ᐃᓐᖏᕈᑎᑦ 108:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒎᑏ, ᐅᕙᑦᑎᓐᓂᒃ ᖁᔭᓈᕐᓯᕖᑦ? ᒎᑏ, ᐃᓚᒋᓂᐊᓐᖏᓚᑦᑎᒎᑦ ᐊᑭᕋᑦᑎᓐᓄᐊᓕᕐᑎᓪᓗᑕ?

ᐃᓐᖏᕈᑎᑦ 108:11 Iomraidhean Croise

ᑯᕉᓂᑲ ᐂᑉᐸᖏᑦ 13:12

ᑕᑯᒋᑦ, ᒎᑎᐅᑉ ᐃᓚᒋᕚᑎᒍᑦ ᓂᐊᖁᕆᒐᑦᑎᒍ, ᑐᓂᕐᕈᓯᕐᑎᑦᓯᔨᖏᓪᓗ ᑎᑦᑐᓚᐅᑎᓄᑦ ᓂᓪᓕᕐᑎᑦᓯᕗᑦ ᐅᓇᑕᕆᐊᕐᑐᕐᓯᐅᒻᒥᒃ ᐃᓕᑦᓯᓐᓄᑦ. ᐃᓴᕆᐊᓕᐅᑉ ᑭᖑᕚᖏᑦ, ᐊᑕᓂᕐᒥᒃ ᐅᓇᑕᕐᑍᓕᒋᑦᓯ, ᓯᕗᓕᑦᓯ ᒎᑎᖓᓂᒃ; ᓵᓚᖃᕐᓂᐊᖏᓐᓇᑦᓯ.”

ᑯᕉᓂᑲ ᐂᑉᐸᖏᑦ 14:11

ᐂᓴᓗ ᑐᒃᓯᐊᕐᐳᖅ ᐊᑕᓂᕐᒧᑦ ᒎᑎᒥᓄᑦ, ᐅᖃᓪᓗᓂ, “ᐊᑕᓃᖅ, ᐊᑦᔨᖃᓐᖏᓚᑎᑦ ᐃᑲᔪᕈᓐᓇᕐᑐᒥᒃ, ᓴᓐᖏᔪᓂᒃ ᓴᓐᖐᑦᑐᓂᒡᓗ. ᐊᑕᓃᖅ ᒎᑎᕗᑦ ᐃᑲᔪᓚᐅᕐᑎᒍᑦ, ᐃᓕᖕᓂᒃ ᑕᑎᖃᕋᑦᑕ, ᑕᒪᐅᓐᖓᕐᐳᒍᑦ ᐱᔪᓐᓇᕐᓂᕐᓄᑦ ᐅᓇᑕᕆᐊᕐᓗᑕ ᐅᓄᕐᑐᕐᔪᐊᓄᑦ. ᐊᑕᓃᖅ ᒎᑎᒋᒐᑦᑎᒋᑦ; ᐃᓄᖕᒧᑦ ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᖏᑦᑐᑎᑦ.”

ᑯᕉᓂᑲ ᐂᑉᐸᖏᑦ 20:15

ᐅᖃᕐᐳᕐᓗ, “ᓈᓚᒋᑦᓯ, ᔫᑕᒥᐅᓕᒫᑦ ᔨᕉᓴᓕᒥᐅᓕᒫᓪᓗ, ᐊᖓᔪᖅᑳᕐᔪᐊᕐᓗ ᔨᕼᐆᓴᐸᑦ: ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ, ‘ᑲᑉᐱᐊᓱᖏᓪᓗᓯ, ᓴᐱᖏᓪᓗᓯᓗ ᐃᓄᒋᐊᒃᑐᕐᔪᐊᓂᒃ; ᐃᓕᑦᓯ ᑕᒪᓐᓇ ᐅᓇᑕᕐᓂᕆᖏᓐᓇᑦᓯᐅᒃ, ᒎᑎᐅᓪᓕ.

ᐃᓐᖏᕈᑎᑦ 44:9

ᑭᓯᐊᓂ ᓇᕐᕈᒋᓯᒪᒐᑦᑎᒍᑦ, ᑲᓐᖑᓇᕐᑐᒦᑎᓪᓗᑕᓗ, ᐅᓇᑕᕐᑐᒃᓴᖁᑎᕗᓪᓗ ᐅᓇᑕᕆᐊᕌᖓᑕ ᐃᓚᒋᓐᖏᓚᑎᑦ.

ᒨᓯᓯ ᓯᑕᒪᖏᑦ 10:9

“ᐅᓇᑕᕆᐊᕐᑐᓕᕈᑦᓯᓕ ᓄᓇᑦᓯᓐᓂ ᐊᑭᕋᕐᑐᕐᑎᓯ ᐊᑭᕋᕐᑐᕐᓗᒋᑦ, ᓂᓪᓕᐊᑎᑦᓯᔭᕆᐊᖃᕐᐳᓯ ᑎᑦᑐᓚᐅᑎᓂᒃ, ᐃᖅᑲᐅᒪᔭᐅᓂᐊᕐᐳᓯᓗ ᐊᑕᓂᐅᑉ ᒎᑎᑦᓯ ᓵᖓᓂ, ᓴᐳᑎᔭᐅᓗᓯᓗ ᐊᑭᕋᑦᓯᓐᓂᑦ.

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”