ᐃᓐᖏᕈᑎᑦ 10:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᔪᕐᓴᕐᑐᑦ ᓵᓚᒋᓇᓱᐊᕐᐰᑦ; ᓵᓚᖃᕈᒪᓂᕐᒧᑦ ᐃᓱᒪᖃᑎᒌᒍᑎᒋᓯᒪᔭᒥᖕᓄᑦ ᓇᖕᒥᓂᖅ ᓵᓚᐅᓚᐅᕐᓕᑦ.

ᐃᓐᖏᕈᑎᑦ 10:2 Iomraidhean Croise

ᐃᓐᖏᕈᑎᑦ 109:16

ᑖᓐᓇ ᐱᑦᓯᐊᕆᐊᒃᓴᕐᓘᓐᓃᑦ ᐃᖅᑲᐅᒪᓚᐅᕐᓯᒪᓐᖏᓚᖅ, ᐊᑭᕋᕐᑐᖃᑦᑕᓚᐅᕐᐳᕐᓕ ᐊᔪᕐᓴᕐᑐᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ, ᐆᒻᒪᑎᒥᒍᑦ ᐋᓐᓂᐊᔪᑦ ᐊᒡᓛᑦ ᑐᖁᑦᓱᒪᖃᑦᑕᓚᐅᕐᐰᑦ.

ᐃᓐᖏᕈᑎᑦ 119:122

ᖁᓚᕐᓇᖏᑦᓯᐊᕐᑐᒥᒃ ᐱᔩᑦ ᐱᐅᔪᒧᑦ ᐃᑲᔪᕈᒃ; ᐱᐅᔪᕆᔪᑦ ᐅᖁᒤᓪᓕᐅᕐᑎᑦᓯᖁᓇᒋᑦ ᐅᕙᓐᓂᒃ.

ᐃᓐᖏᕈᑎᑦ 119:5

ᖃᓄᕐᑐᖅ ᐃᓅᓯᓐᓂ ᒪᓕᑦᓯᐊᕈᓐᓇᓚᐅᕐᓚᒃᑲ ᐊᑐᕐᑕᐅᖁᔭᑎᑦ ᐊᑐᑦᓯᐊᕈᓐᓇᕐᓗᒋᑦ.

ᐃᓐᖏᕈᑎᑦ 119:69

ᐱᐅᔪᕆᔪᑦ ᓱᓕᓇᑎᒃ ᐅᕙᓐᓂᒃ ᐅᖃᐅᓯᖃᕐᐳᑦ, ᐆᒻᒪᒻᒧᓪᓕ ᓱᓕᔪᒧᑦ ᐱᓂᐊᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 119:85

ᐱᐅᔪᕆᔪᑦ ᐃᑎᕐᓴᓕᐅᕐᓯᒪᕗᑦ ᑲᑕᒡᕕᒃᓴᓐᓂᒃ, ᑖᒃᑯᐊ ᐱᖁᔭᕐᓂᒃ ᒪᓕᖏᑦᑐᑦ.

ᐃᓐᖏᕈᑎᑦ 140:5

ᐱᐅᔪᕆᔪᑦ ᐃᔨᕐᓯᒪᔪᒥᒃ ᐊᒃᓱᓈᓂᒃ ᓂᒐᕐᕕᒃᓴᓐᓂᒃ ᓴᓇᓯᒪᕗᑦ, ᐊᒃᓱᓈᖃᕐᓗᑎᒃ ᐃᓯᕕᑦᓯᓯᒪᕗᑦ ᓄᓗᐊᓂᒃ ᐊᖅᑯᑎᐅᑉ ᓴᓂᐊᓄᑦ, ᒥᑭᒋᐊᕐᕕᒃᓴᓐᓂᒡᓗ ᐋᖅᑭᒃᓱᐃᓯᒪᕗᑦ. ᓰᓚ

ᐃᓐᖏᕈᑎᑦ 31:18

ᖃᓂᖏᑦ ᓴᒡᓗᑐᔪᑦ ᓂᐰᕐᓕᑦ, ᐱᐅᔪᕆᓂᕐᒧᑦ ᐃᓕᕋᓇᕈᒪᓂᕐᒧᓪᓗ ᓂᓪᓕᐊᔪᑦ ᓇᓛᒎᕐᑐᑦ ᒥᑕᐅᑎᖃᕐᓗᑎᒃ.

