ᐃᓐᖏᕈᑎᑦ 101:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᓪᓛᑕᒫᑦ ᐱᐅᖏᑦᑐᓕᒫᑦ ᓄᓇᒥ ᓄᖑᓐᓂᐊᕐᐸᒃᑲ, ᓄᖅᑲᕐᑎᓐᓂᐊᕐᐸᒃᑲ ᐱᐅᖏᑦᑐᓕᔪᓕᒫᑦ ᐊᑕᓂᐅᑉ ᐃᒡᓗᒐᓴᖏᓐᓂ.

ᐃᓐᖏᕈᑎᑦ 101:8 Iomraidhean Croise

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᐃᓐᖏᕈᑎᑦ 48:2

ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ, ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ, ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ, ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.

ᐃᓐᖏᕈᑎᑦ 48:8

ᑐᓴᓚᐅᕐᐳᒍᑦ, ᑕᑯᓚᐅᕆᓪᓗᑕᓗ ᐊᑕᓂᐅᑉ ᐊᔪᒐᖃᖏᑦᑑᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂᒃ: ᒎᑎᐅᑉ ᓴᐳᑎᓯᒤᓐᓇᕐᓂᐊᕐᐰᑦ ᐃᓱᖃᖏᑦᑐᒧᑦ. ᓰᓚ

ᐃᓐᖏᕈᑎᑦ 75:10

ᐱᐅᖏᑦᑐᓕᔪᑦ ᓇᒡᔪᓕᒫᖏᑦ ᓇᑲᑎᕈᒫᕐᐰᑦ, ᐃᓱᐊᕐᑐᓕᔪᓪᓕ ᓇᒡᔪᖏᑦ ᐊᖏᔪᕈᕐᑎᑕᐅᔪᒫᕐᐳᑦ.

ᐃᓐᖏᕈᑎᑦ 92:10

ᓇᒡᔪᒐᓕ ᐊᖏᔪᕈᕐᑎᓚᐅᕐᐸᑦ ᐃᒻᒧᒃᓯᐅᒐᐅᑉ ᐸᖕᓂᖓᑐᑦ ᓴᓐᖏᑎᒋᓕᕐᑎᓪᓗᒍ; ᐅᕐᓱᒥᒡᓗ ᓄᑖᒥᒃ ᑯᕝᕕᕆᓚᐅᕐᐸᕐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:12

ᓇᕐᕈᓇᕐᑐᕐᔪᐊᖑᕗᖅ ᐊᖓᔪᖅᑳᕐᔪᐊᖅ ᐱᐅᖏᑦᑐᓕᒃᐸᑦ, ᐃᒃᓯᕙᐅᑕᕐᔪᐊᖓ ᐋᖅᑭᒃᑕᐅᓯᒪᖕᒪᑦ ᐃᓱᐊᕐᑐᓕᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:26

ᐊᖓᔪᖅᑳᕐᔪᐊᑉ ᓯᓚᑐᔫᑉ ᐱᐅᖏᑦᑐᑦ ᓴᓂᕈᓐᓇᕐᐰᑦ, ᓯᖃᓪᓕᓯᑦᔪᑎᒧᑦ ᖃᓪᓕᕌᕐᑕᐅᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:8

ᐊᖓᔪᖅᑳᕐᔪᐊᖅ ᐃᒃᓯᕙᐅᑕᕐᔪᐊᒥᓂ ᐃᖅᑲᕐᑐᐃᓕᕈᓂ, ᐱᐅᖏᑦᑐᓕᓃᑦ ᓴᓃᔭᕐᐰᑦ ᑕᑯᓐᓇᕐᑕᒥᒍᑦ.

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᒤᑲᐅᑉ ᐊᒡᓚᖏᑦ 3:9

ᒫᓐᓇ ᒪᑐᒥᖓ ᑐᓴᓕᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑰᑉ ᑭᖑᕚᖏᓐᓄᑦ ᐃᓴᕆᐊᓕᒥᐅᓄᓪᓗ ᐊᐅᓚᑦᓯᔨᐅᔪᓯ, ᓇᕐᕈᔪᓯ ᐃᖅᑲᕐᑐᐃᑦᓯᐊᕐᓂᕐᒥᒃ ᓱᓕᔪᒥᒡᓗ ᑕᒻᒪᕐᓂᐅᓂᕅᓕᕐᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.