2 ᐊᑕᓂᖅ ᐱᔨᑦᓯᕐᓯᐅᒃ ᖁᕕᐊᓱᒡᓗᓯ! ᕾᒋᑦᓯ ᑖᑦᓱᒪ ᓇᔪᕐᑕᖓᓄᑦ ᐃᓐᖏᕐᓗᓯ!
ᐅᓪᓗᐃᑦ 8ᒋᓕᕐᑕᖓᓂ ᓲᓗᒨᓂᐅᑉ ᐃᓄᐃᑦ ᐊᖏᕐᕋᕐᑎᑉᐰᑦ; ᑖᒃᑯᐊᓕᒫᓪᓗ ᓂᕐᑐᐃᕗᑦ ᓲᓗᒨᓂᒥᒃ ᖁᕕᐊᓱᒡᓗᑎᒃ, ᓮᒻᒪᕐᑎᑕᐅᓂᐊᓗᐃᑦ ᑕᒪᕐᒥᒃ ᐊᑕᓂᕐᒥᑦ ᐱᔪᑦ ᐱᓪᓗᒋᑦ, ᑐᓂᓯᓚᐅᕐᓂᖓᓄᑦ ᐱᔨᒥᓄᑦ ᑍᕕᑎᒧᑦ ᐃᓄᓕᒫᓄᓪᓗ ᐃᓴᕆᐊᓕᒥ.
ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.
ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.
ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.
ᖃᓂᕋ ᕾᒐᓛᕐᓂᐊᕐᐳᖅ ᖁᕕᐊᓱᖕᓂᐊᕐᒧᑦ, ᐃᓕᖕᓄᑦ ᐃᓐᖏᓕᕈᒪ ᓂᕐᑐᕐᓗᑎᑦ; ᑕᕐᓂᓐᓄᓪᓗᑦᑕᐅᖅ ᐱᐅᓕᓚᐅᕐᑕᕐᓄᑦ.
ᖁᔭᓕᓗᑕ ᑖᑦᓱᒪ ᓇᔪᕐᑕᖓᓄᐊᓕᕐᑕ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐃᓐᖏᕐᓗᑕ ᓂᕐᑐᐃᓗᑕ ᑖᑦᓱᒥᖓ!
ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.
ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.
ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.
ᐊᑕᓂᐅᑉ ᓮᒻᒪᕐᑎᓯᒪᓚᐅᕐᒪᓯ ᑕᒤᑎᒍᑦᓯᐊᖅ, ᐱᔨᑦᓯᓚᐅᓐᖏᓚᓯᓕ ᖁᕕᐊᓱᖕᓂᕐᒧᑦ ᐊᓕᐊᓁᒍᓱᖕᓂᕐᒧᓪᓗ ᐆᒻᒪᑎᒃᑯᑦ.
ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.
