ᐃᓐᖏᕈᑎᑦ 109:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᐅᖏᑦᑐᑦ ᓴᒡᓗᑐᔪᓪᓗ ᐅᕙᓐᓂᒃ ᐅᖃᐅᓯᖃᕐᐳᑦ ᐊᑭᕋᕐᑐᕐᓗᖓ; ᓴᒡᓗᑎᖃᕐᓗᑎᒃ ᐅᕙᓐᓂᒃ ᐅᖃᐅᓯᖃᕐᐳᑦ.

ᐃᓐᖏᕈᑎᑦ 109:2 Iomraidhean Croise

ᒨᓯᓯ ᓯᕗᓪᓖᑦ 40:15

ᐄᑉᕈᐃᑦ ᓄᓇᖓᓂᑦ ᑎᒡᓕᒐᕆᔭᐅᓪᓗᖓ ᐊᐅᓪᓚᕈᑦᔭᐅᓚᐅᕋᒪ; ᐊᒻᒪᑦᑕᐅᖅ ᑎᒍᔭᐅᑦᔪᑎᒃᓴᒥᒃ ᐱᓚᐅᕐᑎᓐᓇᖓ ᐅᕗᖓ ᑎᒍᔭᐅᓯᒪᕕᖕᒧᐊᕐᑕᐅᓯᒪᓪᓗᖓ.”

ᓴᒧᐃᓕ ᐂᑉᐸᖏᑦ 17:1

ᐊᑯᓂᐅᖏᑦᑐᖅ ᑕᒪᑐᒪ ᑭᖑᓂᐊᒍᑦ, ᐊᕼᐃᑐᐱᓕ ᐅᖃᕐᐳᖅ ᐋᑉᓴᓚᒻᒧᑦ, “ᓂᕈᐊᕐᑎᓚᐅᓐᖓ ᐊᖑᑎᓂᒃ 12,000ᓂᒃ, ᐅᓐᓄᒃ ᒪᓕᒃᓴᕆᐊᕐᓂᐊᕋᑦᑕ ᑍᕕᑎᒥᒃ.

ᐃᓐᖏᕈᑎᑦ 140:3

ᐅᖃᑎᒃ ᐃᐱᒃᓯᑎᑉᐰᑦ ᖁᒡᓗᒋᐊᑎᑐᑦ, ᖃᓂᖏᑕᓗ ᐃᓗᐊᓂ ᑐᖁᓐᓇᕐᑐᖃᕐᐳᑦ ᖁᒡᓗᒋᐊᑎᑐᑦ. ᓰᓚ

ᐃᓐᖏᕈᑎᑦ 31:13

ᐅᓄᕐᑐᑦ ᐅᖃᕐᓂᕐᓘᑎᖃᕐᑐᑦ ᑐᓵᕙᒃᑲ; ᑲᑉᐱᐊᓇᕐᑐᑦ ᐊᕙᑎᓐᓃᑉᐳᑦ; ᑲᑎᒪᖃᑎᒌᒃᑎᓪᓗᒋᑦ ᐱᑦᔪᑎᒋᓪᓗᖓ, ᐃᓱᒪᓕᐅᖃᑎᒌᒃᐳᓪᓗ ᐃᓅᓯᕋ ᐃᓱᓕᑎᑦᓱᒪᓪᓗᒍ.

ᐃᓐᖏᕈᑎᑦ 31:18

ᖃᓂᖏᑦ ᓴᒡᓗᑐᔪᑦ ᓂᐰᕐᓕᑦ, ᐱᐅᔪᕆᓂᕐᒧᑦ ᐃᓕᕋᓇᕈᒪᓂᕐᒧᓪᓗ ᓂᓪᓕᐊᔪᑦ ᓇᓛᒎᕐᑐᑦ ᒥᑕᐅᑎᖃᕐᓗᑎᒃ.

ᐃᓐᖏᕈᑎᑦ 52:4

ᐅᖃᐅᓰᑦ ᐋᓐᓂᕐᓇᕐᑐᑦ ᖁᕕᐊᒋᕙᑎᑦ, ᐅᖃᖃᕐᐳᑎᑦ ᐅᐃᕕᕆᒃᓯᔪᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:19

ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ, ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:28

ᐃᓱᐊᕐᑐᑦ ᐃᓱᒪᒃᓴᕐᓯᐅᖅᑳᕐᐳᖅ ᑭᐅᑦᔪᑎᒋᓂᐊᕐᑕᒥᓂᒃ, ᐱᐅᖏᑦᑐᓪᓕ ᖃᓂᖏᑦ ᐊᓂᑎᑦᓯᕗᑦ ᐱᐅᖏᑦᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:13

ᑎᒍᔭᐅᑎᑦᓯᔪᑦ ᑲᑎᒪᔨᕐᔪᐊᓄᐊᕐᑎᑦᓯᕗᑦ ᐊᖑᑎᓂᒃ ᓯᑎᐹᓇᓯᒥᒃ ᓴᒡᓗᑎᖃᕐᓂᐊᕐᑐᓂᒃ, ᐅᖃᕐᓗᑎᒃ, “ᐅᓇ ᐊᖑᑦ ᐊᑭᕋᕐᑐᕐᓗᓂ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᑦᔪᕐᓁᑦᑐᒥᒃ ᒨᓯᓯᐅᓪᓗ ᐱᖁᔭᖏᓐᓂᒃ ᐅᖃᐅᓯᖃᖃᑦᑕᕐᑐᖅ;