ᐃᓐᖏᕈᑎᑦ 100:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 100:3 Iomraidhean Croise

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᑯᕉᓂᑲ ᓯᕗᓪᓖᑦ 16:14

ᑖᓐᓇ ᐊᑕᓂᐅᕗᖅ ᒎᑎᕗᑦ; ᑖᑦᓱᒪ ᐋᖅᑭᒃᓱᐃᓂᖓ ᓄᓇᕐᔪᐊᓕᒫᒦᑉᐳᖅ.

ᔫᐱᐅᑉ ᐊᒡᓚᖏᑦ 10:3

ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ? ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ? ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?

ᐃᓐᖏᕈᑎᑦ 119:73

ᐊᒡᒐᒃᐱᑦ ᓴᓇᓚᐅᕐᐹᖓ ᐋᖅᑭᒃᓱᕐᓗᖓᓗ; ᑐᑭᓯᑎᓚᐅᓐᖓ ᐱᖁᔭᕐᓂᒃ ᐃᓕᑦᓯᔪᓐᓇᖁᓪᓗᖓ.

ᐃᓐᖏᕈᑎᑦ 12:4

ᐃᒫᒃ ᐅᖃᕐᑐᑦ, “ᐅᖃᑦᑎᓐᓄᑦ ᓵᓚᖃᕈᒫᕐᐳᒍᑦ; ᖃᓂᕐᐳᑦ ᓇᖕᒥᓂᕆᒐᑦᑎᒍ: ᑭᐊ ᐊᖓᔪᖅᑳᖑᕝᕕᒋᕚᑎᒎᑦ?”

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 78:52

ᐃᓄᖁᑎᓂᓕ ᐊᐅᓪᓚᕐᑎᓚᐅᕐᐰᑦ ᓰᐱᑎᑐᑦ ᓯᕗᓕᕐᓗᒋᑦ, ᑕᓯᐅᓚᐅᕐᐰᓪᓗ ᐃᓄᖃᖏᑦᑐᒥ ᓰᐱᑎᑐᑦ ᑲᑎᓐᖓᔪᑎᑐᑦ;

ᐃᓐᖏᕈᑎᑦ 79:13

ᐅᕙᒍᓪᓕ, ᐃᓄᖁᑎᒋᔭᑎᑦ, ᐰᕐᓯᓂᕐᓄᑦ ᓰᐱᖁᑎᒋᔭᑎᑦ, ᑕᕝᕙ ᖁᔭᒋᓂᐊᕐᐸᑦᑎᒋᑦ ᐃᓱᖃᖏᑦᑐᒧᑦ; ᓂᕐᑐᕐᓇᕐᓃᓪᓗ ᐅᖃᐅᓯᕆᔪᒪᕙᕗᑦ ᐃᓅᖃᑎᒌᒡᔪᐊᓕᒫᓄᑦ.

ᐃᓐᖏᕈᑎᑦ 95:3

ᐊᑕᓂᖅ ᒎᑎᕐᔪᐊᖑᖕᒪᑦ, ᐊᖓᔪᖅᑳᕐᔪᐊᖑᓪᓗᓂᓗ ᒎᑎᒋᔭᐅᔪᓕᒫᓄᑦ.

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:1

ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.”

ᐂᓮᐊᓯᐅᑉ ᐊᒡᓚᖏᑦ 63:11

ᑕᕝᕙ ᐃᓄᖁᑎᖏᑦ ᐃᖅᑬᓕᓚᐅᕐᐳᑦ ᑍᒃᑯᓂᖓᑐᖃᖅ, ᒨᓯᓯ ᒎᑎᐅᑉ ᐱᔨᖓ ᐃᓅᑎᓪᓗᒍ ᐊᑐᕐᑕᐅᕙᓚᐅᕐᑐᓂᒃ, ᐅᖃᕐᓗᑎᒃ, “ᓇᐅᒡᓕᑍᒪ ᐃᒪᒃᑯᑦ ᐃᑳᕐᑎᑦᓯᓚᐅᕐᑐᖅ? ᐰᕐᓯᔨᖁᑎᖏᓪᓗ ᓰᐱᖁᑎᒥᓂᒃ? ᓇᐅᒡᓕ ᑍᒪ ᐊᓂᕐᓂᕐᒥᓄᑦ ᐃᑦᔪᕐᓁᑦᑐᒧᑦ ᓇᔪᕐᑕᐅᑎᑦᓯᓚᐅᕐᑐᖅ ᑖᒃᑯᓂᖓ?

