ᐃᓐᖏᕈᑎᑦ 10:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 10:4 Iomraidhean Croise

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᔫᐱᐅᑉ ᐊᒡᓚᖏᑦ 22:17

ᒎᑎᒧᑦ ᐅᖃᓚᐅᕐᒪᑕ, ‘ᐅᕙᑦᑎᓐᓂᑦ ᕿᒪᕉᑎᓚᐅᕆᑦ! ᖃᓄᖅ ᐊᔪᒐᖃᖏᑦᑐᖅ ᐅᕙᑦᑎᓐᓄᑦ ᐱᓇᓱᐊᕈᓐᓇᕐᐹ?’

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓐᖏᕈᑎᑦ 18:27

ᐃᓄᐃᑦ ᒥᑭᒡᓕᑎᕐᓯᒪᔪᑦ ᐱᐅᓕᓂᐊᕐᐸᑎᑦ, ᐱᐅᔪᕆᔪᓂᒡᓗ ᑕᐅᑦᑐᖃᕐᑐᑦ ᑲᑕᒃᑎᓐᓂᐊᕐᐸᑎᑦ.

ᐃᓐᖏᕈᑎᑦ 27:8

ᐅᖃᕋᕕᑦ, “ᑮᓇᕋ ᕿᓂᕈᒃ,” ᐆᒻᒪᑎᒐ ᑕᕝᕙ ᐃᓕᖕᓄᑦ ᐅᖃᕐᐳᖅ, “ᑮᓁᑦ, ᐊᑕᓃᖅ ᕿᓂᕈᒪᕙᕋ.”

ᐃᓐᖏᕈᑎᑦ 36:1

ᖃᐅᔨᑎᑕᐅᑦᔪᑎᒐ ᐆᒻᒪᑎᓐᓂ ᐱᐅᖏᑦᑐᓕᔪᑦ ᐱᐅᖏᑦᑐᐊᓘᓂᖏᓐᓂᒃ: ᒎᑎᒥᒃ ᓯᕘᕋᓐᖏᓚᑦ ᐃᔨᖏᑕ ᓵᖓᓂ.

ᐃᓐᖏᕈᑎᑦ 53:1

ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᐳᖅ, “ᒎᑎᑕᖃᓐᖏᓚᖅ.” ᑕᒻᒪᕐᓯᒪᕗᑦ, ᐱᓂᐊᕐᓂᖏᓪᓗ ᐱᐅᖏᑦᑐᐊᓘᓪᓗᑎᒃ; ᐱᐅᔪᒥᒃ ᐱᓇᓱᐊᕐᑐᖃᓐᖏᓚᖅ ᑖᒃᑯᓇᓂ.

ᐃᓐᖏᕈᑎᑦ 73:11

ᐅᖃᕐᓗᑎᒡᓗ, “ᖃᓄᖅ ᒎᑎ ᖃᐅᔨᒪᔪᓐᓇᕐᐹ? ᖁᑦᓯᖕᓂᕐᐹᖑᔪᖅ ᖃᐅᔨᔪᓐᓇᕐᓂᐊᕋᓗᐊᕐᐹ?”

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:4

ᐱᔪᓐᓇᕋᓱᒋᓂᖅ ᐆᒻᒪᑎᒃᑯᓪᓗ ᐱᐅᔪᕆᓂᖅ, ᐱᐅᖏᑦᑐᓕᔪᑦ ᐱᓇᓱᐊᒐᒃᓴᓕᐊᖏᑦ, ᐊᔪᕐᑐᓕᓂᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:13

ᐃᓄᖃᕆᕗᖅ ᐃᒻᒥᖕᓂᒃ ᐱᐅᓇᓱᒋᔪᓂᒃ! ᖁᓚᐅᑦᓯᖓᓪᓗᑎᒃ ᐊᓯᒥᖕᓂᒃ ᑕᑯᓐᓇᒻᒪᕆᒃᐸᒃᑐᓂᒃ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:11

ᐱᐅᖏᑦᑐᓕᔪᑦ ᐃᖅᑲᕐᑐᕐᑕᐅᓂᖏᑦ ᐱᓇᓵᕐᑎᑕᐅᒃᐸᑕ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐱᐅᖏᑦᑐᓕᔪᒪᓂᕐᒧᑦ ᑲᔪᖏᕐᑎᑕᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 3:9

ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᐂᓮᐊᓯᐅᑉ ᐊᒡᓚᖏᑦ 65:2

ᐅᓪᓗᓕᒫᖅ ᐃᓴᒻᒥᕗᖓ ᐃᓄᖕᓄᑦ ᐊᑭᕋᕐᑐᕐᑐᓄᑦ, ᐃᓅᓯᖃᕐᑐᓄᑦ ᐊᖅᑯᑎᒃᑯᑦ ᐱᐅᖏᑦᑐᒃᑯᑦ, ᐃᓱᒪᓕᐊᕆᓯᒪᔭᑐᐃᓐᓇᕐᒥᖕᓂᒃ ᒪᓕᒃᑐᓄᑦ;

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒫᑯᓯᐅᑉ ᐊᒡᓚᖏᑦ 7:21

ᐃᓅᑉ ᐃᓗᐊᓂᓐᖔᕐᑐᑦ, ᐃᓅᑉ ᐆᒻᒪᑎᖓᓂᑦ, ᐱᐅᖏᑦᑐᑦ ᐊᓂᕙᒃᐳᑦ, ᓄᓕᐊᕈᒪᓃᑦ, ᑎᒡᓕᒍᒪᓃᑦ, ᑐᖁᑦᓯᔪᒪᓃᑦ, ᐊᓯᓐᓂᐊᕐᓃᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 8:22

ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ.

ᕉᒪᒥᐅᓄᑦ 1:21

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᐃᐱᓯᒥᐅᓄᑦ 2:12

ᐃᕾᒋᑦᓯ ᑍᑦᓱᒪᓂ ᙭ᔅᑑᓯᖃᕋᓯ ᐊᕝᕗᑎᓯᒪᓚᐅᕐᑐᓯ, ᐃᓴᕆᐊᓕᒥᐅᓪᓗ ᓂᕈᐊᕐᑕᐅᓯᒪᓂᖏᓐᓄᑦ ᐃᓚᒋᔭᐅᓚᐅᖏᑦᑐᓯ, ᐊᖏᕈᑕᐅᓯᒪᔪᒥᒡᓗ ᐱᓯᒪᖃᑕᐅᓚᐅᖏᑦᑐᓯ, ᑍᒤᑦᑑᓪᓗᓯ ᐃᓅᓚᐅᕐᑐᕐᓯ ᐅᕙᓂ ᓯᓚᕐᔪᐊᕐᒥ ᓂᕆᐅᒋᔭᒃᓴᖃᕋᓯ ᒎᑎᖃᕋᓯᓗ.

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.