ᐃᓐᖏᕈᑎᑦ 36:11

ᐱᐅᔪᕆᔪᑦ ᐃᑎᒐᖏᑦ ᐅᕙᓐᓄᑦ ᐊᑭᕋᕐᑐᕐᓗᑎᒃ ᑎᑭᑦᑍᓕᓕᑦ, ᐱᐅᖏᑦᑐᓕᔪᓪᓗ ᐊᒡᒐᖏᑕ ᐊᐅᓪᓚᕐᑎᓐᓂᐊᕐᓇᖓ.

ᐃᓐᖏᕈᑎᑦ 59:12

ᖃᓂᕐᒥᒍᑦ ᐊᔪᕐᑐᓕᓂᖏᑦ, ᐅᖃᐅᓯᕆᔭᖏᓪᓗ ᐱᓪᓗᒋᑦ, ᐱᐅᔪᕆᓂᕐᒥᖕᓄᑦ ᐃᒻᒥᖕᓂᒃ ᒥᑭᒋᐊᕐᑎᓚᐅᕐᓕᑦ. ᓱᕈᕐᑎᕆᓃᑦ ᓴᒡᓗᓃᓪᓗ ᐅᖃᐅᓯᕆᔭᖏᑦ ᐱᓪᓗᒋᑦ,

ᐃᓐᖏᕈᑎᑦ 7:16

ᐃᓱᐊᖏᑦᑐᓕᐊᒥᓄᑦ ᓇᖕᒥᓂᕐᒥᓄᑦ ᐅᑎᕐᕕᐅᓂᐊᕆᕗᖅ; ᐃᓅᖃᑎᒥᓄᑦ ᐱᑦᓯᐊᖏᓐᓂᕐᒥᓄᑦ ᐱᓂᐊᕐᓂᕆᓯᒪᔭᖏᑕ, ᓂᐊᖁᕐᒥᒍᑦ ᓇᖕᒥᓂᕐᒥᒍᑦ ᑲᑕᒡᕕᐅᓂᐊᕆᕗᖅ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᒨᓯᓯ ᐂᑉᐸᖏᑦ 9:17

ᑭᓯᐊᓂᓕ ᓱᓕ ᑐᓴᕈᓐᓇᓐᖏᓚᑎᑦ ᐃᓄᖁᑎᒃᑲᓗ ᓱᓇᐅᒋᓇᒋᑦ ᐊᐅᓪᓚᖁᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22

ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 14:13

ᐆᒻᒪᑎᖕᓂ ᐅᖃᓚᐅᕐᐳᑎᑦ, ‘ᕿᓚᖕᒧᑦ ᖁᒻᒧᐊᖕᓂᐊᕐᐳᖓ ᒎᑎᐅᑉ ᐅᓪᓗᕆᐊᖁᑎᖏᑕ ᐅᖓᑖᓄᑦ; ᐃᒃᓯᕙᐅᑕᕐᔪᐊᕋ ᖁᑦᓯᖕᓂᕐᐹᒧᑦ ᐃᓕᔪᒪᕙᕋ; ᐃᒃᓯᕚᕈᒪᓪᓗᖓᓗ ᑲᑎᒪᔪᕐᔪᐃᑦ ᖃᖅᑲᖏᑕ ᖄᖓᓂ, ᖃᖅᑬᑦ ᓵᕘᓂᐅᑉ ᐳᕐᑐᓂᕐᐹᖓᓂ;

ᐂᓮᐊᓯᐅᑉ ᐊᒡᓚᖏᑦ 14:16

“ᐃᓕᖕᓂᒃ ᑕᑯᔪᑦ ᑕᑯᓐᓈᕈᒫᕐᐹᑎᑦ, ᐃᓱᒪᒋᓗᑎᓪᓗ, ‘ᑖᓐᓇ ᑕᕝᕚ ᓄᓇᕐᔪᐊᕐᒥᒃ ᓴᔪᒃᐱᓗᒃᑎᑦᓯᕙᓚᐅᕐᑐᖅ, ᐊᖓᔪᖅᑲᐅᕕᒡᔪᐊᓂᒡᓗ ᑲᑉᐱᐊᓱᒃᑎᑦᓯᓂᕐᒧᑦ ᓴᔪᒃᑎᑦᓯᕙᓚᐅᕐᑐᖅ,

ᔨᕆᒤᐊᐅᑉ ᐊᒡᓚᖏᑦ 43:2

ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.