᕐᐴᒃ.”’

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᐄᑉᕈᐃᓄᑦ 5:6

ᐊᓯᐊᓂᑦᑕᐅᖅ ᐅᖃᕐᓯᒪᒋᕗᖅ, “ᑐᓂᕐᕈᓯᕐᑎᑦᓯᔨᐅᓂᐊᕐᐳᑎᑦ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐄᑉᕈᐃᓄᑦ 6:20

ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

ᐄᑉᕈᐃᓄᑦ 7:11

ᓕᕔᑎᒃᑯᓪᓕ ᑐᓂᕐᕈᓯᕐᑎᑦᓯᔩᑦ ᐱᑦᔪᑎᒋᓪᓗᒋᑦ ᐱᖁᔧᑦ ᑐᓂᔭᐅᓚᐅᕐᐳᑦ ᐃᓴᕆᐊᓕᒥᐅᓄᑦ, ᓕᕔᑎᒃᑯᓪᓕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᓇᓱᐊᕐᓂᕆᔭᖓ ᓈᒻᒪᑦᓯᐊᓚᐅᕐᐸᑦ, ᑐᓂᕐᕈᓯᕐᑎᑦᓯᔨᒥᒃ ᑖᒃᑯᐊ ᐊᓯᖏᓐᓂᒃ ᓴᖅᑭᑦᑐᖃᕆᐊᖃᕋᔭᓚᐅᓐᖏᓚᖅ, ᒥᓪᑭᓯᑎᑐᑦ ᑍᒤᑦᑐᒥᒃ, ᐂᕉᓂᒧᑦ ᐃᓚᒋᔭᐅᖏᑦᑐᒥᒃ.

ᐄᑉᕈᐃᓄᑦ 7:17

ᐅᖃᐅᓯᐅᓯᒪᖕᒪᑦ: “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐄᑉᕈᐃᓄᑦ 7:21

ᔩᓱᓯᓕ ᑐᓂᕐᕈᓯᕐᑎᑦᓯᔨᓐᖑᓚᐅᕐᐳᖅ ᐊᖏᒻᒪᕆᖕᓂᕐᒥᒃ ᐃᓚᖃᕐᑎᓪᓗᒍ ᒎᑎᐅᑉ ᐅᖃᐅᑎᓚᐅᕐᒪᒍ: “ᐊᑕᓂᖅ ᐊᖏᒻᒪᕆᒍᑎᖃᕐᐳᖅ ᐃᓱᒪᓂᓗ ᓴᖑᑎᓐᓂᐊᕋᓂᐅᒃ: ‘ᑐᓂᕐᕈᓯᕐᑎᑦᓯᔨᐅᓂᐊᕐᐳᑎᑦ ᐃᓱᖃᖏᑦᑐᒧᑦ.’”

ᐄᑉᕈᐃᓄᑦ 7:28

ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.