ᐃᓐᖏᕈᑎᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 1:3 Iomraidhean Croise

ᒨᓯᓯ ᓯᕗᓪᓖᑦ 39:23

ᑎᒍᔭᐅᓯᒪᕕᐅᑉ ᐊᖓᔪᖅᑳᖓ ᔫᓯᐱᐅᑉ ᐱᓇᓱᐊᕐᑕᓕᒫᖏᓐᓂᒃ ᐃᒃᐱᒍᓱᒋᐊᖃᖃᑦᑕᓚᐅᓐᖏᓚᑦ, ᐊᑕᓂᐅᑉ ᐃᓚᒋᓚᐅᕐᒪᒍ; ᖃᓄᑐᐃᓐᓇᕐᓗ ᐱᓇᓱᐊᑐᐊᕌᖓᑦ, ᐊᑕᓂᐅᑉ ᐱᕙᓪᓕᐊᑦᓯᐊᕐᑎᖃᑦᑕᓚᐅᕐᐹ.

ᒨᓯᓯ ᓯᕗᓪᓖᑦ 39:3

ᐊᖓᔪᖅᑳᖓᑕᓕ ᖃᐅᔨᕚ ᐊᑕᓂᐅᑉ ᐃᓚᒋᖕᒪᒍ, ᐊᑕᓂᐅᓪᓗ ᖃᓄᐃᓕᐅᕐᑕᓕᒫᖏᑦ ᐱᕙᓪᓕᐊᑦᓯᐊᕐᑎᖃᑦᑕᕐᒪᒋᑦ.

ᐊᑕᓃᑦ ᐂᑉᐸᖏᑦ 18:7

ᐊᑕᓂᐅᑉ ᓇᔪᓚᐅᕐᐹ; ᐱᓂᐊᕐᓂᓕᒫᒥᒍᓪᓗ ᐱᔪᓐᓇᓯᐊᓚᐅᕐᐳᖅ ᐱᓇᓱᐊᕐᑕᒥᓂᒃ. ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᓚᓕᐅᕐᓯᓚᐅᓐᖏᓚᖅ ᓈᒻᒪᒋᓇᒍᓗ ᐱᐅᓯᕆᔭᖓ ᑐᓂᓯᒪᕕᒋᔪᒪᓚᐅᓐᖏᓛ.

ᑯᕉᓂᑲ ᓯᕗᓪᓖᑦ 22:11

“ᒫᓐᓇᓕ ᐃᕐᓃᒃ, ᐊᑕᓂᐅᑉ ᐃᓚᒋᓕᑎᑦ, ᑲᔪᓯᑦᓯᐊᖁᓪᓗᑎᒃ ᐊᑕᓂᐅᑉ ᒎᑎᕕᑦ ᐃᒡᓗᖓᓂᒃ ᓴᓇᔪᓐᓇᕐᓗᑎᑦ, ᐅᖃᐅᑎᒋᓚᐅᕐᑕᖏᑦ ᐃᓕᖕᓄᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 22:13

ᑕᕝᕙ ᐱᕙᓪᓕᐊᓕᕈᒫᕐᐳᑎᑦ ᒪᓕᑦᓯᐊᕈᕕᑦ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᒨᓯᓯᒧᑦ ᑐᓂᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ. ᓲᖑᑦᓯᐊᕆᑦ, ᓯᕘᕋᖏᓪᓗᑎᓪᓗ. ᑲᑉᐱᐊᓱᖏᓪᓗᑎᑦ; ᓴᐱᕐᑍᓕᒋᑦ.

ᑯᕉᓂᑲ ᐂᑉᐸᖏᑦ 31:21

ᐱᓇᓱᐊᕐᑕᓕᒫᒥᓂ ᐱᓇᓱᐊᕐᑎᓪᓗᒍ ᒎᑎᐅᑉ ᐃᒡᓗᖓᓂ ᐱᓇᓱᐊᕐᑕᐅᔭᕆᐊᓕᖕᓂᒃ ᐱᖁᔭᓂᓗ, ᒎᑎᒥᓂᒃ ᖃᐅᔨᒋᐊᑦᓯᐊᖃᑦᑕᓚᐅᕐᐳᖅ, ᐱᓇᓱᐊᓚᐅᕐᐳᕐᓗ ᐆᒻᒪᑎᒥᒍᑦ ᑐᓂᓯᒪᓪᓚᕆᒃᓗᓂ, ᑍᒤᒻᒪᑦ ᐱᕙᓪᓕᐊᓂᖃᑦᓯᐊᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 32:23

