ᐃᓐᖏᕈᑎᑦ 10:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᒃᓯᕙᕗᕐᓗ ᓄᓇᓕᖕᓂ ᑎᕐᓕᐊᕐᓯᕕᖕᓂ; ᐅᐸᓗᐃᓪᓗᒋᓪᓗ ᐸᓯᔭᒃᓴᐅᖏᑦᑐᑦ ᑐᖁᓴᕐᐰᑦ, ᐃᔨᕋᕐᑐᕐᓗᓂᓗ ᐃᑲᔪᕐᑎᖃᖏᑦᑐᑦ ᐅᓇᖕᒥᕔᑦ.

ᐃᓐᖏᕈᑎᑦ 10:8 Iomraidhean Croise

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᔫᐱᐅᑉ ᐊᒡᓚᖏᑦ 24:14

ᐃᓄᐊᕐᑏᑦ ᐅᓐᓄᐊᒃᑯᑦ ᒪᑭᑉᐸᒃᐳᑦ, ᑐᖁᑦᓯᔪᒪᓪᓗᑎᒃ ᐊᒃᓱᔪᓂᒃ ᐊᔪᕐᓴᕐᑐᓂᒡᓗ; ᐅᓐᓄᐊᒃᑯᓪᓗ ᑎᒡᓕᒐᕐᑎᐅᓕᕐᐸᒃᓗᑎᒃ.

ᐃᓐᖏᕈᑎᑦ 17:11

ᑐᑦᔭᕐᐹᖓ ᐊᕙᑎᓐᓃᓕᕐᓗᑎᒡᓗ, ᐃᔨᒋᕗᓪᓗ ᐅᑯᖓᓪᓗᑎᒃ ᓄᓇᒧᑦ ᐅᕐᕈᑎᑦᓱᒪᓪᓗᖓ,

ᐃᓐᖏᕈᑎᑦ 94:6

ᐅᐃᒡᒐᕐᓃᑦ ᓄᓇᖃᕐᑐᑐᖃᐅᖏᑦᑐᓪᓗ ᑐᖁᑉᐰᑦ, ᐃᓕᐊᕐᔪᐃᓪᓗ ᐃᓄᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:15

ᐃᔨᕐᓯᒪᓗᑎᑦ ᐅᑕᖅᑭᓂᐊᕐᓇᒃ, ᐱᐅᖏᑦᑐᓕᔪᑎᑐᑦ ᐃᓱᐊᕐᑐᓕᔫᑉ ᐃᒡᓗᖓᓂ; ᑲᑉᐱᐊᓱᒃᑎᑦᓯᓂᐊᕐᓇᒃ ᐃᓱᐊᕐᑐᓕᔫᑉ ᐊᖏᕐᕋᖓᓂ;

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᕼᐊᐸᑲᐅᑉ ᐊᒡᓚᖏᑦ 3:14

ᖃᕐᔪᕕᑦ ᑲᐱᓚᐅᕐᐹ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᑦ, ᐅᓚᔪᔭᕐᑎᑐᑦ ᕾᓕᕐᑎᓪᓗᒍ ᐅᕙᑦᑎᓐᓂᒃ ᓯᐊᒻᒪᕐᑎᑦᓯᔪᒪᓪᓗᓂ, ᖁᕕᐊᓲᑎᖃᑐᐃᓐᓇᓚᐅᕐᐳᑦ ᐊᔪᕐᓴᕐᑐᓂᒃ ᐄᓯᔪᑎᑐᑦ ᐱᔪᒪᓪᓗᑎᒃ ᖃᐅᔨᔭᐅᖏᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 10:1

ᑕᒪᑐᒪ ᑭᖑᓂᖓᒍᑦ ᐊᑕᓂᖅ ᓂᕈᐊᓚᐅᕆᕗᖅ 72ᓂᒃ, ᑎᓕᓪᓗᒋ ᒪᕐᕉᓈᕐᑎᕐᓗᒋᑦ ᓄᓇᓕᓕᒫᓄᑦ ᐅᐸᓛᕈᒪᔭᒥᓄᑦ.

ᓘᑲᓯᐅᑉ ᐊᒡᓚᖏᑦ 8:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᐃᖏᕐᕋᓚᐅᕐᐳᖅ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ, ᐊᔪᕆᕐᑐᐃᓪᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ. ᐃᓕᓐᓂᐊᕐᑎᓂ 12 ᐃᓚᒋᓪᓗᒋᑦ,

ᐃᓗᐊᕐᓮᔩᑦ ᐊᒡᓚᖏᑦ 9:25

ᓯᑭᒻᒥᐅᑦ ᐊᖑᑎᑦ ᑖᑦᓱᒥᖓ ᐅᐸᓗᐃᓐᓂᔪᒃᓴᓂᒃ ᐸᕐᓇᓚᐅᕐᐳᑦ ᖃᖅᑲᐃᑦ ᖄᖏᓐᓂ, ᐊᖅᑯᓵᕐᑐᓪᓗ ᑖᒃᑯᓂᖓ ᑎᒡᓕᒡᕕᒋᕙᒃᓗᒋᑦ ᑕᒫᓂ ᐊᖅᑯᒻᒥ; ᐊᐱᒥᓕᑭᓗ ᐅᖃᐅᑦᔭᐅᓚᐅᕐᐳᖅ ᑕᒪᑐᒥᖓ.

ᓴᒧᐃᓕ ᓯᕗᓪᓖᑦ 22:18

ᑕᕝᕙ ᓴᐅᓕ ᐅᖃᓕᕐᐳᖅ ᑐᐃᒋᒧᑦ, “ᐃᕝᕕᑦ ᑐᖁᓚᐅᒃᑭᑦ ᑐᓂᕐᕈᓯᕐᑎᑦᓯᔩᑦ.” ᑕᕝᕙ ᑐᐃᒋᐅᑉ ᐄᑐᒥᒥᐅᑕᐅᑉ ᑐᓂᕐᕈᓯᕐᑎᑦᓯᔨᓕᒫᑦ ᑐᖁᑉᐰᑦ, ᑍᑦᓱᒪᓂ ᐅᓪᓗᒥ ᑐᓂᕐᕈᓯᕐᑎᑦᓯᔩᑦ 85 ᑐᖁᑕᐅᕗᑦ ᖃᓪᓗᓈᕐᑕᒥᒃ ᓴᒡᕕᖕᒥᐅᑕᒥᒃ ᐊᑐᕐᑐᓕᒫᑦ.

ᓴᒧᐃᓕ ᓯᕗᓪᓖᑦ 23:23

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐃᔨᕐᓯᒪᕕᒋᖃᑦᑕᕐᑕᖏᓪᓗ ᖃᐅᔨᑦᓯᐊᕐᓗᒋᑦ, ᐅᕙᓐᓄᓪᓗ ᐅᑎᓛᕐᐳᓯ ᖃᐅᔨᓯᒪᓕᕐᑕᑦᓯᓐᓂᒃ ᐅᖃᐅᓯᖃᕆᐊᕐᑐᕐᓗᓯ. ᑕᕝᕙ ᐃᓚᒋᓗᓯ ᐅᐸᒍᑎᒐᔭᕐᐳᒍᑦ; ᓄᓇᖁᑎᑦᓯᓐᓃᖏᓐᓇᕐᐸᑦ ᕿᓂᕆᐊᓛᕐᐸᕋ ᔫᑕᐅᑉ ᑭᖑᕙᖏᓐᓂ ᐃᓄᒋᐊᒃᑐᕐᔪᐊᓂ.”