7 ᓱᐊᒃᑲᕕᒋᑦ ᑕᕝᕙ ᕿᒫᕗᑦ; ᑲᓪᓗᖁᑎᕕᑦ ᓂᐱᖓᓄᑦ ᐅᐃᒪᔮᕐᓗᑎᒃ ᕿᒪᒃᓯᕗᑦ.
ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.
ᐃᒪᖅ ᐊᐅᐸᓗᒃᑕᖅ ᐅᖃᐅᑎᖕᒪᒍ, ᑕᕝᕙ ᐃᒤᕈᑎᕗᖅ; ᑕᓯᐅᓚᐅᕐᐰᑦ ᐃᑎᔪᕐᔪᐊᒃᑯᑦ, ᓲᕐᓗ ᓄᓇᒃᑯᑦ ᓴᓗᐊᒪᔪᒃᑯᑦ.
ᐃᒪᕐᔪᐊᓪᓗ ᐃᖏᕐᕋᓂᖏᑕ ᐊᖅᑯᑎᖏᑦ ᑕᑯᒃᓴᐅᓚᐅᕐᐳᑦ, ᓄᓇᕐᔪᐊᓪᓗ ᑐᓐᖓᕕᖏᑦ ᓴᖅᑭᑎᓚᐅᕐᐰᑦ, ᐊᑕᓃᖅ ᓱᐊᖕᓂᕐᓄᑦ, ᓱᕐᓗᒃᐱᓪᓗ ᐊᓂᕐᓂᖓᑕ ᓱᐱᓂᖏᖕᓄᑦ.
ᐃᒃᑐᓚᐅᖁᑎᕕᑦ ᓂᐱᖓ ᐊᓄᕆᒥ ᐅᓚᔪᔨᕋᕐᒦᑉᐳᖅ; ᖃᐅᒻᒪᓪᓛᔪᖁᑎᕕᓪᓗ ᓄᓇᕐᔪᐊᖅ ᖃᐅᒻᒪᒃᑎᑉᐹᑦ; ᑕᕝᕙ ᓄᓇᕐᔪᐊᖅ ᓴᔪᓕᕐᐳᖅ ᐊᐅᓚᓕᕐᓗᓂᓗ.
ᓄᕗᔭᓪᓗ ᐃᓂᒃᓴᖏᓐᓅᖅᑲᓕᕐᑎᓪᓗᓂᒋᑦ ᕿᓚᖕᒥ, ᐃᒪᕐᔪᐊᒥᓗ ᐃᑎᔪᒥ ᑯᕖᓐᓇᕐᑐᑦ ᓴᖅᑭᑎᓕᕐᑎᓪᓗᓂᒋᑦ.
ᑐᐸᒐᒥ ᐊᓄᕆ ᐃᓂᕐᑎᕐᐹ, ᐃᒪᕐᒧᑦ ᐅᖃᕐᐳᖅ, “ᐃᑯᓪᓚᕐᓗᑎᑦ ᓄᖅᑲᕆᑦ!” ᐊᓄᕆ ᐃᑯᓪᓚᕐᐳᖅ, ᐃᒪᖅ ᐃᑯᓪᓕᐊᒻᒪᕆᓕᕐᓗᓂ.