ᐅᓄᕐᑐᕐᔪᐊᓪᓗ ᑐᓂᓯᕗᑦ ᐊᑕᓂᕐᒧᑦ ᔨᕉᓴᓕᒥ ᐱᐅᔪᒻᒪᕆᖕᓂᒡᓗ ᑐᓂᓯᕗᑦ ᕼᐃᓯᑬᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᑕᒪᑐᒪᖓᑦ ᐱᒋᐊᕐᓗᓂ ᑭᖑᕐᖓᒍᑦ ᐃᓅᖃᑎᒌᒡᔪᐊᓕᒫᑦ ᐅᐱᒋᓪᓗᒍ ᐊᖏᒡᓕᑎᓕᓚᐅᕐᐹᑦ.

ᔫᐱᐅᑉ ᐊᒡᓚᖏᑦ 14:9

ᐃᒫᓃᓕᕈᓂᓕ ᐊᒫᕐᑖᓕᕈᓐᓇᕐᐳᖅ ᐊᕙᓚᖓᔪᕐᑖᓕᕐᓗᓂᓗ ᐱᕈᕐᑎᑦᓯᓕᕋᔭᕐᐳᖅ.

ᔫᐱᐅᑉ ᐊᒡᓚᖏᑦ 22:28

ᑕᒪᓐᓇ ᑐᑭᑖᕈᑎᒋᒍᕕᐅᒃ, ᑕᕝᕙ ᐱᕙᓪᓕᐊᓕᕐᓂᐊᕐᐳᑎᑦ, ᐊᖅᑯᑎᒃᓴᑎᓪᓗ ᓯᕗᓂᕐᓂ ᖃᐅᒻᒪᒃᑎᑕᐅᓯᒪᓕᕐᓂᐊᕐᐳᑦ.

ᐃᓐᖏᕈᑎᑦ 128:2

ᐊᒡᒐᒃᐱᑦ ᓴᓇᔭᖏᑦ ᐃᓅᑦᔪᑎᒃᓴᕆᓂᐊᕐᐸᑎᑦ, ᖁᕕᐊᓱᖕᓂᐊᕐᐳᑎᑦ, ᐃᓱᒫᓘᑎᖃᖏᑦᓯᐊᕐᓗᑎᓪᓗ.

ᐃᓐᖏᕈᑎᑦ 129:8

ᓴᓂᖅᑯᑦᑐᑦ ᐅᖃᕈᓐᓇᕐᓯᖁᓇᒋᑦ, “ᐊᑕᓂᐅᑉ ᓮᒻᒪᕐᑎᑦᓯᓂᖓᑕ ᖁᓚᖏᐊᕐᓕᓯ! ᐅᕝᕙᓗ, ᐊᑕᓂᐅᑉ ᐊᑎᖓᓂ ᓮᒻᒪᕐᑎᑉᐸᑦᓯ!”

ᐃᓐᖏᕈᑎᑦ 92:14

ᐃᓄᑐᖃᐅᓕᕋᓗᐊᕈᑎᒃ ᓱᓕ ᐱᕈᕐᑐᖃᕈᒫᕐᐳᑦ, ᓄᑖᖑᐃᓐᓇᕐᓂᐊᕐᐳᑦ ᐱᕈᕐᕕᐅᑦᓯᐊᕐᓗᑎᒡᓗ,

ᐃᓐᖏᕈᑎᑦ 92:15

ᓇᓗᓁᕐᓯᖁᓪᓗᒋᑦ ᐊᑕᓂᖅ ᐃᓱᐊᕐᑑᖕᒪᑦ; ᕾᕐᑐᕆᔭᕋ, ᑖᑦᓱᒪᓂᓗ ᐃᓱᐃᓐᓂᕐᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 3:10

ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 44:4

ᐱᕈᕐᐸᓪᓕᐊᔪᒫᕐᐳᑦ ᐃᕕᒡᓱᒐᕐᑎᑐᑦ ᐃᒪᕐᓱᖕᒦᑦᑐᑎᑐᑦ, ᐅᕐᐱᒃᑎᑐᓪᓗ ᑰᑉ ᓯᓈᓃᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 17:8

ᓇᐹᕐᑐᑎᑐᑦ ᑍᒤᑉᐳᖅ ᐃᒪᖃᑦᓯᐊᕐᑐᒥ ᐱᕈᕐᓯᒪᔪᑎᑐᑦ, ᐊᒫᖏᓪᓗ ᐃᒫᓄᑦ ᑎᑭᐅᒪᑦᓯᐊᕐᑐᑎᑐᑦ, ᓯᓚ ᐅᖅᑰᔪᐊᓘᓕᕋᓗᐊᕐᐸᑦ ᓯᕘᕋᖏᑦᑐᑎᑐᑦ, ᐅᖃᐅᔭᖃᕐᑐᑎᑐᑦ ᑐᖑᔪᐃᓐᓇᕐᑐᓂᒃ, ᐸᓂᕐᓇᕐᑐᖃᕋᓗᐊᕐᐸᑦ ᐃᓱᒫᓗᖏᑦᑐᑎᑐᑦ, ᐱᕈᕐᑐᒃᓴᖁᑎᖏᑦ ᐱᕈᐃᓐᓇᐅᔭᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 17:8

ᑖᑦᓱᒪᓕ ᕔᓂᓕᒃᓴᖅ ᐃᑦᔪᖃᑦᓯᐊᕐᑐᒧᐊᕐᐹ ᐃᒪᖃᑦᓯᐊᕐᑐᒧᑦ, ᐊᕙᓚᖓᔪᕐᑖᑦᓯᐊᖁᓪᓗᒍ, ᐸᐅᕐᖓᕐᑖᑦᓯᐊᕐᓗᓂᓗ, ᑕᑯᒥᓇᕐᓗᓂᓗ ᐱᕈᓕᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 19:10

ᐊᓈᓁᑦ ᐊᑦᔨᖃᕐᐳᖅ ᐅᕐᐱᒐᕐᓂᒃ ᕔᓂᓕᒃᓴᓂᒃ ᑰᑉ ᖃᓂᒋᔮᓂ ᐃᓕᐅᕋᕐᓯᒪᔪᑎᑐᑦ ᐃᒪᖃᑦᓯᐊᕐᑐᒦᖁᓪᓗᒍ, ᕔᓂᓕᒃᓴᕐᓗ ᐸᐅᕐᖓᖃᑦᓯᐊᕐᐳᖅ ᐅᖃᐅᔭᖃᑦᓯᐊᕐᓗᓂᒡᓗ ᐃᒪᖃᑦᓯᐊᕋᒥ.

ᐃᓯᑭᐊᓕᐅᑉ ᐊᒡᓚᖏᑦ 31:5

ᓇᐹᕐᑑᖃᑎᒥᓂᑦ ᑕᑭᓂᕐᐹᖑᓕᕐᐳᖅ ᓇᐹᕐᑐᒐᓮᑦ ᐊᑯᕐᖓᓐᓂ; ᐊᕙᓚᖓᔪᖏᑦ ᐱᕈᕐᑐᖃᑦᓯᐊᕐᐳᑦ ᑕᑭᔫᓪᓗᑎᒡᓗ, ᐃᒪᕐᑐᑦᓯᐊᕋᒥ ᐊᒫᖏᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 47:12

