1 ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ, ᓄᓇᕐᔪᐊᕐᒥᐅᓕᒫᖑᔪᓯ!
ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!
ᐊᒡᒐᓯ ᐸᑎᒃᑕᕐᓕᑦ, ᐃᓄᓕᒫᖑᔪᓯ! ᓂᐱᖅᑯᕐᑐᓗᓯ ᓂᓪᓕᐊᒋᑦᓯ ᒎᑎᒧᑦ ᐃᓐᖏᕐᓗᓯ ᖁᕕᐊᓱᖕᓂᕐᒧᑦ!
ᒎᑎ ᖁᒻᒧᐊᒃᐳᖅ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓪᓗᑎᒃ ᓂᓪᓕᐊᑎᓪᓗᒋᑦ, ᐊᑕᓂᖅ ᑎᑦᑐᓚᐅᑎᑦ ᓂᓪᓕᐊᑎᑕᐅᔪᑦ ᐊᑯᕐᖓᓐᓂ.
ᖁᕕᐊᓱᖕᓂᕐᒧᑦ ᕾᒐᓛᕆᑦᓯ ᒎᑎᒧᑦ, ᓄᓇᕐᔪᐊᕐᒥᐅᓕᒫᖑᔪᓯ!
ᓄᓇᕐᔪᐊᕐᒥᐅᓕᒫᑦ ᐅᐱᒋᔪᒫᕐᐹᑎᑦ; ᐃᓐᖏᕐᓗᑎᒡᓗ ᓂᕐᑐᕈᒫᕐᐹᑎᑦ, ᐊᑎᕐᓂᒃ ᓂᕐᑐᐃᓗᑎᒃ ᐃᓐᖏᕈᒫᕐᐳᑦ.” ᓰᓚ
ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ
ᐃᓐᖏᕆᑦᓯ ᒎᑎᒧᑦ, ᓄᓇᒥ ᐊᖓᔪᖅᑲᐅᕕᐅᔪᓯ; ᐃᓐᖏᕆᑦᓯ ᓂᕐᑐᐃᓗᓯ ᐊᑕᓂᕐᒥᒃ. ᓰᓚ
ᓄᓇᕐᔪᐊᕐᒥᐅᓕᒫᖑᔪᓯ ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ; ᐃᓐᖏᕆᑦᓯ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓗᓯ ᓂᕐᑐᐃᓗᓯᓗ!
ᐃᓐᖏᕆᑦ, ᓮᐅᓂᐅᑉ ᐸᓂᖓ! ᕾᒐᓛᕆᑦ ᐃᓴᕆᐊᓖ! ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᕐᑐᕐᓗᑎᑦ, ᔨᕉᓴᓕᐅᑉ ᐸᓂᖓ!
ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ: ᑍᑦᓱᒪᓂᓗ ᐊᑕᓂᖃᕈᒫᕐᐳᖅ ᐊᑕᐅᓯᕐᒥᒃ, ᐊᑎᖓᓗ ᐃᑦᔪᕐᓁᑦᑑᓗᓂ.
ᔨᕉᓴᓕᒻᒧᑦ ᖃᒡᓕᒐᒥᒃ, ᖃᖅᑲᖅ ᓇᐹᕐᑐᓕᒃ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᑉ ᐊᖅᑯᑖᓄᐊᕐᐳᑦ, ᒪᓕᒃᑎᖏᑦ ᐅᓄᕐᑐᐊᓗᐃᑦ ᖁᕕᐊᓱᕐᒪᕆᓕᕐᐳᑦ ᒎᑎ ᓂᕐᑐᕐᐹᑦ ᓂᐱᖅᑯᕐᑐᓪᓗᑎᒃ; ᔩᓱᓯᐅᑉ ᑲᒪᓇᕐᑐᓕᓂᖏᑦ ᑕᑯᓯᒪᔭᑎᒃ ᐱᑦᔪᑎᒋᓪᓗᒋᑦ.
ᐅᖃᒃᑲᓐᓂᕐᒥᖕᒪᑦ, “ᔫᑎᐅᖏᑦᑐᓯ ᖁᕕᐊᓱᒋᑦᓯ, ᑖᑦᓱᒪ ᐃᓄᖁᑎᖏᑦ ᐃᓚᒋᓗᒋᑦ.”
ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”
