ᐃᓐᖏᕈᑎᑦ 110:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 110:3 Iomraidhean Croise

ᑯᕉᓂᑲ ᓯᕗᓪᓖᑦ 16:29

ᐊᑕᓂᖅ ᑐᓂᓯᕕᒋᓯᐅᒃ ᐊᑎᖓᑕ ᓂᕐᑐᕐᓇᕐᓂᖓᓂᒃ; ᑐᓂᕐᕈᑎᒃᓴᓯ ᓇᒃᓴᕐᓗᒋᑦ, ᑖᑦᓱᒧᖓ ᐂᒋᑦᓯ, ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᑦᑑᑉ ᐱᐅᓯᑎᑦᓯᓂᖓᒍᑦ!

ᓂᕼᐃᒤᐊᐅᑉ ᐊᒡᓚᖏᑦ 11:2

ᐃᓄᐃᓪᓗ ᓮᒻᒪᕐᑎᑦᓯᓚᐅᕐᐳᑦ ᔨᕉᓴᓕᒥ ᓄᓇᖃᕈᒪᓪᓗᑎᒃ ᐃᒻᒥᖕᓂᒃ ᑐᓂᔪᓕᒫᓂᒃ.

ᐃᓐᖏᕈᑎᑦ 29:2

ᐊᑕᓂᕐᒧᑦ ᑐᓂᓯᓕᕆᑦᓯ ᐊᑎᖓᑕ ᓂᕐᑐᕐᓇᕐᓂᖓᓂᒃ; ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᑦᑐᒥᒃ ᐊᓐᓄᕌᕐᓗᓯ.

ᐃᓐᖏᕈᑎᑦ 96:9

ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᓐᓂᐅᑉ ᐱᐅᔫᓂᖓᒍᑦ; ᓄᓇᕐᔪᐊᕐᒥᐅᓕᒫᑦ ᑖᑦᓱᒥᖓ ᓯᕘᕋᔪᒃᓴᐅᕗᑦ!

ᐃᓯᑭᐊᓕᐅᑉ ᐊᒡᓚᖏᑦ 43:12

ᐅᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ; ᖃᖅᑲᐅᑉ ᖄᖓᑕ ᖃᓂᒋᔭᓕᒫᖓ ᐃᑦᔪᕐᓁᑦᑑᓂᕐᐸᐅᔪᒃᓴᐅᕗᖅ. ᑕᑯᒋᑦ, ᑕᒪᓐᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ.”

ᒤᑲᐅᑉ ᐊᒡᓚᖏᑦ 5:6

ᑖᒃᑯᐊ ᐊᓯᕈᐃᔪᒫᕐᐳᑦ ᓴᕕᒡᔪᐊᒧᑦ ᐊᓯᕆᐊᒥᐅᑦ ᓄᓇᖓᓂᒃ, ᓂᒻᒪᕌᑎᐅᑉ ᓄᓇᖁᑎᖓᑕ ᐃᑎᕐᑕᕐᕕᖏᓐᓂᒃ, ᑖᑦᓱᒪ ᓴᐳᑎᔪᒫᕐᐹᑎᒍᑦ ᐊᓯᕆᐊᒥᐅᓂᑦ, ᑖᓐᓇ ᑎᑭᑉᐸᑦ ᓄᓇᑦᑎᓐᓄᑦ ᐊᐅᓚᑦᓯᓕᕈᒫᕐᐳᖅ ᓄᓇᖁᑎᑦᑎᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:20

ᑍᒫᒃ ᐊᑕᓂᐅᑉ ᐅᖃᐅᑕᐅᓂᖓ ᐱᔪᓐᓇᕐᓂᕐᒥᒃ ᓴᖅᑭᑎᑦᓯᓪᓗᓂ ᐱᕙᓪᓕᐊᕗᖅ ᓇᒧᑐᐃᓐᓇᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:41

ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:20

ᑖᒃᑯᐊ ᑕᒪᑐᒥᖓ ᑐᓴᕋᒥᒃ, ᒎᑎ ᓂᕐᑐᕐᐹᑦ. ᐅᖃᕐᓗᑎᒃ, “ᐸᐅᓗᓰ, ᖃᐅᔨᒪᕗᑎᑦ ᔫᑎᑦ 1000ᓂᑦ ᐅᓄᕐᓂᕐᓴᒻᒪᕇᑦ ᐅᒃᐱᓕᕐᒪᑕ, ᑕᒪᕐᒥᒡᓗ ᒨᓯᓯᐅᑉ ᐱᖁᔭᖏᓐᓂᒃ ᐊᑐᕈᒪᒻᒪᕆᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:4

ᐊᒥᓱᑦ ᐅᖃᐅᓯᕐᓂᒃ ᑐᓴᕐᑐᑦ ᐅᒃᐱᓕᓚᐅᕐᐳᑦ; ᐅᒃᐱᕐᑐᓪᓗ ᐅᓄᕐᓂᖏᑦ 5,000 ᖃᓂᒋᔭᖓᓃᓕᓚᐅᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:4

ᓴᓐᖐᓐᓂᕐᒥ ᑭᑭᐊᒃᑐᕐᑕᐅᓚᐅᕐᐳᖅ, ᐆᒪᕗᕐᓕ ᒎᑎᐅᑉ ᐱᔪᓐᓇᕐᓂᖓᒍᑦ. ᑍᒫᒃᑕᐅᖅ ᑖᑦᓱᒪᓂ ᓴᓐᖐᑦᑑᕗᒍᑦ, ᒎᑎᐅᓪᓕ ᐱᔪᓐᓇᕐᓂᖓᒍᑦ ᑖᓐᓇ ᐃᓅᖃᑎᒋᓂᐊᕐᐸᕗᑦ ᐱᓇᓱᐊᓕᕈᑦᑕ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16

ᒎᑎ ᖁᔭᒋᔭᐅᓕ ᑍᑑᓯ ᐅᕙᑦᑎᑐᑦ ᐃᓗᖏᕐᓱᕐᓗᓂ ᐃᑲᔪᕈᒪᓂᕐᑖᕐᑎᓚᐅᕐᒪᒍ ᐃᓕᑦᓯᓐᓂᒃ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 5:2

ᓯᕗᓕᕐᑏᑦ ᓯᕗᓕᓚᐅᕐᐳᑦ ᐃᓴᕆᐊᓕᒥ. ᐃᓴᕆᐊᓕᒥᐅᑦ ᐅᓇᑕᕈᒪᒻᒪᕆᓚᐅᕐᐳᑦ; ᐃᕿᐊᓱᒐᑎᒃ ᐃᒻᒥᖕᓂᒃ ᑐᓂᓚᐅᕐᐳᑦ. ᐊᑕᓂᖅ ᓂᕐᑐᕐᑕᐅᓕ.

ᐃᓗᐊᕐᓮᔩᑦ ᐊᒡᓚᖏᑦ 5:9

ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ ᐊᑕᓂᖅ ᓂᕐᑐᕐᑕᐅᓕ!