ᐂᓮᐊᓯᐅᑉ ᐊᒡᓚᖏᑦ 63:19

ᐊᑦᔨᖃᑐᐃᓐᓇᓕᕐᐳᒍᑦ ᑍᒃᑯᓂᖓ ᐃᓕᖕᓂᒃ ᐊᖓᔪᖅᑳᖃᓚᐅᕐᓯᒪᖏᑦᑐᓂᒃ, ᐊᑎᕐᓂᒡᓗ ᑍᔭᐅᒍᓯᖃᓚᐅᕐᓯᒪᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 34:11

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐅᕙᖓ ᓇᖕᒥᓂᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ, ᕿᓂᕆᐊᕐᓂᐊᓕᕐᓗᒋᓪᓗ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:6

ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?

ᒨᓯᓯ ᑕᓪᓕᒪᖏᑦ 4:35

ᐊᑕᓂᐅᑉ ᑕᒪᑐᒥᖓ ᑕᑯᑎᓚᐅᕐᐹᓯ, ᐃᓕᑦᓯᓐᓄᑦ ᖁᓚᕐᓇᖏᑦᑐᒥᒃ ᓴᖅᑭᑎᑦᓯᔪᒪᓪᓗᓂ ᐊᑕᓂᖅ ᒎᑎᐅᖕᒪᑦ ᐊᓯᐊᓂᒡᓗ ᒎᑎᑕᖃᕋᓂ.

ᒨᓯᓯ ᑕᓪᓕᒪᖏᑦ 4:39

ᑍᒤᒻᒪᑦ ᐅᓪᓗᒥ ᐃᖅᑲᐅᒪᓕᕐᓯᐅᒃ ᐳᐃᒍᕐᓂᐊᕐᓇᒍᓗ: ᐊᑕᓂᖅ ᒎᑎᐅᖕᒪᑦ ᕿᓚᖕᒥᓗ ᓄᓇᒥᓗ. ᐊᓯᐊᓂᒡᓗ ᒎᑎᑕᖃᓐᖏᓚᖅ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᐲᑦᑐᕉᓯ ᓯᕗᓪᓖᑦ 2:25

ᓰᐱᑎᑐᑦ ᐊᖅᑯᑎᒋᔭᒥᖕᓂᑦ ᐊᓯᐅᔨᔪᑎᑐᑦ ᑍᒤᓚᐅᕋᑦᓯ, ᒫᓐᓇᓕ ᐅᑎᕐᑎᑕᐅᓯᒪᕗᓯ ᐰᕐᓯᔨᒧᑦ ᑲᒪᔨᐅᔪᒧᓪᓗ ᑕᕐᓂᑦᓯᓐᓂᒃ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐲᑦᑐᕉᓯ ᓯᕗᓪᓖᑦ 4:19

ᑍᒤᒻᒪᑦ ᐊᒃᓱᕈᕐᓇᕐᑐᒦᑎᑕᐅᔪᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᐱᓂᐊᕐᓂᖃᑦᓯᐊᕆᐊᖃᕐᐳᑦ ᐃᒻᒥᖕᓂᒡᓗ ᑐᓂᓯᒪᑦᓯᐊᕐᓗᑎᒃ ᐱᓐᖑᕐᑎᑦᑎᔨᒥᖕᓄᑦ, ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᕙᖏᑦᑐᒧᑦ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.