ᑰᓪᓗ ᓰᓇ, ᐊᑦᔨᒌᖏᑦᑐᓂᒃ ᓇᐹᕐᑐᖃᕈᒫᕐᐳᖅ ᐊᑭᓕᕇᓂᒃ, ᓂᕿᒃᓴᖃᕐᕕᐅᔪᒫᕐᑐᓂᒃ. ᐅᖃᐅᔭᖏᑦ ᑐᖁᓕᔪᐃᑦᑑᔪᒫᕐᐳᑦ ᐱᕈᕐᑐᐃᕈᑎᔪᓐᓇᖏᓪᓗᑎᒡᓗ, ᑕᖅᑭᑕᒫᓪᓕ ᓄᑖᓂᒃ ᐸᐅᕐᖓᕐᑖᖃᑦᑕᕈᒫᕐᐳᑦ, ᐃᒪᖃᕐᑎᑕᐅᒐᒥᒃ ᑐᒃᓯᐊᕐᕕᒡᔪᐊᕐᒥᑦ ᑰᒃᑐᒧᑦ. ᐱᕈᕐᑐᖏᑦ ᓂᕿᒃᓴᐅᔪᒫᕐᐳᑦ, ᐅᖃᐅᔭᖏᓪᓗ ᐃᓅᓕᓴᐅᑎᐅᔪᒫᕐᐳᑦ ᐋᖅᑭᒃᑕᐅᓇᕐᑑᓗᑎᒃ.”

ᒨᓯᓯ ᓯᑕᒪᖏᑦ 24:6

ᓇᕐᓴᑎᑐᑦ ᐱᕕᑐᔪᐊᓗᒃᑎᑐᑦ, ᐱᕈᕐᓰᕕᒃᑎᑐᑦ ᑰᑉ ᓯᓈᓃᑦᑐᑎᑐᑦ, ᐱᕈᕐᓯᐊᑎᑐᑦ ᐋᓘᒥᒃ ᐊᑎᓕᒃᑎᑐᑦ ᐊᑕᓂᐅᑉ ᐃᓕᐅᕋᕐᓯᒪᔭᖏᑎᑐᑦ, ᓇᐹᕐᑐᑎᑐᑦ ᓰᑕᕆᒥᒃ ᐊᑎᓕᒃᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ,

ᒫᑎᐅᓯᐅᑉ ᐊᒡᓚᖏᑦ 13:6

ᓯᕿᓂᖅ ᓄᐃᖕᒪᑦ, ᐱᕈᓕᕐᑑᒐᓗᐊᑦ ᐆᑕᐅᕗᑦ; ᐊᒫᖃᖏᓐᓇᒥᒃ ᐊᑯᓂᐅᖏᑦᑐᖅ ᐸᓂᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 21:19

ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐊᖅᑯᑎᐅᑉ ᓴᓂᐊᓃᑦᑐᒥᒃ ᑕᑯᒐᒥ ᐅᐸᒃᐹ, ᓇᓂᓯᓐᖏᓚᕐᓗ ᐱᕈᕐᑐᖏᓐᓂᒃ ᐅᖃᐅᔭᖃᑐᐃᓐᓇᕐᒪᑦ. ᓇᐹᕐᑐᖅ ᐅᖃᐅᑎᕚ, “ᐱᕈᕐᕕᐅᒃᑲᓐᓂᓚᐅᕐᓯᒪᑦᔮᔪᓐᓃᕐᐳᑎᑦ!” ᑕᕝᕔᓐᓇᖅ ᓇᐹᕐᑐᖅ ᐸᐅᕐᖓᓕᒃᓴᖅ ᑐᖁᓕᕗᖅ.

ᒫᑎᐅᓯᐅᑉ ᐊᒡᓚᖏᑦ 21:34

ᐸᐅᕐᖓᓂᒡᓕ ᑲᑎᕐᓯᕕᒃ ᓇᓪᓕᐅᑎᓕᕐᒪᑦ, ᐱᔨᓂ ᑎᓕᕔᑦ ᐱᕈᕐᓰᕕᖕᒥᒃ ᑲᒪᔨᓄᑦ ᑲᑎᕐᓱᕐᑕᖏᓐᓂᒃ ᐸᐅᕐᖓᓂ ᐱᖃᑕᐅᔪᒪᓪᓗᓂ;

ᒫᑎᐅᓯᐅᑉ ᐊᒡᓚᖏᑦ 21:41

ᑖᒃᑯᐊ ᐅᖃᕐᐳᑦ, “ᓂᑲᒋᖏᑦᓯᐊᕐᓗᒋᑦ ᐱᐅᖏᑦᑐᓕᔪᑦ ᑐᖁᒃᑲᔭᕐᐰᑦ, ᐱᕈᕐᓰᕕᒃ ᑲᒪᔨᓄᑦ ᐊᓯᖏᓐᓄᑦ ᑲᒪᒋᔭᐅᑎᓕᕋᔭᕐᐹ ᐱᕈᕐᑐᖏᓐᓂᒃ ᐱᖃᑕᐅᑎᑦᓯᖃᑦᑕᕋᔭᕐᑐᓄᑦ ᑲᑎᕐᓱᐃᕕᒃ ᓇᓪᓕᐅᑎᔭᕌᖓᑦ.”

