5 ᓄᓇᕐᔪᐊᖅ ᐃᓕᓚᐅᕐᐸᑦ ᑐᓐᖓᕕᒃᓴᖏᓐᓄᑦ, ᐊᐅᓚᑦᔭᒃᑕᐅᖁᓇᒍ ᐃᓱᖃᖏᑦᑐᒧᑦ.
ᑖᑦᓱᒪ ᐅᓐᓄᐊᓪᓗᐊᖅ ᐃᓯᕕᑉᐹ ᓱᓇᖃᖏᑦᑐᒥ, ᓄᓇᕐᔪᐊᕐᓗ ᓂᕕᓐᖓᕐᑎᑉᐹ ᐱᑕᖃᖏᑦᑐᒧᑦ.
ᓱᖁᓯᔪᐃᑦᑑᓃᑦ ᑭᖑᕚᕇᓕᒫᓄᑦ ᑐᕌᕐᐳᖅ; ᓄᓇᕐᔪᐊᖅ ᐋᖅᑭᓚᐅᕋᕕᐅᒃ, ᑕᕝᕙᓃᖏᓐᓇᓕᕐᐳᖅ ᓱᖁᓯᓚᐅᕋᓂ.
ᓄᓇᒥᒃ ᐃᓯᕕᑎᑦᓯᓚᐅᕐᑐᖅ ᐃᒪᐅᑉ ᖄᖓᓄᑦ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;
ᐃᒪᕐᔪᐃᑦ ᖄᖓᓂ ᑐᓐᖓᕕᒃᑖᕐᑎᓚᐅᕐᒪᒍ ᐃᓂᑖᕐᑎᓚᐅᕐᐹᓗ ᐃᖏᕐᕋᓂᕐᔪᐃᑦ ᖄᖏᓐᓄᑦ.
ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.
ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.
ᔫᑎᐅᖏᑦᑐᓄᑦ ᐅᖃᕆᑦᓯ, “ᐊᑕᓂᖅ ᐊᖓᔪᖅᑳᕐᔪᐊᖑᕗᖅ! ᐄᓛᒃ, ᓄᓇᕐᔪᐊᖅ ᐊᐅᓚᖏᑦᑐᒥᒃ ᐋᖅᑭᒃᑕᐅᓯᒪᕗᖅ, ᐊᐅᓚᑦᔭᒃᑕᐅᔪᓐᓇᕋᓂᓗ; ᑖᑦᓱᒪ ᐃᓅᖃᑎᒌᒡᔪᐊᑦ ᐋᖅᑭᒃᓱᕐᓂᐊᕐᐰᑦ ᓈᒻᒪᓈᕐᑐᒥᒃ.”
ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ, ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ, ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.
ᑭᖑᕚᕆᑦ ᐊᓂᒍᕐᐸᓪᓕᐊᕗᑦ, ᐊᒻᒪ ᑭᖑᕚᕆᑦ ᐊᓯᖏᑦ ᑭᖑᕝᕕᐅᑎᒋᕗᑦ; ᓄᓇᓕ ᓱᖁᓯᕈᓐᓇᓐᖏᓚᖅ ᐃᓱᖃᖏᑦᑐᒧᑦ.
ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ.
ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.
ᓄᓇᕐᔪᐊᓪᓗ ᓯᓚᖓ ᐲᕐᑕᐅᕗᖅ ᑎᑎᖅᑲᑎᑐᑦ ᐃᒧᔭᐅᔪᑎᑐᑦ, ᖃᖅᑲᓕᒫᓪᓗ ᕿᑭᕐᑕᓕᒫᓪᓗ ᐃᓂᒥᖕᓂᑦ ᐲᕐᑕᐅᕗᑦ.
ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.
