3 ᐅᓪᓗᒃᑲ ᓄᖑᑉᐸᓪᓕᐊᕗᑦ ᐳᔪᕐᑎᑐᑦ, ᓴᐅᓂᒃᑲᓗ ᐆᓇᕐᓯᕗᑦ ᐃᑯᐊᓚᔪᑎᑐᑦ.
ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ, ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.
ᕔᓂᖃᐅᑎᑐᑦ ᕿᓯᒃᑐᑦ ᐳᔪᕐᒧᑦ ᐃᕿᑎᑕᐅᔪᑎᑐᑦ ᑍᒤᓕᕐᐳᖓ; ᑭᓯᐊᓂᓕ ᐊᑐᕐᑕᐅᖁᔭᑎᑦ ᓱᓕ ᐳᐃᒍᓐᖏᓚᒃᑲ.
ᑮᓁᑦ ᐊᓚᐅᒪᑎᓐᓂᐊᕐᓇᒍ ᐅᕙᓐᓂᑦ! ᐱᔩᑦ ᐊᔭᒃᑐᕐᓂᐊᕐᓇᒍ ᓂᓐᖓᐅᒪᓂᕐᒧᑦ; ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ. ᓇᕐᕈᒋᓕᕐᓂᐊᕐᓇᖓ, ᕿᒪᖕᓂᐊᕐᓇᖓᓗ, ᒎᑏᒃ ᐱᐅᓕᔨᒋᒐᒃᑭᑦ!
ᐃᓅᓯᕋ ᓄᖑᑕᐅᓕᕐᐳᖅ ᐃᓱᒪᔮᕐᓂᕐᒧᑦ; ᐊᕐᕌᒍᒃᑲᓗᑦᑕᐅᖅ ᐊᓂᕐᓴᐅᒥᓂᕐᒧᑦ; ᓄᑭᖏᕈᑎᕗᖓ ᐊᔪᕐᑐᓕᓂᒃᑲ ᐱᑦᔪᑎᒋᓪᓗᒋᑦ, ᓴᐅᓂᒃᑲᓘᓐᓃᑦ ᓴᓐᖐᑦᑑᓕᕐᐳᑦ.
ᕾᕐᑐᕆᒐᒃᑭᑦ ᐃᒡᓗᕐᔪᐊᑐᑦ ᐊᐅᓚᔪᐃᑦᑐᑐᑦ; ᑍᒤᒻᒪᑦ ᐊᑏᑦ ᐱᑦᔪᑎᒋᓗᒍ, ᑕᓯᐅᕐᓗᖓᓗ ᓯᕗᓕᕐᑎᒋᓚᐅᕐᓚᒋᑦ.
ᐱᐅᖏᑦᑐᓕᔪᓪᓕ ᐊᓯᕈᕈᒫᕐᐳᑦ; ᐊᑕᓂᐅᓪᓗ ᐊᑭᕋᕐᑐᕐᑎᖏᑦ ᐊᓯᕈᕈᒫᕆᕗᑦ.
ᐅᕕᓂᒐ ᖃᓄᐃᖏᑦᑐᖃᓐᖏᓚᖅ, ᓂᓐᖓᐅᒪᓃᑦ ᐱᑦᔪᑎᒋᓪᓗᒍ; ᓴᐅᓂᒃᑲᓗ ᖃᓄᐃᖏᑦᑑᓐᖏᓚᑦ, ᐊᔪᕐᓂᒃᑲ ᐱᑦᔪᑎᒋᓪᓗᒋᑦ.
ᖁᑦᓯᒃᑐᒥᑦ ᐃᑯᒪᒥᒃ ᑎᑭᑎᑦᓯᕗᖅ ᐃᑯᐊᓚᔪᒥᒃ, ᓴᐅᓂᒃᑲ ᑎᑭᓪᓗᒋᑦ, ᒎᑎ ᓂᒐᕐᕕᒃᓴᓂᒃ ᐋᖅᑭᒃᓯᕗᖅ, ᓂᒐᕋᒪᓗ ᐅᑎᕆᐊᕐᑎᑉᐹᖓ, ᓱᓁᕈᑎᓪᓗᓂᖓ ᓄᑭᖃᕈᓐᓁᕐᑎᑉᐹᖓ ᐅᓪᓗᓕᒫᖅ.
ᐅᕕᓂᒐᓗ ᑎᒥᓕᒫᕋᓗ ᐃᓄᑐᖃᕐᑎᑐᑦ ᑕᐅᑦᑐᖃᓕᕐᑎᑉᐹ ᓴᐅᓂᒃᑲᓗ ᓇᒡᒍᕐᓗᒋᑦ.
ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ.
