2 ᑕᕐᓃᖅ, ᐊᑕᓂᖅ ᓂᕐᑐᕈᒃ, ᐳᐃᒍᕐᓂᐊᕐᓇᒡᓗ ᑖᑦᓱᒧᖓ ᐱᑦᓯᐊᕐᕕᐅᓯᒪᓂᕐᓂᒃ:
ᕼᐃᓯᑬᐊᓕ ᖃᕿᐊᓕᓚᐅᓐᖏᓚᖅ ᑍᒫᑎᒋ ᐱᑦᓯᐊᕐᕕᐅᒐᓗᐊᕋᒥ, ᐆᒻᒪᑎᖓ ᐱᐅᔪᕆᓕᓚᐅᕐᒪᑦ. ᑍᒤᒻᒪᑦ ᓂᓐᖓᐅᓯᕐᒧᑦ ᑎᑭᑕᐅᓚᐅᕐᐳᖅ ᔫᑕᓗ ᔨᕉᓴᓕᓗ ᐱᖃᓯᐅᑎᓪᓗᒋᒃ.
ᑲᒪᓇᕐᑐᓕᓃᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᐃᖅᑲᐅᒪᓯᒋᒃ, ᓇᓗᓁᒃᑯᑕᖏᑦ ᐋᖅᑭᒃᓱᐃᓂᕆᖃᑦᑕᓚᐅᕐᑕᖏᓪᓗ ᐅᖃᐅᓯᕐᒥᒍᑦ,
ᒎᑎ ᐱᐅᓕᔨᒋᓚᐅᕐᑕᑎᒃ ᐳᐃᒍᓚᐅᕐᐹᑦ, ᐊᖏᔪᕐᔪᐊᕌᓗᖕᒥᒃ ᐄᑦᔨᑉᑎᒥ ᐱᓇᓱᐊᓚᐅᕐᑐᖅ.
ᓯᕗᓕᕆᓚᐅᕐᑕᕗᑦ ᑐᑭᓯᓚᐅᓐᖏᓚᑦ ᐄᑦᔨᑉᑎᒥ ᑲᒪᓇᕐᑐᓕᓂᕆᓚᐅᕐᑕᕐᓂᒃ; ᐃᖅᑲᐅᒪᓚᐅᓐᖏᓚᑦ ᓇᒡᓕᒍᓱᖕᓂᕐᓄᑦ ᐱᓂᐊᕐᓂᕆᖃᑦᑕᓚᐅᕐᑕᕐᓂᒃ; ᐊᑭᕋᕐᑐᓚᐅᕐᐳᓪᓕ ᖁᑦᓯᖕᓂᕐᐹᖑᔪᒥᒃ ᐃᒪᕐᒥ ᐊᐅᐸᓗᒃᑕᒥ.
ᖃᓄᕐᓕ ᐊᑕᓂᖅ ᐅᑎᕐᑎᑦᓯᕕᒋᔪᓐᓇᕐᐸᕌ? ᑕᒤᓐᓂᒃ ᐱᕙᓪᓕᐅᑎᒃᓴᓐᓄᑦ ᐱᓇᓱᐊᕐᓯᒪᓂᖓᓄᑦ?
ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”
ᐊᑕᓂᐅᑉ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐅᓂᒃᑲᐅᓯᕆᔪᒪᕙᕋ, ᐊᑕᓂᐅᓪᓗ ᓂᕐᑐᕐᓇᕐᓂᖓ, ᐊᑕᓂᐅᓪᓗ ᐱᓂᐊᕐᓂᕆᓯᒪᔭᓕᒫᖏᑦ ᐅᕙᑦᑎᓐᓄᑦ, ᐱᑦᓯᐊᕐᓂᕆᖃᑦᑕᕐᓯᒪᔭᖏᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᖏᓐᓄᑦ ᐱᓂᐊᕐᓂᕆᕙᓚᐅᕐᑕᖏᑦ ᑖᒃᑯᓂᖓ ᓂᑲᒍᓱᖕᓂᕐᒥᓄᑦ.
ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.
ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?
ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.
ᓯᕗᓕᕐᑏᑦ ᓯᕗᓕᓚᐅᕐᐳᑦ ᐃᓴᕆᐊᓕᒥ. ᐃᓴᕆᐊᓕᒥᐅᑦ ᐅᓇᑕᕈᒪᒻᒪᕆᓚᐅᕐᐳᑦ; ᐃᕿᐊᓱᒐᑎᒃ ᐃᒻᒥᖕᓂᒃ ᑐᓂᓚᐅᕐᐳᑦ. ᐊᑕᓂᖅ ᓂᕐᑐᕐᑕᐅᓕ.
ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ ᐊᑕᓂᖅ ᓂᕐᑐᕐᑕᐅᓕ!
