4 ᓇᒡᓕᒋᔭᒃᑲ ᐅᕙᓐᓂᒃ ᐊᑭᓖᕗᑦ ᐊᑭᕋᕐᑐᕐᓂᕐᒥᒃ, ᐅᕙᖓᓕ ᑐᒃᓯᐅᑎᕙᒃᑲ.
ᐊᖓᔪᖅᑳᕐᔪᐊᕐᓕ ᑍᕕᑎ ᒪᓂᒍᕋᒥ ᐋᒻᓇᐅᑉ ᑐᖁᓂᕆᓚᐅᕐᑕᖓᓂᒃ, ᖃᐅᔨᒪᓕᕐᓗᓂᓗ ᑐᖁᖓᓕᕐᒪᑦ, ᐃᕐᓂᕐᒥᓄᑦ ᐋᑉᓴᓚᒻᒧᑦ ᑭᐱᓂᐊᖔᓕᓚᐅᕆᕗᖅ.
ᕼᐊᓄᓂᐅᑉ ᑕᕝᕙ ᑎᒍᔭᐅᑎᑉᐰᑦ ᑍᕕᑎᐅᑉ ᐅᖃᕆᐊᕐᑐᕐᑎᑕᖏᑦ, ᐅᓐᖏᔭᕐᑕᐅᑎᑉᐰᑦ, ᐊᓐᓄᕌᖏᓪᓗ ᕿᑎᖓᒍᑦ ᓇᑲᑉᐰᑦ ᒪᑭᓯᖏᓐᓄᑦ ᑎᑭᓪᓗᒋᑦ, ᐊᐅᓪᓚᕐᑎᓪᓗᒋᓪᓗ;
ᐱᐅᖏᑦᑐᐊᓗᖕᓂᒡᓗ ᐊᑭᓕᕐᐰᑦ ᐱᓂᐊᕐᓂᒃᑲ ᐱᐅᔪᑦ, ᑕᕐᓂᕋᓗ ᖁᕕᐊᓱᓐᖏᑎᑉᐹᑦ.
ᐱᑦᔪᑎᖃᕋᑎᒃ ᓄᓗᐊᓂᒃ ᐃᔨᕐᓯᓯᒪᖕᒪᑕ ᐃᑎᕐᓴᒥ ᓄᓗᐊᕐᑎᑦᓱᒪᓪᓗᖓ, ᐱᑦᔪᑎᒃᓴᖃᕋᑎᒡᓗ ᐃᑎᕐᓴᓕᐅᓚᐅᕐᐳᑦ ᑐᖁᑦᓱᒪᓪᓗᖓ.
ᐱᐅᖏᑦᑐᒧᓪᓗ ᐊᑭᓂᐊᕐᐸᒃᑐᑦ ᐅᕙᓐᓂᒃ ᐱᐅᔪᒥᒃ ᐱᓇᓱᐊᕐᑎᓪᓗᖓ ᐅᖃᕐᓂᕐᓘᑎᒋᕚᖓ ᐱᐅᔪᓂᒃ ᐱᓇᓱᐊᕐᓂᕋ ᐱᓪᓗᒍ.
ᐃᓄᒃ ᐱᐅᔪᒥᒃ ᐱᐅᖏᑦᑐᓐᖑᕐᑎᑦᓯᓇᓱᐊᕐᑑᑉ, ᐃᒡᓗᖓ ᐱᐅᖏᑦᑐᒧᑦ ᕿᒪᒃᑕᐅᓂᐊᓐᖏᓚᖅ.
ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.
ᔩᓱᓯ ᐅᖃᕐᐳᖅ, “ᐊᑖᑖᒃ, ᐃᓱᒪᒋᔪᓐᓁᕐᕕᒋᒃᑭᑦ; ᖃᓄᐃᓕᐅᕐᓂᕐᒥᖕᓂᒃ ᖃᐅᔨᒪᖏᒻᒪᑕ.” ᔩᓱᓯᐅᑉ ᐊᓐᓄᕌᖏᑦ ᓇᓚᐅᑖᕈᑎᒋᓪᓗᒋᑦ ᐊᑐᓂᑦ ᐱᑖᕋᓱᐊᕐᐳᑦ.
ᔩᓱᓯᐅᑉ ᐅᖃᐅᑎᕔᑦ, “ᐱᓂᐊᑦᓯᐊᕐᓂᕐᓂᒃ ᐊᒥᓱᓂᒃ ᐃᓕᑦᓯᓐᓄᑦ ᐱᓇᓱᐊᓚᐅᕐᐳᖓ ᐊᑖᑕᒥᑦ ᐱᔪᓂᒃ; ᐱᓂᐊᕐᓃᑦ ᑕᒪᒃᑯᐊ ᓇᓪᓕᐊᑦ ᐱᓪᓗᒋᑦ ᒥᓪᓗᕈᒪᕕᓯᓐᖔ?”
ᖁᕕᐊᓱᒃᑲᔭᕐᐳᖓ ᓇᖕᒥᓂᖅ ᑐᓂᑦᔪᑎᒋᒍᒪ ᓱᓇᓕᒫᓐᓂᒡᓗ ᑕᕐᓂᓯ ᐱᑦᔪᑎᒋᓗᒋᑦ. ᓇᒡᓕᒋᖏᓐᓂᕐᓴᕆᒐᔭᕐᐱᓯᓐᖔ? ᓇᒡᓕᒋᓂᕐᓴᕆᒍᑦᓯ.