ᔪᐊᓇᓯᐅᑉ ᐊᒡᓚᖏᑦ 15:6

ᐅᕙᓐᓃᖏᓐᓇᖏᑦᑐᖅ, ᐃᒋᑕᐅᓂᐊᕐᐳᖅ ᓇᐹᕐᑑᑉ ᐊᕙᓚᖓᔪᖏᑎᑐᑦ ᐸᓂᕐᑐᑎᑐᑦ; ᐊᕙᓚᖓᔪᑦ ᑲᑎᑕᐅᓪᓗᑎᒃ, ᐃᒋᑕᐅᕙᖕᒪᑕ ᐃᑯᒪᒧᑦ, ᐃᑯᐊᓪᓚᒃᑕᐅᓪᓗᑎᒃ.

ᒨᓯᓯ ᑕᓪᓕᒪᖏᑦ 28:8

“ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᐱᓇᓱᐊᕐᓂᑦᓯᓐᓂ ᓯᕐᓗᐊᖁᑎᓯᓗ ᓂᐊᖂᔭᒃᓴᓂᒃ ᑕᑕᑎᓐᓂᐊᕐᐰᑦ, ᓮᒻᒪᕐᑎᓐᓂᐊᕐᐹᓯ ᓄᓇᒋᔭᑦᓯᓐᓂ ᓄᓇᖃᕐᑎᓪᓗᓯ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ.

ᔫᑎᐅᑉ ᐊᒡᓚᖏᑦ 1:12

ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᓂᕆᕕᒃᔪᐊᖃᑎᒌᖕᓂᑦᓯᓂ ᐱᓐᖏᑦᓯᕐᑐᕐᓗᑎᒃ ᐱᖃᑕᐅᕗᑦ ᓱᕅᔪᒪᓪᓗᑎᒃ ᐃᓕᑦᓯᓐᓂᒃ, ᐃᒻᒥᖕᓂᑐᐊᖅ ᐃᓱᒪᒋᕗᑦ; ᓄᕗᔭᑎᑐᑦ ᓯᓚᓗᒃᑎᑦᓯᔪᓐᓇᖏᑦᑐᑎᑐᑦ ᐊᓄᕆᒧᑦ ᐃᖏᕐᕋᔪᑎᑐᑦ ᑍᒤᑉᐳᑦ; ᓇᐹᕐᑐᑎᑐᑦ ᐱᕈᕐᑐᖃᖏᑦᑐᑎᑐᑦ ᐅᑭᐊᒃᓵᖑᓕᕐᑎᓪᓗᒍ, ᓇᐹᕐᑐᑦ ᐊᒫᖏᑎᒍᑦ ᐲᕐᑕᐅᓯᒪᔪᑎᑐᑦ, ᑐᖁᖓᓪᓚᕆᒃᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:2

ᐃᒡᓗᒐᓴᒡᔪᐊᑦ ᐊᖅᑯᑎᖓᑕ ᕿᑎᖓᒎᖓᔪᒥᒃ; ᑰᒡᓗ ᑕᒪᓐᓇ ᐊᑭᓕᕇᓂᒃ, ᓇᐹᕐᑐᖃᕐᐳᖅ ᐆᒪᓇᕐᑐᓂᒃ, ᐸᐅᕐᖓᖃᕐᑐᓂᒃ ᐊᑦᔨᒌᖏᑦᑐᓂᒃ 12ᓂᒃ, ᑕᖅᑭᑕᒫᑦ ᐸᐅᕐᖓᕐᑖᖃᑦᑕᕐᑐᓂᒃ; ᓇᐹᕐᑐᐃᓪᓗ ᐅᖃᐅᔭᖏᑦ ᐋᖅᑭᒃᑕᐅᑦᔪᑎᒃᓴᐅᕗᑦ ᐃᓅᖃᑎᒌᒡᔪᐊᓄᑦ.