1 ᒎᑏ ᓂᕐᑐᕐᐸᒋᑦ; ᑍᒤᒻᒪᑦ ᓂᐰᑦᑑᓂᐊᕐᓇᒃ!
ᐃᕝᕕᑦ ᒎᑎᒋᕙᒋᑦ, ᖁᔭᒋᓂᐊᕐᐸᒋᓪᓗ; ᐃᕝᕕᑦ ᒎᑎᒋᕙᒋᑦ, ᐊᖏᔪᕈᕐᑎᓐᓂᐊᕐᐸᒋᓪᓗ.
ᐃᓕᖕᓄᑦ ᓂᓪᓕᐊᕗᖓ, ᐊᑕᓃᖅ ᕾᕐᑐᕆᒐᒃᑭᑦ; ᓂᓪᓕᕐᑍᓕᕝᕕᒋᓂᐊᕐᓇᖓ ᓂᓪᓕᕐᑍᓕᒍᕕᑦ ᐅᕙᓐᓄᑦ, ᑍᒃᑯᐊ ᐃᑎᕐᓵᓗᖕᒧᑦ ᑲᑕᒃᑐᑦ ᐊᑦᔨᒋᓂᐊᕐᐸᒃᑲ.
ᒎᑏ, ᓂᐰᑦᑑᓂᐊᕐᓇᒃ; ᓱᖁᑎᒃᓴᖏᑦᑑᖏᓪᓗᑎᑦ ᓄᖅᑲᖓᑐᐃᓐᓇᕐᓂᐊᕐᓇᒃ, ᒎᑏᒃ!
ᑕᑯᒋᑦ, ᐊᑭᕋᕐᑐᕐᑎᑎᑦ ᐊᑐᐃᓐᓇᕈᕐᑎᓕᕐᐳᑦ; ᐃᓕᖕᓂᒡᓗ ᐆᒥᓱᒃᑐᑦ ᐸᕐᓇᓕᕐᐳᑦ ᐃᓱᒪᒃᓴᕐᓯᐅᓕᕐᓗᑎᒃ.
ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.
“ᐊᑯᓂ ᓂᐱᖃᓚᐅᓐᖏᓚᖓ, ᓄᖅᑲᖓᓚᐅᕐᐳᖓ ᐅᕙᓐᓂᒃ ᓄᖅᑲᖓᑎᓐᓇᓱᒃᓗᖓ; ᒫᓐᓇᓕ ᓂᐱᖅᑯᕐᑐᓗᖓ ᓂᓪᓕᐊᔪᒪᓕᕐᐳᖓ ᐊᕐᓇᑐᑦ ᐃᕐᓂᓱᖕᓂᕐᒧᑦ ᓂᓪᓕᐊᔪᑐᑦ, ᐊᒃᓱᕈᕐᓂᕐᒧᓪᓗ ᐃᐱᓂᐊᕐᓗᖓ.
ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.
ᓂᕐᑐᒐᒃᓴᕆᕙᓯ ᒎᑎᒋᒐᑦᓯᐅᒃ, ᓇᖕᒥᓂᖅ ᑕᑯᓯᒪᒐᑦᓯ ᑖᑦᓱᒪ ᐊᔪᖏᑦᑐᐊᓘᓂᖓᓂᒃ ᑲᒪᓇᕐᑐᕐᔪᐊᖑᓂᖓᓂᒡᓗ ᐃᓕᑦᓯ ᐱᑦᔪᑎᒋᓪᓗᓯ.
