22 ᐃᓄᐃᑦ ᑲᑎᖃᑎᒌᒃᐸᑕ, ᐊᖓᔪᖅᑲᐅᕖᓪᓗ, ᑐᒃᓯᐊᕆᐊᕐᑐᕐᓗᑎᒃ ᐊᑕᓂᕐᒧᑦ.
ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.
ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.
ᐅᐊᑦᓯᔨᓯᓗ ᖁᕕᐊᓱᒡᓗᑎᒃ ᕾᒐᓛᓕᕈᒫᕐᐳᑦ, ᐃᓐᖏᕐᓯᓗᑎᒃ ᐊᑕᐅᑦᓯᒃᑯᑦ; ᓇᖕᒥᓂᖅ ᑕᑯᓕᕈᓂᑦᔪᒃ ᐊᑕᓂᖅ ᐅᑎᕐᑎᓪᓗᒍ ᓮᐅᓂᒧᑦ.
ᐊᑕᐅᑦᓯᒃᑯᑦ ᐃᓐᖏᓕᕆᑦᓯ ᖁᕕᐊᓱᖕᓂᕐᒧᑦ, ᓯᖁᒥᓯᒪᔪᓯ ᔨᕉᓴᓕᒻ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᓴᕐᒪᒋᑦ, ᔨᕉᓴᓕᒻᓗ ᓂᐅᕕᐊᕆᓪᓗᒍ ᐅᑎᕐᑎᒻᒪᒍ.
ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”
ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.
